Salamo 148:1-14
148 Derao i Jah!*
Miderà an’i Jehovah, ianareo any an-danitra;+Miderà azy any amin’ny avo.
2 Derao izy, ry anjeliny rehetra.+
Derao izy, ry tafiny manontolo.+
3 Derao izy, ry masoandro sy volana.
Derao izy, ry kintana rehetra mamirapiratra.+
4 Derao izy, ry lanitra avo indrindra* ô,Sy ry rano ambonin’ny lanitra.
5 Aoka hidera ny anaran’i Jehovah ireo,Fa nanome didy izy, dia voaforona ireo.+
6 Ataony mafy orina mandrakizay mandrakizay ireo;+Efa namoaka didy izy, ary tsy ho foana mihitsy izany.+
7 Miderà an’i Jehovah, ianareo etỳ an-tany,Dia ianareo biby ngezabe any an-dranomasina sy ianareo rano lalina rehetra,
8 Ianareo tselatra sy havandra, lanezy sy rahona matevina,Ianareo rivo-mahery izay manatanteraka ny teniny,+
9 Ianareo tendrombohitra sy ianareo havoana rehetra,+Ianareo hazo fihinam-boa sy ianareo hazo sedera rehetra,+
10 Ianareo bibidia+ sy ianareo biby fiompy rehetra,Ianareo biby mandady sy vorona manana elatra,
11 Ianareo mpanjakan’ny tany sy ianareo firenena rehetra,Ianareo andriana sy ianareo mpitsara rehetra eto an-tany,+
12 Ianareo tovolahy sy ianareo tovovavy,*Ianareo lehilahy zokiolona sy ianareo tanora.*
13 Aoka samy hidera ny anaran’i Jehovah ireo,Fa ny anarany ihany no avo indrindra.+
Ambony noho ny tany sy ny lanitra ny voninahiny.+
14 Hampitombo ny herin’ny* vahoakany izy,Mba hahazo dera izay rehetra tsy mivadika aminy,Dia ny zanak’Israely, izay firenena akaiky azy.
Derao i Jah!*
