Ohabolana 30:1-33
30 Izao no hafatra mafonja tao amin’ny tenin’i Agora zanak’i Jake, izay nolazainy tamin’i Itiela sy Okala:
2 Izaho no tsy misaina indrindra amin’ny olona rehetra,+Sady tsy mba mahira-tsaina hoatran’ny olona.
3 Tsy mba nianatra ny atao hoe fahendrena aho,Ary tsy manana ny fahalalana ananan’Ilay Masina Indrindra.
4 Iza no niakatra tany an-danitra ka nidina avy any?+
Iza no nahavita nanangona rivotra tamin’ny tanany roa?
Iza no nahavita nandrakotra ny rano tamin’ny akanjony?+
Iza no nahavita namaritra* ny faran’ny tany?+
Iza no anarany, ary iza no anaran’ny zanany, raha fantatrao?
5 Madio toy ny metaly voadio daholo ny teny nolazain’Andriamanitra.+
Ampingan’izay mialoka aminy Izy.+
6 Aza ampiana ny teniny,+Sao hanariny ianao,Ka ho hita fa mpandainga.
7 Andriamanitra ô, zavatra roa no angatahiko aminao,
Ka aza lavina dieny mbola tsy maty aho:
8 Ampio aho mba tsy hilaza zavatra tsy marina na handainga.+
Aza atao mahantra aho, nefa aza atao manankarena koa.
Avelao fotsiny aho hihinana an’izay sakafo sahaza ahy,+
9 Sao ho voky aho ka handa anao, dia hiteny hoe: “Fa iza koa izay Jehovah?”,+
Na sao ho lasa mahantra aho ka hangalatra, dia hanala baraka* ny anaran’Andriamanitro.
10 Aza endrikendrehina any amin’ny tompony ny mpanompo,Sao izy hanozona anao, ka ho hita fa meloka ianao.+
11 Misy taranaka manozona ny rainySady tsy manaja ny reniny.+
12 Misy taranaka mihevi-tena ho madio,+Nefa tsy voasasa ka tsy afaka akory ny lotony.*
13 Misy taranaka manao fijery mianjonanjona be,Sady tena manao fijery miavonavona be.+
14 Misy taranaka manana nify hoatran’ny sabatra,Sy vazana toy ny antsin-kena.Arapany ny madinika eto an-tany,Sy ny mahantra eo amin’ny olombelona.+
15 Ny dinta dia manan-janakavavy roa, izay miantsoantso hoe: “Omeo! Omeo!”
Ireto misy zavatra telo tsy mety voky,Eny, zavatra efatra tsy miteny mihitsy hoe: “Aoka izay!”:
16 Ny Fasana*+ sy ny kibo momba,Ny tany tsy misy rano,Ary ny afo izay tsy miteny mihitsy hoe: “Aoka izay!”
17 Ny mason’izay manesoeso ray sy tsy mankatò reny+Dia hotsaingohin’ny goaika mpankeny amin’ny lohasaha,*Sady ho lanin’ny zana-boromahery.+
18 Ireto misy zavatra telo tsy takatry ny saiko,*Eny, zavatra efatra tsy azoko:
19 Ny lalan’ny voromahery manidina eny amin’ny lanitra,Ny lalan’ny bibilava mandady eny ambony vatolampy,Ny lalan’ny sambo mandeha eny afovoan-dranomasina,Ary ny ataon’ny lehilahy rehefa miaraka amin’ny tovovavy.
20 Izao no fanaon’ny vehivavy mpanitsakitsa-bady:
Mihinana izy dia mamafa vava,Ary miteny izy avy eo hoe: “Tsy nanao ratsy mihitsy aho!”+
21 Ireto misy zavatra telo mampikorontana ny tany,Eny, zavatra efatra tsy zakany mihitsy:
22 Rehefa ny mpanompo no lasa mpanjaka,+Ary ny adala no lasa voky be,
23 Rehefa ny vehivavy halan’ny* olona no nisy naka vady,Ary ny mpanompovavy no maka ny toeran’ny tompovaviny.+
24 Ireto misy zavatra efatra anisan’ny kely indrindra eto an-tany,Nefa manana fahendrena voajanahary:*+
25 Ny vitsika dia zavaboary* tsy matanjaka,Nefa manangona ny sakafony rehefa fahavaratra.+
26 Ny bitrom-bato+ dia zavaboary* tsy mahery,Nefa manao ny tranony eny ambony vatolampy.+
27 Ny valala+ dia tsy manana mpanjaka,Nefa miara-mandroso manao andiany izy rehetra.+
28 Ny katsatsaka+ dia mamikitra amin’ny tongony,Ary miditra ao amin’ny lapan’ny mpanjaka.
29 Ireto misy zavatra telo tsara famindra,Eny, zavatra efatra tsara fandeha:
30 Ny liona izay biby mahery indrindra,Sady tsy mba mihemotra eo anatrehan’iza na iza,+
31 Ny alika mpihaza, ny osilahy,Ary ny mpanjaka mitarika ny tafiny.
32 Raha nanao hadalana ianao satria nanambony tena,+Na nitetika ny hanao an’izany,Dia tampeno amin’ny tananao ny vavanao.+
33 Fa ahazoana dibera ny ronono rehefa ahontsankontsana,Ary mandeha ra ny orona rehefa potserina,Dia hoatr’izany koa fa raikitra ny ady raha atao izay hampahatezitra ny olona.+
