Ohabolana 23:1-35
23 Raha mipetraka mba hiara-misakafo amin’ny mpanjaka ianao,Dia mitandrema tsara,
2 Ka mahaiza mifehy tena,*Raha mazoto homana be* ianao.
3 Aza mitsiriritra ny sakafo matsiro arosony,Satria sakafo misy fitaka izany.
4 Aza mandrera-tena mikatsaka harena.+
Ajanòny izany dia asehoy hoe mahira-tsaina ianao.*
5 Raha avelanao hitopy any amin’ny harena ny masonao, dia tsy ho hitanao akory izany.+Fa haniry elatra izany ka hanidina eny amin’ny lanitra toy ny voromahery.+
6 Aza mihinana ny sakafo aroson’ny kahihitra.*Aza mitsiriritra ny sakafo matsiro arosony.
7 Efa kajikajiny tsara mantsy ny habetsahan’ny laninao.
Hoy izy aminao: “Mihinàna, dia misotroa e!”, nefa tsy vokatry ny fony akory izany.*
8 Dia haloan’ny vavanao izay sombiny kely efa laninao,Ary ho very maina ny teny fiderana nataonao.
9 Aza atao henon’ny tsisy saina ny teninao,+Fa hataony tsinontsinona ny tenim-pahendrena lazainao.+
10 Aza akisaka ny marika mamaritra ny tanin’olona, izay napetraka taloha ela be,+Ary aza mitsofotsofoka ao amin’ny tanin’ny kamboty ray.
11 Fa mahery ilay Mpiaro* azy,Ary Izy no hiady aminao eny amin’ny fitsarana mba hiarovana azy.+
12 Sokafy ny fonao hanaiky anatra,Ary ny sofinao hihaino fahalalana.
13 Aza misalasala manafay* zanaka,*+
Fa tsy hoe ho faty izy akory raha kapohinao amin’ny tsorakazo.
14 Kapohy amin’ny tsorakazo izy,Amin’izay ho voavonjy tsy ho any amin’ny Fasana.*
15 Raha manana fo hendry ianao, anaka,Dia ho faly ny foko.+
16 Ho faly ny any anatiko lalina any,*Raha milaza ny marina ianao.
17 Aza avela hitsiriritra ny mpanota ny fonao,+Fa matahora foana an’i Jehovah,+
18 Dia ho tsara ny hoavinao,+Ary tsy ho foana ny fanantenanao.
19 Mihainoa, anaka, ka hendre,Ary avilio hanaraka ny lalana tsara ny fonao.
20 Aza manaiky ho anisan’izay* mpiboboka divay be,+Na ho anisan’izay* mpihinan-kena tafahoatra.+
21 Fa hahantra ny mamo lava sy ny tendan-kanina,+Ary hitafy voro-damba izay tia torimaso.
22 Henoy ny rainao niteraka anao,Ary aza atao tsinontsinona ny reninao satria hoe efa antitra izy.+
23 Vidio* ny fahamarinana ka aza amidy mihitsy,+Dia vidio koa ny fahendrena sy ny anatra ary ny fahiratan-tsaina.+
24 Tena ho faly ny rain’ny olo-marina,Ary izay ray manan-janaka hendry ho ravoravo aminy.
25 Ho ravoravo ny rainao sy ny reninao,Ary ho faly ny reninao niteraka anao.
26 Omeo ahy ny fonao, anaka,Ary enga anie ny masonao ho finaritra mandinika ny lalako!+
27 Fa hoatran’ny lavaka lalina ny mpivaro-tena,Ary toy ny lavadrano tery ny vehivavy ratsy fitondran-tena.*+
28 Miafina toy ny jiolahy izy,+Ary noho ny ataony dia mihabetsaka ny lehilahy mpivadika.
29 Iza no miferinaina? Iza no tsy mahazo aina?
Iza no tia miady? Iza no be taraina?
Iza no maradratra tsy amin’antony? Ary iza no mena maso?*
30 Tsy iza fa izay tsy mety miala eo am-pototry ny divay,+Sy izay mitady* divay misy fangarony.
31 Aza mijery ny hamenan’ny divay,Sy ilay izy mamirapiratra ao anaty kaopy, sady mora atelina.
32 Fa hanaikitra hoatran’ny menarana izy amin’ny farany,Ary hamoaka poizina hoatran’ny bibilava.
33 Hahita zavatra hafahafa ny masonao,Ary hirediredy ianao noho ny eritreri-dratsy mitsiry ao am-ponao.+
34 Ho toy ny olona matory eo afovoan-dranomasina ianao,Ary ho toy ny olona matory eny an-tendron’ny andrin-tsambo.
35 Dia hoy ianao: “Nokapohiny aho, nefa tsy naheno naharary.*
Noveleziny aho, nefa tsy tadidiko akory.
Rahoviana àry aho no hifoha?+
Fa mila misotro indray* aho.”
Fanamarihana
^ Abt: “asio antsy eo amin’ny tendanao.”
^ Na: “Raha feno faniriana.”
^ Na mety hoe “Aza miantehitra amin’ny fahiratan-tsainao.”
^ Na: “olona ratsy fijery.”
^ Abt: “nefa ny fony tsy miaraka aminao.”
^ Abt: “Mpanavotra.”
^ Na: “mifehy; mananatra.”
^ Na: “zazalahy; tanora.”
^ Abt: “ny voako.”
^ Na: “Aza miaraka amin’izay.”
^ Na: “Na miaraka amin’izay.”
^ Na: “Ataovy izay hahazoana.”
^ Na: “manana maso mila tsy hisokatra intsony?”
^ Na: “mivorivory mba hanandrana.”
^ Na: “tsy henoko.”
^ Na: “Fa hitady azy indray.”
