1. Mazava izao ’lay zava-miafina taloha

Hoe ho avy ’lay Mpanjaka iray hitondra soa.

Tia rariny Jehovah, tia mamindra fo;

Nataony izay mba hamonjena ireo tso-po.

Tsy miafina amintsika izao ny fikasany:

Ny Zanany ho Mpanjaka

ary izy hanavao ny tany;

Dia hisy ondry vitsy hofidiny avy eo,

Ho vadin’ilay Zanak’ondry mantsy ireo.

2. ’Reo zavatra nambara hatramin’ny fahiny,

Tian’i Jehovah hohazavaina ankehitriny.

Asainy torintsika izao ’lay Fanjakany;

Ny anjely koa mandray anjara hilaza izany.

Adidintsika anefa sady tombontsoa,

Ny hoe mitondra

ny anaran’ny Ray tsy toha;

Sy hoe Vavolombelona ’zay manambara,

Nirahina hitory an’ilay vaovao tsara!