1. Derainay ianao Jehovah,

Fa ianao dia tsara toetra!

Mahasoa anay daholo

Ireo asanao rehetra.

Na tsy mendrika aza izahay,

Dia mbola amindranao fo.

Te hanompo anao ’zahay fa

Ianao tena Mpanao Soa.

2. Tia manao soa toa anao koa

Ny vahoaka fidinao,

Ka mizara vaovao tsara

Sy mangoraka hoatr’anao.

Ny fanahinao, Jehovah,

Ilainay ka mba zarao;

Ho hita taratra aminay koa

Ny hatsaran-toetranao.

3. Koa tahio ’zahay, Jehovah,

Mba ho zatra manao soa

Amin’ny mpiara-manompo

Sy ny olon-kafa koa.

Ny fanahinao no ilainay

Fa io no fanalahidy,

’Zay hanampy anay hitafy

Ilay toetra sarobidy.