Salamo 81:1-16
Ho an’ny mpitarika; atao Gitita.* Nataon’i Asafa.+
81 Mihobia an’Andriamanitra fa izy no herintsika.+
Manaova horakora-pandresena ho an’ny Andriamanitr’i Jakoba.
2 Mitendre mozika, ary makà ampongatapakaSy harpa mamoaka feo mahafinaritra ary zavamaneno fitendry.
3 Tsofy ny anjombona rehefa tsinam-bolana+Sy rehefa fenomanana, fa fety ny andro.+
4 Didy nomena ny Israely mantsy izany,Fitsipika avy amin’ilay Andriamanitr’i Jakoba.+
5 Nomeny ho fampahatsiahivana an’i Josefa izany,+Tamin’izy* nivoaka mba hamely an’i Ejipta.+
Naheno feo* tsy fantatro aho, nilaza hoe:
6 “Nesoriko teo an-tsorony ny enta-mavesatra;+Tsy nampitondraina sobika intsony ny tanany.
7 Niantso ianao rehefa tao anatin’ny sarotra, dia namonjy anao aho;+Namaly anao tao anaty rahona mainty*+ aho,
Ary nitsapa toetra anao teo amin’ny rano tao Meriba.*+ (Sela)
8 Mihainoa, ry vahoakako, fa hijoro ho vavolombelona hiampanga anao aho.
Ry Israely ô, raha mba nihaino ahy mantsy ianao,+
9 Dia tsy ho nisy andriamani-kafa teo aminao,Ary tsy ho niankohoka tamin’ny andriamanitry ny firenen-kafa ianao.+
10 Izaho Jehovah no Andriamanitrao,Ilay nitondra anao nivoaka avy tany Ejipta.+
Sokafy mitanatana ny vavanao fa hofenoiko.+
11 Tsy nihaino ny teniko anefa ny vahoakako;Tsy nankatò ahy ny Israely.+
12 Koa navelako hanaraka ny ditran’ny fony* izy;Nanao izay saim-pantany* izy ireo.+
13 Raha mba nihaino ahy mantsy ny vahoakako,+Raha mba nandeha tamin’ny lalana natoroko mantsy ny Israely,+
14 Dia ho nataoko vetivety dia resy ny fahavalony;Ho namely an’ireo nanohitra azy ny tanako.+
15 Hatahotra ireo mankahala an’i Jehovah rehefa eo anatrehany,Ary haharitra mandrakizay ny loza hanjo azy.*
16 Homeny varimbazaha faran’izay tsara*+ kosa ianao* mba hohaninao,Ary hataony voky tantely avy ao amin’ny vatolampy.”+
Fanamarihana
^ Izany hoe Andriamanitra.
^ Na: “fiteny.”
^ Midika hoe “Filana Ady.”
^ Abt: “tao amin’ny toerana miafina fonenan’ny kotroka.”
^ Na: “ny fony mikiribiby.”
^ Abt: “Nandeha tamin’ny toroheviny.”
^ Abt: “ny fotoanany.”
^ Abt: “amin’ny matavy amin’ny varimbazaha.”
^ Abt: “izy”, izany hoe ny vahoakan’Andriamanitra.
