Salamo 58:1-11
-
Misy Andriamanitra mitsara ny tany
-
Vavaka atao mba hosazina ny ratsy fanahy (6-8)
-
Ho an’ny mpitarika; atao mifanaraka amin’ilay hoe “Aza Mandringana.” Miktama* nataon’i Davida.
58 Afaka miresaka fahamarinana ve ianareo raha mangina?+
Afaka mitsara araka ny hitsiny ve ianareo, ry zanak’olombelona?+
2 Tsia! Mitetika ny hanao ny tsy marina ianareo ao am-ponareo ao,+Ary mampirongatra herisetra ao amin’ilay tany ny tananareo.+
3 Vao teraka* ny ratsy fanahy dia efa diso lalana;*Mpikomy izy ireo sady mpandainga hatramin’ny vao teraka.
4 Toy ny poizin’ny bibilava ny poizina avy amin’izy ireo;+Marenina hoatran’ny kôbrà manampin-tsofina izy ireo.
5 Tsy hihaino ny feon’ireo mpilalao ody mibaiko azy izy,Na dia mahay manao fandraikiraikena tahaka ny inona aza izy ireo.
6 Andriamanitra ô, poteho hiala ao am-bavany ny nifiny!
Torotoroy ny valanoranon’ireo liona* ireo, Jehovah ô!
7 Hanjavona toy ny rano be mora ritra anie izy ireo!
Enga anie Izy hanomana* ny tsipìkany, ka hampidaraboka azy ireo amin’ny zana-tsipìkany!
8 Enga anie izy ireo ho toy ny sifotra mihalevona eny am-pandehanana,Ho toy ny zaza vao teraka dia maty ka tsy mahita masoandro!
9 Mbola tsy mafana akory ny vilaninareo eo ambonin’ny afon-tsilo,Dia efa hesorin’Andriamanitra ny rantsany mando sy ny efa mirehitra, ka ho toy ny nopaohin’ny tafio-drivotra.+
10 Hifaly ny olo-marina satria hitany ny amaliana ny ratsy fanahy;+Hiroboka ao anatin’ny ran’izy ireny ny tongony.+
11 Dia hilaza ny olona hoe: “Mandray valisoa tokoa ny olo-marina.+
Ary misy Andriamanitra mitsara tokoa ny tany.”+
