Fizarana 9
Rahoviana no ho Lasa Paradisa ny Tany?
Hita avy amin’ireo olana eto an-tany fa kely sisa dia ho tonga ny Fanjakan’Andriamanitra. Lioka 21:10, 11; 2 Timoty 3:1-5
Efa nolazain’ny Baiboly mialoha ny zavatra maro mitranga ankehitriny. Nolazainy fa ho tia vola ny olona, tsy hankatò ray aman-dreny, ho lozabe, ary ho tia fahafinaretana.
Voalaza fa hisy horohoron-tany lehibe sy ady ary mosary, sady hihanaka ny aretina. Efa mitranga izany ankehitriny.
Nilaza koa i Jesosy fa hotorina maneran-tany ny vaovao tsara momba an’ilay Fanjakana. —Matio 24:14.
Hanala ny faharatsiana rehetra ilay Fanjakana. 2 Petera 3:13
Kely sisa dia haringan’i Jehovah ny ratsy fanahy rehetra.
Hosazina i Satana sy ireo demonia.
Ho tafavoaka velona ireo mihaino an’Andriamanitra, ka hiaina ao amin’ny tontolo iray hanjakan’ny fahamarinana. Tsy hisy intsony ny tahotra, ary hifampatoky sy hifankatia ny olona.
Mety ho Tianao Koa
BOKY & BOKIKELY
Inona ny Fanjakan’Andriamanitra?
Nasehon’i Jesosy tamin’izy teto an-tany hoe inona no hataon’ny Fanjakan’Andriamanitra, rehefa hitondra ny tany izy io.
BOKY & BOKIKELY
Tsy Hijaly Intsony ve Isika Indray Andro Any?
Milaza ny Baiboly fa tsy tian’Andriamanitra ny tsy rariny ary tena mikarakara ny olona izy. Inona no vokatr’izany eo aminao?
