Sontaxtsēs, Novemberi 20, 2022 î ge (COP27) United Nations ǂoab tsî ǀnanub mâsib xa ge hâ i, ǂnûsa ge ǀam. ǂHâsib ǃnâ hâ ǃhūgu huiba nî ǃkhōǃoa din ge ǂguise ǃkhō-am. Xawen ge ǂguina ge ǂanǃgâ nēs ǃgomsiba ǀam kai tidesa.

•   “ǁŌb tsî xūna ǂoaǃnâ hân di mari ǂnûiǂuis di mîǁguiba ta ge ra ǃkhōǃgâ,” tib ge António Guterres sa ra mî, secretary-generali United Nations diba, Novemberi 19, 2022. “ǂAn da ge a ǁnās ǂâu tidesa. . . Sida ǃhūbaib ge noxoba ǁkhōǁkhōsa mâsib ǃnâ hâ.”

•   “ǃHūbaib ge ǀgūǁae kai ǀkharaǀkharana ǂoab tsî ǀnanub mâsib ǃnâ nî hōǃâ. Tsî nēs ge ǃgâi tama ǀgaub ǃnâ khoena nî tsâǀkhā.”—Mary Robinsons ge kurina ǃkharu tsî Irelandi president. Tsî khoesi ǂhanugu ǀgapi Commissionerse ge ǂnôa i, Novemberi 20, 2022.

 ǃNāsasen ge ǂkhamkhoena sida ǃhūbaib, mati hānîǁae nî īs xa ra ǂâiǂhansen. Xawe ǂhanuga ǀguipa sîsenǀhao tsî ǁîgu mîmâis ǂoab. Tsî ǀnanub mâsiga ǃgâiǃgâis disa nî dīǀoaǀoa? Elobmîsa tae-e ra mî?

 Elobmîs ge ra mî ǃgari sîsenni tsî ǁguiǂgāsens hînab ǂhanuga ra dīb ge ǃgomsiga hoase ūbe tide. ǀGam ǃaroma ra ǃgaoǃgâ re:

•   “Gama xū-ets ge a ǂhanuǂhanu ǁoa.”—Aoǁnâ-aob 1:15.

   ǂÂibasens: ǂHanugu ge ǃnubusiga ūhâ tsî ǂhâba gu ra xūn hoana dī ǁoa. (Jeremiab 10:23) ǂHanugu ga mâǀhao xawe gu ge nē ǃhūbaib ǃgomsiga ǀam kai hō tide. ǃGarise gu ga dītsâ xawes tsîna.

•   “Khoen ge ǁîǃgôasen tsî ǃkhūsib ân ai ǀgui nî ǂgāmâisen, . . . ǁÎn ge ǁî-aitsama koasen tsî nî ǂnīsa.”—2 Timoteub 3:2, 3.

   ǂÂibasens: Elobmîs ge ǂhanuse ge kēbo. ǂGui khoen sida tsēdi ǃnâ ǁîn xa ǀgui nî ǂâi ǃkhaisa. Tsî naun di ǃgâib ǃoagu sîsenǀhao ǂgao tidesa.

 Sida ǃhūbaib hānîǁaeb ǃnâ nî ī ǀgaus ge ǂhanugu ra mā mîmâis ai ǃgaoǃgaosa tama. Elob ge ǂgaeǂguis ǁkhāsiba ūhâ ǂgaeǂgui-aoba ge mā da, Jesu Xristuba. Elobmîs ge ǁîb xa sao rase ra mî:

•   “ǀGaib ge ǁîb ǃhōra ai hâ. ǁÎb ge: “Buruburuxa ǀApemā-aob,” “ǀGaisa Elob,” “ǀAmo ǁGûb,” “ǂKhîb Gao-aob” ti nî ǀonǂgaihe.”—Jesajab 9:6.

 Jesub ge Elob Gaosib tamas ka io ǀhomsi ǂgaeǂguis Gao-ao. (Mateub 6:10) ǁÎb ge ǀgaib, gā-aisib tsî turab tsîna ūhâ sida ǃhūbaib. Tsî ǃhūbaib ǃnâ ǁan hân tsîna kōǃgâsa. (Psalmdi 72:12, 16) ǁÎb ǂgaeǂguis ǃnakab ge ǁîba “ǃhūbaiba ra hîkākān” hoana nî hîkākā. Tsîb ge ǃhūbaiba ǁkhapa nî ǃgâiǃgâi.—ǂHaiǂhais 11:18; Jesajab 35:1, 7.

 Tae-e nē ǃhūbaib di ǁkhōǁkhōsa ǂoab tsî ǀnanub mâsiba hoase nî dawasa ǂanǂuis ǃaroma “Climate Change and Our Future—What the Bible Says” di hâ khomai ǃâsa khomai re.