Ohabolana 20:1-30
20 Tsy manaja tena izay mamon’ny divay,+ ary tsy mahafehy tena izay mamon’ny toaka.+Tsy hendry izay voavilin’ireny satria manaonao foana.+
2 Atahorana hoatran’ny liona* mierona ny mpanjaka,+Ka mety hamoy ny ainy izay mampahatezitra azy.+
3 Voninahitra ho an’ny olona ny mifehy tena tsy hifamaly,+Fa ny tsisy saina rehetra kosa miditra amin’ilay fifamaliana.+
4 Tsy miasa tany ny kamo amin’ny ririnina,Ka hangataka izy amin’ny fotoam-pijinjana rehefa tsy manana na inona na inona.*+
5 Toy ny rano lalina ny hevitra* ao am-pon’ny olona,Fa mahay manovo an’izany izay mahay mandinika.
6 Be dia be no milaza hoe tia sy tsy mivadika,Saingy sarotra ny mahita olona azo itokisana.
7 Tsy mivadika ny olo-marina,+
Ary sambatra izay zanany* mandimby azy.+
8 Rehefa mipetraka eo amin’ny seza fiandrianana ny mpanjaka mba hitsara,+Dia hain’ny masony ny manavaka* ny ratsy rehetra.+
9 Iza no afaka milaza hoe: “Efa nanadio ny foko aho,+Ka madio tsy misy ota”?+
10 Samy maharikoriko an’i Jehovah,Na ny vatomizana mandainga na ny famarana tsy marina.*+
11 Na ny ankizikely* aza dia hita amin’ny ataonyRaha madio sy mety ny fanaony.+
12 Na ny sofina mandre na ny maso mahita,Dia samy nataon’i Jehovah.+
13 Aza tia torimaso, sao ianao ho lasa mahantra.+
Sokafy ny masonao, dia ho voky sakafo ianao.+
14 “Tsisy ilana an’io! Tsisy ilana an’io!”, hoy ny mpividy.Dia lasa izy avy eo sady mirehareha.+
15 Mety hanana volamena sy haran-dranomasina* be dia be ny olona,Fa ny molotra mampita fahalalana anefa no tena sarobidy.+
16 Raha niantoka olona tsy fantany ny olona iray, dia alaivo ny akanjony.+Raha niantoka vehivavy hafa firenena* izy, dia alaivo ny antoka nomeny.+
17 Matsiro amin’ny olona ny sakafo azo tamin’ny fitaka,Nefa avy eo ho feno vatokely ao am-bavany.+
18 Hahomby* izay kasaina hatao raha maka hevitra amin’olona,*+Ary tari-dalana tsara* no ilainao rehefa handeha hiady.+
19 Mandehandeha mamoaka tsiambaratelo ny mpanendrikendrika.+Aza miarakaraka amin’ny olona tia fosafosa.*
20 Izay manozona ny rainy sy ny reniny,Dia ho faty ny jirony rehefa tonga ny alina.+
21 Raha fitiavan-karena no nahazoana lova tamin’ny voalohany,Dia tsy hahazoana fitahiana izany amin’ny farany.+
22 Aza miteny hoe: “Handeha hamaly faty aho!”+
Aoka ianao hanantena an’i Jehovah,+ dia hamonjy anao izy.+
23 Maharikoriko an’i Jehovah ny vatomizana mandainga,*Ary tsy tsara ny mizana mamitaka.
24 I Jehovah no mitarika ny dian’ny olona;+Fa ahoana moa no ahafantaran’ny olona an’izay lalana tokony halehany?*
25 Fandrika ho an’ny olona ny maimaika hanao voady hoe: “Masina!”,+
Ka efa atỳ aoriana izy vao mandinika an’ilay voady nataony.+
26 Avahan’ny mpanjaka hendry ny ratsy fanahy,+Ka hosihoseny amin’ny kodiaram-by.*+
27 Ny fofonain’ny olona no jiron’i JehovahHitsilovana ny hatrany anatin’ny fony.
28 Voaro ny mpanjaka raha be fitiavana sy tsy mivadika ary mitana ny teniny.+Maharitra eo amin’ny seza fiandrianany izy raha be fitiavana sy tsy mivadika.+
29 Voninahitry ny tanora ny tanjany,+Fa voninahitry ny zokiolona kosa ny volofotsiny.+
30 Ny ratra sy ny mangana no manala* ny toetra ratsy rehetra,+Ary ny kapoka no manadio ny hatrany anatin’ny fo.
Fanamarihana
^ Na: “liona tanora.”
^ Na mety hoe “Hitady izy rehefa fotoam-pijinjana nefa tsy hahita na inona na inona.”
^ Na: “fikasana.” Abt: “torohevitra.”
^ Abt: “zanany lahy.”
^ Na: “manivana.”
^ Na: “Ny vatomizana roa karazana sy ny famarana roa karazana.”
^ Na: “zazalahy.”
^ Na: “niantoka vahiny.”
^ Na: “Ho mafy orina.”
^ Na: “mangataka torohevitra.”
^ Na: “tari-dalana feno fahendrena.”
^ Na: “olona manao teny manangoly.”
^ Na: “vatomizana roa karazana.”
^ Na: “ahafantaran’ny olona ny lalany?”
^ Na: “kodiaran’ny fitaovana fanosihosena varimbazaha.”
^ Na: “manadio.”
