Salamo 80:1-19
Ho an’ny mpitarika; atao mifanaraka amin’ny “Lisy.” Fampahatsiahivana. Hiran’i Asafa.+
80 Mihainoa, ry Mpiandry ny Israely ô,Dia ianao izay mitarika an’i Josefa toy ny fitarika andian’ondry.+
Mamirapirata,*Ry ilay mipetraka eo amin’ny seza fiandrianana eo ambonin’ny* kerobima+ ô!
2 Asehoy ny herinao+Eo anatrehan’i Efraima sy Benjamina ary Manase;Tongava mamonjy anay.+
3 Ataovy lasa hoatran’ny taloha indray izahay,+ Andriamanitra ô!Aoka ianao ho miramirana* aminay, mba ho voavonjy izahay.+
4 Ry Jehovah Andriamanitry ny tafika ô, mandra-pahoviana no hampahatezitra anao ny* vavaky ny vahoakanao?+
5 Ranomaso no ataonao sakafony,Ary ranomaso havozona no ampisotroinao azy.
6 Avelanao hifandroritan’ny manodidina izahay;Maneso anay foana ny fahavalonay isaky ny te hanao an’izany.+
7 Ataovy lasa hoatran’ny taloha indray izahay, ry Andriamanitry ny tafika ô!Aoka ianao ho miramirana* aminay, mba ho voavonjy izahay.+
8 Nisy voaloboka+ nafindranao avy tany Ejipta.
Noroahinao ireo firenena, dia nambolenao ilay voaloboka.+
9 Nodiovinao ny toerana hambolenao azy,Ka namaka izy io ary nameno an’ilay tany.+
10 Nanarona an’ireo tendrombohitra ny alokalony,Ary nandrakotra an’ireo hazo sederan’Andriamanitra ny sampany.
11 Nisandrahaka hatrany amin’ny ranomasina ny sampany,Ary hatrany amin’ny Renirano*+ ny rantsany.
12 Nahoana no noravanao ny fefy vato manodidina an’ilay tanimboaloboka,+Ka mioty ny voany+ izay rehetra mandalo?
13 Trongitrongisin’ny lambo avy any an’ala ilay izy,Ary hohanin’ny bibidia avy any an-tsaha.+
14 Miverena re, ry Andriamanitry ny tafika ô!
Mijere avy any an-danitra!
Karakarao ity voaloboka ity,+
15 Dia ilay foto-boaloboka nambolen’ny tananao ankavanana,+Ary tsinjovy ilay solofony* izay nohatanjahinao ho anao.+
16 Kilan’ny afo+ ilay izy sady voakapa.
Ringana izy ireo noho ny anatra mafy nataonao.*
17 Ny tananao anie hanohana an’ilay olona eo an-tananao ankavanana,Dia ilay zanak’olona nohatanjahinao ho anao!+
18 Amin’izay dia tsy hiala aminao izahay.
Tsimbino ny ainay mba hiantsoanay ny anaranao.
19 Ataovy lasa hoatran’ny taloha indray izahay, ry Jehovah Andriamanitry ny tafika ô!Aoka ianao ho miramirana* aminay, mba ho voavonjy izahay.+
Fanamarihana
^ Na: “Asehoy ny famirapiratanao.”
^ Na mety hoe “eo anelanelan’ny.”
^ Abt: “hampamirapiratra ny tavanao.”
^ Abt: “ianao no hanetroka amin’ny.”
^ Abt: “hampamirapiratra ny tavanao.”
^ Izany hoe Eofrata.
^ Na: “zanany kely; sampany.”
^ Abt: “ny fananaran’ny tavanao.”
^ Abt: “hampamirapiratra ny tavanao.”
