1. Jehovah Rainay any ambony any,

Te hanandra-peo ny fonay.

Tsaroanay ankehitriny ilay Paska fahiny,

Nataon’ny olonao fahizay.

Taloha mantsy dia zanak’ondry

No niaro ny vahoakanao.

Hoatran’iny Kristy, ’lay nafoinao, satria

Hafa mihitsy ny fitiavanao!

2. Ho fampahatsiahivana ho anay

Ireo mofo sy ny divay.

Ireo no mampahatsiahy

ilay aina sy ra,

Takalo hanavotana anay.

Fa mafy kanefa nataonao

’Lay sorona iray lafo vidy.

Takariva toy ’zao,

maty ilay Zanakao,

Ho tsaroanay am-po, ho tadidy.

3. Tonga eto izahay fa nasainao;

Tsy hainay ny tsy hisaotra anao.

Mitsingerina androany

’zay niseho tam’izany,

Porofon’ny fitiavanao.

Ho anao re ny dera sy laza,

Fisaorana no asandratray.

Irinay ny hankatò, dia handray valisoa:

’Lay fiadanana mandrakizay.