“Ny olo-marina no handova ny tany, ka honina eo mandrakizay.”—Salamo 37:29

Inona no tian’i Jehovah hatao rehefa namorona ny olona?

• Genesisy 1:28

  Tiany hiteraka ny olona ka hanova ny tany ho paradisa sy hikarakara ny biby.

• Isaia 46:9-11; 55:11

  Tsy maintsy tanterahin’Andriamanitra ny fikasany ary tsy hisy hahasakana azy.

‘Izao tontolo izao manontolo dia eo ambany fahefan’ilay ratsy.’—1 Jaona 5:19

Iza no mitondra an’izao tontolo izao?

• Jaona 12:31

  Mpitondra an’izao tontolo izao i Satana, hoy i Jesosy.

• Jakoba 1:13-15

  Te hivavahana i Satana nefa i Jehovah ihany no mendrika an’izany.

• Genesisy 2:17; 3:1-6

  Namitaka an’i Eva i Satana. Tsy nankatò an’Andriamanitra i Adama sy Eva ka maty.

• Romanina 3:23; 5:12

  Mpanota daholo isika taranak’i Adama ka maty.

• 2 Korintianina 4:3, 4

  Mamitaka ny olona i Satana.

“Ho tonga anie ny fanjakanao! Hatao etỳ an-tany anie ny sitraponao!”—Matio 6:10

Inona no hataon’i Jehovah?

• Daniela 2:44

  Ny Fanjakan’Andriamanitra irery no hitondra ny tany.

• Apokalypsy 16:14-16

  Horavan’Andriamanitra ity tontolo ratsy ity amin’ny Hara-magedona.

• Isaia 9:6, 7

  Nifidy an’i Jesosy ho Mpanjakan’ilay Fanjakany i Jehovah. Hanjaka eran-tany izy.

‘Manokatra ny tananao ianao, ka afa-po ny zavamananaina rehetra.’—Salamo 145:16

Inona no hataon’ny Fanjakan’Andriamanitra?

• Salamo 46:9

  Tsy hisy intsony ny ady sy ny olon-dratsy ary ny herisetra.

• Isaia 32:18; 65:21-24

  Samy hanana trano sy zaridaina tsara tarehy ny olona, ary tsy hatahotra intsony.

• Salamo 72:16

  Ho be dia be ny sakafo.

• Isaia 11:6-9

  Tsy hasiaka ny biby.

• Isaia 33:24; Asan’ny Apostoly 24:15

  Tsy hisy olona harary, ary ho velona indray ny maty.