“Ianao no loharanon’aina.”—Salamo 36:9

Inona no hataontsika raha manaja ny aina isika?

• Asan’ny Apostoly 17:28; Apokalypsy 4:11

  Fanomezana avy amin’i Jehovah ny aina ka tokony hohajaina.

• Eksodosy 21:22, 23; Deoteronomia 5:17

  Aza mamono olona na manala zaza.

• 1 Jaona 3:11, 12, 15

  Aza mankahala olona.

• 2 Korintianina 7:1

  Aza mifoka sigara sy rongony na mihinam-paraky.

• Salamo 11:5

  Aza manao fialam-boly sy fanatanjahan-tena mahery setra.

“Ny ain’ny karaza-nofo rehetra dia ny rany, satria ao amin’ny ra ny aina.”—Levitikosy 17:14

Ahoana no fiheveran’Andriamanitra ny aina sy ny ra?

• Genesisy 4:10; Deoteronomia 12:23

  Aina ny ra.

• Genesisy 9:3, 4

  Mahazo mihinana hena isika fa tsy mahazo mihinana ra.

• Asan’ny Apostoly 15:28, 29; 21:25

  Tsy hanaiky fampidiran-dra isika raha mankatò an’ilay didin’Andriamanitra hoe mila mifady ny ra.

• Hebreo 11:6

  Ny mifandray amin’i Jehovah no zava-dehibe indrindra amintsika.

“Ny ran’i Jesosy ... no manadio antsika ho afaka amin’ny ota rehetra.”—1 Jaona 1:7

Inona no mety ho azontsika noho ny soron’i Jesosy?

• Levitikosy 17:11

  Afaka nangataka famelan-keloka tamin’i Jehovah ny Israelita rehefa nanota. Nanao sorona biby izy ireo, ary nafafin’ny mpisorona teo amin’ny alitaran’ny tempoly ny ran’ilay izy.

• Matio 20:28; Hebreo 9:11-14

  Nanao sorona ny ainy i Jesosy tetỳ an-tany mba ho voavela ny fahotantsika, ka tsy nilaina intsony ny manao sorona biby.

• Jaona 3:16

  Sarobidy be mihitsy ny ain’i Jesosy ka lasa afaka manome fiainana mandrakizay ho an’ny olona rehetra i Jehovah.