Ohabolana 17:1-28
17 Aleo sombi-mofo maina hohanina ao amin’izay misy fihavanana,*+Toy izay trano misy fety* be nefa misy fifamaliana.+
2 Ny mpanompo lalin-tsaina no hifehy ny zanaka manala baraka.Hahazo anjara lova koa izy, hoatran’ny zanaky ny tompony ihany.
3 Natao ho an’ny volafotsy ny vilany fanadiovana metaly, ary ho an’ny volamena ny fatana fandrendrehana,+Fa i Jehovah kosa no mpandinika ny fo.+
4 Mihaino fosafosa ny ratsy fanahy,Ary mihaino fanaratsiana ny mpamitaka.+
5 Izay manesoeso ny mahantra dia manao tsinontsinona ny Mpanao azy,+Ary izay faly amin’ny fahavoazan’ny hafa dia tsy maintsy ho voasazy.+
6 Satroboninahitry ny be taona ny zafikeliny,Ary voninahitry ny zanakalahy* ny rainy.*
7 Tsy mendrika ny hilaza ny marina* ny tsisy saina,+
Ary vao mainka tsy mendrika ny handainga ny mpitondra.*+
8 Amin’ny tompony, dia toy ny vatosoa* ny fanomezana,+Ka na aiza na aiza alehany, dia lasa mety daholo izay ataony.+
9 Izay mamela* fahadisoana dia mitady fitiavana,+Fa izay mbola miresadresaka an’ilay fahadisoana kosa mampisaraka ny mpinamana be.+
10 Ny teny henjana atao indray mandeha amin’ny mahira-tsaina dia mandaitra kokoa+Noho ny kapoka injato amin’ny tsisy saina.+
11 Tsy mitady afa-tsy ny hikomy ny olon-dratsy,Nefa hisy olona tsy misy antra hirahina hanasazy azy.+
12 Aleo mifanena amin’ny orsa very zanaka,Toy izay mifanena amin’ny olona tsisy saina mampiseho ny hadalany.+
13 Izay mamaly ratsy ny soa natao taminy,Dia tsy hialan’ny ratsy koa ny ao an-tranony.+
14 Hoatran’ny mamaky fefiloha* izay mila ady,Koa mialà dieny mbola tsy raikitra ny fifamaliana.+
15 Samy maharikoriko an’i Jehovah,Na izay manafaka madiodio ny ratsy fanahy, na izay manameloka ny olo-marina.+
16 Inona moa ny soa azon’ny tsisy saina raha afaka mahazo fahendrena izy,Nefa izy aza tsy te* hahazo an’izany akory?*+
17 Tia amin’ny fotoana rehetra ny tena namana,+Sady tena rahalahy natao hanampy amin’ny fotoan-tsarotra.+
18 Mifandray tanana amin’ny olona ny tsy ampy saina,*Ka manaiky eo imason’ny namany hoe hiantoka olona mindram-bola.+
19 Tia manao fahadisoana izay tia ady,+
Ary mitady loza izay manangana vavahady avo.+
20 Tsy hahomby* izay manana fo fetsifetsy,+Ary hahita loza izay mamitapitaka.
21 Halahelo ny ray miteraka zaza tsisy saina,Ary tsy ho faly mihitsy ny rain’ny zaza tsy ampy saina.+
22 Fanafody tena mandaitra* ny fo falifaly,+Fa mandany hery* kosa ny hakiviana.+
23 Mandray kolikoly mangingina* ny ratsy fanahyMba hamadihana ny rariny.+
24 Mifantoka amin’ny fahendrena foana ny mason’ny mahira-tsaina,Fa ny mason’ny tsisy saina kosa mandehandeha hatrany amin’ny faran’ny tany.+
25 Manao izay hampalahelo ny rainy ny zanaka tsisy saina,Sady mankarary ny fon’ny* reny niteraka azy.+
26 Tsy tsara ny manasazy* olo-marina,Ary tsy mety ny mamely olona manan-kaja amin’ny karavasy.
27 Mahafehy ny vavany ny olona manam-pahalalana,+Ary ho tony foana ny olona mahay mandinika.+
28 Na ny adala aza rehefa mangina, dia hoheverina hoe hendry,Ary hoheverina hoe mahay mandinika izay manakombona ny vavany.
Fanamarihana
^ Abt: “sorona.”
^ Na: “fiadanana; fahanginana.”
^ Na: “zanaka.”
^ Na: “ray aman-dreniny.”
^ Na: “olona ambony.”
^ Na: “hilaza zavatra tsara.”
^ Na: “vato ahazoana fankasitrahana.”
^ Abt: “manarona.”
^ Na: “tohodrano.” Abt: “mamela rano hivoaka.”
^ Abt: “tsy manana fo.”
^ Na: “Nefa izy aza tsy misaina akory?”
^ Abt: “tsy misy fo.”
^ Na: “Tsy hahita soa.”
^ Na: “manasitrana.”
^ Na: “mahamaina taolana.”
^ Abt: “avy eo an-tratra.”
^ Abt: “mangidy amin’ny.”
^ Na: “mampandoa sazy.”
