Salamo 86:1-17
Vavak’i Davida.
86 Aoka ianao hanongilan-tsofina,* Jehovah ô, ka valio ahoFa mijaly sy mahantra.+
2 Arovy ny aiko satria tsy mivadika aminao aho.+
Mba vonjeo ity mpanomponao izay matoky anao,Fa Andriamanitro ianao.+
3 Iantrao aho, Jehovah ô,+Fa miantso anao tontolo andro.+
4 Ampifalio ity mpanomponao,Fa ianao no ianteherako,* Jehovah ô!
5 Tsara toetra+ sy vonona hamela heloka+ mantsy ianao, Jehovah ô!Be fitiavana sy tsy mivadika amin’izay rehetra miantso anao ianao.+
6 Henoy ny vavaka ataoko, Jehovah ô,Ary henoy tsara ny fitalahoako fanampiana!+
7 Miantso anao aho rehefa ao anatin’ny sarotra,+Satria hamaly ahy ianao.+
8 Tsy misy hoatr’anao ireo andriamanitra, Jehovah ô!+Tsy misy mahavita ny vitanao.+
9 Jehovah ô, ho avy hiankohoka eo anatrehanaoNy firenena rehetra nataonao,+Ary homen’izy ireo voninahitra ny anaranao!+
10 Fa lehibe ianao ary manao zava-mahagaga;+Ianao irery no Andriamanitra.+
11 Ampianaro ny lalanao+ aho, Jehovah ô!
Handeha amin’ny fahamarinanao+ aho.
Ataovy izay hatahorako ny anaranao+ amin’ny foko manontolo.*
12 Midera anao amin’ny foko manontolo+ aho, Jehovah Andriamanitro ô,Ary homeko voninahitra mandrakizay ny anaranao,
13 Satria tena tia ahy sy tsy mivadika amiko ianao,Ary novonjenao ny aiko mba tsy hidina any amin’ny Fasana.*+
14 Andriamanitra ô, mitsangana hamely ahy ny olona sahisahy ratsy;+Mitady hamono ahy* ny andian’olona tsy mifaditrovana,Ary tsy miraharaha anao izy ireo.*+
15 Fa ianao kosa, Jehovah ô, dia Andriamanitra mamindra fo sy mangoraka,*Tsy mora tezitra, tena be fitiavana sy tsy mivadika, ary mendri-pitokisana.*+
16 Tsinjovy aho ka iantrao.+
Omeo ny herinao ity mpanomponao,+Ary vonjeo ity zanaky ny mpanompovavinao.
17 Omeo famantarana* aho hoe tsara toetra ianao,Mba ho hitan’ireo mankahala ahy izany, ka ho menatra izy ireo.
Fa ianao, Jehovah ô, no mpanampy sy mpampionona ahy.
