“Ankatoavy ny teniko, dia ho Andriamanitrareo aho, ary ianareo ho oloko.”—Jeremia 7:23

Afaka ny ho naman’i Jehovah ve ianao?

• Genesisy 22:18; Jakoba 2:23

  Lasa naman’i Jehovah i Abrahama satria nihaino azy sy nino azy.

• 2 Tantara 16:9

  Ampian’i Jehovah izay mankatò azy.

• Salamo 25:14; 32:8

  Manoro hevitra ny namany i Jehovah.

• Salamo 55:22

  Arovan’i Jehovah ny namany.

“Tsy nanota i Joba tamin’izany rehetra izany, sady tsy nanome tsiny an’Andriamanitra mihitsy.”—Joba 1:22

Inona no nataon’i Satana tamin’i Joba, ary ahoana no nataon’i Joba?

• Joba 1:10, 11

  Nolazain’i Satana hoe tia tena i Joba fa tsy tia an’i Jehovah.

• Joba 1:12-19; 2:7

  Navelan’i Jehovah halain’i Satana daholo ny fananan’i Joba. Nataon’i Satana narary mafy mihitsy aza i Joba.

• Joba 27:5

  Tsy hain’i Joba hoe nahoana izy no nijaly, nefa tsy nivadika tamin’i Jehovah izy.

“Izay rehetra ananan’ny olona dia homeny hiarovana ny ainy.”—Joba 2:4

Inona no ataon’i Satana mba hampiala antsika amin’i Jehovah?

• 2 Korintianina 11:14

  Mamitaka antsika i Satana mba tsy hankatò an’i Jehovah isika.

• Ohabolana 24:10

  Ataony izay hieritreretantsika hoe tsy mendrika ny hanompo an’i Jehovah isika.

• 1 Petera 5:8

  Manohitra antsika i Satana.

• Ohabolana 27:11

  Ankatoavy i Jehovah, ary aza mivadika aminy mihitsy, dia ho voaporofo hoe mpandainga i Satana.

“Izao no fitiavana an’Andriamanitra, dia ny hitandremantsika ny didiny.”—1 Jaona 5:3

Ahoana no hatao raha te ho naman’i Jehovah?

• Deoteronomia 6:5

  Asehoy hoe tia azy ianao. Hanampy anao hankatò azy izany.

• Isaia 48:17, 18

  Ankatoavy i Jehovah, dia handray soa foana ianao.

• Deoteronomia 30:11-14

  Matokia fa tsy hasain’i Jehovah hanao zavatra tsy ho vitanao mihitsy ianao.

• Filipianina 4:13

  Manaova ny tsara, dia hampian’i Jehovah ianao.