Salamo 74:1-23
Maskila* nataon’i Asafa.+
74 Nahoana no dia nolavinao mandrakizay izahay, Andriamanitra ô?+
Nahoana ianao no tezitra be* amin’ny ondry ao amin’ny kijananao?+
2 Tsarovy ilay vahoaka* efa nofidinao hatry ny ela,+Dia ilay foko navotanao ho lovanao.+
Tsarovy ny Tendrombohitra Ziona, ilay toerana ipetrahanao.+
3 Mankanesa any amin’ilay toerana rava tanteraka.+
Nosimban’ny fahavalo ny zava-drehetra tao amin’ny toerana masina.+
4 Nierona tao amin’ny toerana fihaonana aminao ny fahavalonao.+
Natsangan’izy ireo tao ny saina keliny, mba ho famantarana.
5 Toy ny olona manainga famaky hikapa ala mikitroka izy ireo.
6 Nopotipotehiny tamin’ny famaky sy bara vy daholo ny asa sokitra+ tao.
7 Nodoran’izy ireo ny toeranao masina,+
Nozimbazimbainy ny tranolay mitondra ny anaranao ka natsipiny tamin’ny tany.
8 Samy miteny any am-pony any izy ireo sy ny zanany hoe:
“Hodorana daholo izay toerana fihaonana* amin’Andriamanitra, eto amin’ity tany ity.”
9 Tsy mahita an’ireo famantarana natao ho anay intsony izahay;Tsy misy mpaminany intsony koa,Ary tsy misy aminay mahalala hoe haharitra hafiriana izany.
10 Andriamanitra ô, mandra-pahoviana no mbola haneso anao ny mpanohitra anao?+
Tsy hanaja ny anaranao mandrakizay ve ny fahavalo?+
11 Nahoana no ahemotrao indray ny tananao, dia ny tananao ankavanana?+
Avoahy avy ao an-tratranao* ny tananao, dia aringano izy ireo.
12 Andriamanitra anefa no Mpanjakako efa hatry ny ela be;Izy ilay manao asa famonjena eto an-tany.+
13 Nataonao nisamboaravoara ny ranomasina noho ny herinao;+Nopotipotehinao ny lohan’ny biby ngezabe any an-dranomasina.
14 Notorotoroinao ny lohan’ny Leviatana;*Nomenao hohanin’ny olona monina any an-tany efitra izy.
15 Nanokatra lalana hivoahan’ny loharano sy ny renirano ianao,+Ary nataonao ritra ny renirano tsy mbola ritra mihitsy.+
16 Anao ny andro, ary anao koa ny alina.
Namorona ny hazavana sy ny masoandro ianao.+
17 Nasianao fetrany ny faritra rehetra eto an-tany,+Ary nanao ny fahavaratra sy ny ririnina ianao.+
18 Tadidio ny esoeson’ny fahavalo, Jehovah ô!Tena tsy manaja ny anaranao+ ny olona adala!
19 Aza omena ny bibidia ny ain’ny domohinanao,
Ary aza hadinoina mandrakizay ny ain’ny vahoakanao mijaly.
20 Tsarovy ilay fifanekena,Fa lasa anjakan’ny herisetra ny toerana maizina eto an-tany.
21 Enga anie izay ampahorina mba tsy ho diso fanantenana+ rehefa lasa;Hidera ny anaranao+ anie ny madinika sy ny mahantra!
22 Mitsangàna, Andriamanitra ô, aoka ianao hiaro tena eny amin’ny fitsarana.
Tsarovy fa manesoeso anao tontolo andro+ ny olona adala.
23 Aza hadinoina izay lazain’ny fahavalonao.
Miakatra tsy an-kiato ny tabataban’ireo mila ady aminao.
