1. Andao isika hifampahery

Dia samy hanohy ny fanompoana,

Mba tsy ho ketraka irery;

Hiaraha-mizaka izay midona.

Aleo mifankatia hatrany

Mba samy hiaritra avokoa,

Fa ny fiangonana ihany

No miaro amin’izay manjo.

2. Milaza teny mampahery

’Reo namana ’zay tena tia,

Sady amin’ny fotoana mety,

Ka tsapanao fa tsara erỳ!

Mahafaly koa ny miara-miasa

Satria ny tanjona iray ihany.

Na misy manavesatra aza,

’Ndao mba hifampitondra izany.

3. Ny farany efa manakaiky,

Mitombo ireo zava-mahory.

Vao mainka isika mila miaiky

Fa tena ilaina ny mivory.

Isika anie tsy miady ’rery,

Satria vahoaka tafaray.

Koa aoka samy hifampahery,

Tsy hivadika mandrakizay!