招待 招待員真願意協助你。關於留位、停車、出入等等的事項，請照招待員的指示及怹合作。

洗禮 拍算受洗禮的人佇拜六下早仔洗禮演講開始進前，請坐佇受洗禮的人的座位。座位設佇講台正頭前的所在，除非有另外說明。受洗禮的人應該準備面巾及適當的游泳衫。

捐款 為著欲互參加大會的人有四序的環境來學習耶和華的智識、親近上帝，大會開袂少錢提供充足的座位、音響及錄影的設備，猶閣有其他的服務。你自願捐款的錢，會用來納大會和全球傳道工作的開銷。會場的無仝所在攏有祀捐款箱，所有的捐款攏非常寶貴。中央長老團真多謝你慷慨支持上帝王國的工作。

急救 請注意，大會只替有緊急需要的人提供服務。

失物 任何拍毋見的物件請交互失物部門處理。你的物件若無去，請到失物部門問看覓。若是發現囝仔拍毋見，請給怹導到此個部門。請注意，為著避免無必要的麻煩，父母應該給囝仔導啲身邊，顧互牢。

座位 請替別人設想，只通為家己的親人、及你坐仝台車、住做夥的人，抑是當啲及你讀聖經的人留位。若毋是為著留位，請莫給物件囥佇椅仔頂。

志願服務 如果你想欲參與大會的志願服務，會當去詢問及志願服務部門報名。

王國傳福音者訓練班 王國傳福音者訓練班的聚會佇禮拜日下晡舉行。想欲擴大服務的先鋒，年歲佇23到65歲之間，請安排時間參加。聚會的時間及地點，請注意大會的宣布。