Salamo 132:1-18
Hira Fiakarana.
132 Jehovah ô, tsarovy i Davida,Sy ny fahoriany rehetra;+
2 Tsarovy fa nianiana tamin’i Jehovah izyAry nivoady tamin’Ilay Maherin’i Jakoba+ hoe:
3 “Tsy hiditra ao amin’ny tranolay fonenako+ aho.
Tsy hitsotsotra eo ambonin’ny farafara fatoriako aho;
4 Tsy havelako hatory ny masoko,Na havelako ho rendremana,
5 Mandra-pahitako toerana ho an’i Jehovah,Dia toeram-ponenana tsara tarehy* ho an’Ilay Maherin’i Jakoba.”+
6 Nahare momba azy io izahay tany Efrata;+Nahita azy io izahay tany amin’ny faritra be ala.+
7 Andao hiditra ao amin’ny toeram-ponenany,*+Sy hiankohoka eo amin’ny fitoeran-tongony.+
8 Mitsangàna, Jehovah ô! Mankanesa any amin’ny toeram-ponenanao,+Ianao sy ilay Vata Masina mampiseho ny herinao.+
9 Hitafy fahamarinana anie ny mpisoronao,Ary hihoby ireo tsy mivadika aminao!
10 Noho ny amin’i Davida mpanomponao,Dia aza afoy ilay* voahosotrao.+
11 Efa nianiana tamin’i Davida i Jehovah;Tsy hivadika amin’izao teniny izao mihitsy izy:
“Ny iray amin’ny taranakaoNo hapetrako eo amin’ny seza fiandriananao.+
12 Raha manaja ny fifanekena nataoko ny taranakao,Ary manaraka ny fampahatsiahivana omeko* azy,+Dia hipetraka mandrakizay eo amin’ny seza fiandriananao koaNy taranak’izy ireo.”+
13 Fa efa nifidy an’i Ziona i Jehovah;+Te hipetraka ao izy,+ ka niteny hoe:
14 “Ity no toerana honenako mandrakizay;Eto aho no hipetraka,+ satria izany no faniriako.
15 Hofenoiko ny tahirin-tsakafony;Hataoko voky hanina+ ny mahantra ao.
16 Hotafiko famonjena+ ny mpisorona ao,Ary hihoby+ ny olona tsy mivadika izay mipetraka ao.
17 Ao no hataoko mihamitombo ny herin’i* Davida.
Efa nanomana jiro ho an’ilay voahosotro aho.+
18 Hataoko mitafy henatra ny fahavalony,Fa ny satroboninahitra* eo amin’ny lohany kosa hamirapiratra.”*+
