ǀGuritsâsens—Tae-e du dī ǁkhā?
“ǁGaubexa Amerikab ǃnâ ra hâ ǂkhamkhoen hîna 18-25 kurigu ǃnâ hân ge ra ǀguritsâsen.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.
“[ǃHubaib ǂurusib ǀapeǂhumis] ge ge ǂanǂan ǀnî khoen ǁgaumaihe hâsa hîna ǀguritsâsensa ǂurusib ǃgomsib ase nî ǀaeǃkhōna. În khoena hui în ǁîn ǀhōsagusin ai ǂâisa ǂûi. Tsî ǀgauga ôa ǀguritsâsensa hoa ǃhūgu ǃnâ ǀaeǃkhōsa nēsib ga ǃhūba ǀgâsa xawe.”—ǃHubaib ǂurusib ǀapeǂhumis, Novemberi 15, 2023.
Elobmîs ge ǃgâi ǀapemāde ra māda mati da khoen ǀkha ǃgâi ǀhōsagusina a omkhâi ǁkhā ǀgaub xa.
Elobmîs daoǁgaudi hîna a hui ǁkhān
ǀOrose xūn hîna khoena xu ra ūbe du na dī re. ǁÎn di ǀgui i ge internetsa kaise sîsenūsa. Dîtsâ re xuna dīsa hîna nî mā-am du na î du khoen ǀkha hâǀhao.
Elobmîs dauǁgaus: “Hoa ǁaen ge ǀhōsana ǀnamma ra ǁgau tsî sa ǃgâsan ge ǂhâb ǃnân nî hui ga ge ǃnae.”—ǂKhoamîdi 17:17.
ǀGauna ôare nauna huisa. ǃGâi xuna da ga nau khoena dība, o i ge sida ǀhōsagusisa ra ǀgaiǀgai tsî kaise ra ǂkhî kai da.
Elobmîs dauǁgaus: “Mās ge ǃkhōǃoas ǃgâ-ai ǀkhaesa.”—ǃNaeǃkhaidi 20:35.
Sida internets ǂhaweba ôaǃnâ re Î du ǃgâi ǀhōsaguside omkhâis ǀkha nî hui du ǃgāsasiba hō.
