ǂKHAIKARI HÂ!
ǂKhamkhoen di ǁnâuǃāb ǂurusib ge ra ǁgaiǂoa
Elobmîsa tae-e ra mî?
Mantaxtsē, Februarib 13, 2023 i ge [ǀaena ǃkhō-oa tsî ra ǁkhaeba] Centers for Disease Control and Prevention (CDC) sa Amerikab ǃnâ hâ ǂkhamkhoen ǁnâuǃāb tsâsigu ǂurusib xa ge ǃnuri. Tsî ge mî, 40 persenti ǀgôan hîna ǀgapi skoli ai hâna tsûaǂgao. Tsî ǃâubasen-e ūhâ tama khami ra tsâ.
“ǃKharugoro 10 kurin ǃnâ da ge ǂkhamkhoen ǁnâuǃāgu ra tsâǀkhāhesa ge mû. Tsî i ge ǁnâuǃāb tsâsigu, ǃgamsen ǂâidi tsî tanisen ǀgaugu hîna ra ǁgaiǂoa ga ǀgapis ǀguisa ra hî, ǀnais xa.” Tis ge Dr. Kathleen Ethiers hîna CDC’s Division of Adolescent and School Health (DASH) sa ra ǂnûǁkhaebasa ra mî.
ǃNurib ge saora xūna ge ǃkhōǂgā hâ i:
10 ǂKhamǀgôadi ǃnâ i ge ǀguis xa ǃnāsa (14 percent) ǂkhamǀgôade ra ǁgarihe sorosise ǁgoe-ūhesa, ǂgao tama di hâ hîna. “Nēs ge kaise ǃaorosa” tis ge Dr. Ethiersa ra mî. “Mâ 10 ǂkhamǀgôadi hoade xu i ge ǀnîsi ǀgui tamas ka io ǃnāsade ge ǀgaiǃkhōhe.”
ǁAubexa i ge 3 ǂkhamǀgôade xu 1 sa (30 persent) ra dītsâ ǃgamsenǂgaosa.
ǁAubexa i ge 5 ǀgôade xu 3 (57 persent) ǂkhamǀgôade tsûaǂgao tamas ka io ǃâubasen-e ūhâ tama khami ra tsâ.
Amase i ge nē ǃnuriga tsûtsûsa. ǂKhamsis ǁaeb ge ǃgâiaǂgaob tsî ǂkhîb xa nî ǀoahe ǁaeba. Tae-e ǂkhamkhoena nî hui, în nētsēn ra hōǃâ ǂâiǂhansende tani ǁkhā? Elobmîsa tae-e ra mî?
Elobmîs ge ǂkhamkhoena supu huiba ra mā
Elobmîs ge ǁnâuǃāxase nētsē da ûiǃnâ hâ ǁaega ra ǁguiǃā. Tsî ra mî, “ǀuni tsēdi ǃnâ gu kaise ǃgom ǁaega nî hâsa.” (2 Timoteub 3:1-5) ǁNās xōǀkhās ge Elobmîsa ǃgâi ǀapemāde ra mā. Hîna ǂgui ǂkhamkhoen ǃhūbaib ǂhawase hâna nî huina, în ǂgui ǃgomsina tani ǁkhā. Elobmîs ai ǃgaoǃgaosa khomaiǃâde khomai re.
ǃGamsen ǂâide ūhâ ǂkhamkhoen ǃaroma hâ huib
ǂKhamkhoen hîna depresib, tsûaǂgaosib tsî ǁgaiǂâide ūhân ǃaroma hâ huib
From Sad to Glad (ǃuri xoa-aihe ra ǂhaweb)
ǀHōsan tsî internets ai hâ khoen xa ra ǁorehe ǂkhamkhoen ǃaroma hâ huib
ǁOre-ao-e sa ǃomra sîsenū tamase d ǃoa re (ǃuri xoa-aihe ra ǂhaweb)
ǂKhamkhoen hîna ǀgaiǃkhōs tsî ǃgâi tamase tsâǀkhāhes ǀkha ǃgomsina ra hōǃân ǃaroma hâ huib
Elobmîs ge ǃgâi ǀapemāde ǁgûna ra mā
Elobmîs ge ǃgâi ǀapemāde ǁgûna ra mā. În ǁîn ǀgôana hui, nē ǃhūbaib ǃnân ra hōǃâ ǃgomsina tanis ǀkha. Elobmîs ai ǃgaoǃgaosa khomaiǃâde khomai re.
You May Also Like
ESSENTIAL BIBLE TEACHINGS
Eloba tae-i ǃaroma eloxoresasib tsî ǃgomsigu tsîna ra mā-am?
ǂGui khoen ge ra dî, ǃhūbaiba tae-i ǃaroma ǃhuib tsî ǃgomsigu xa ǀoa hâ? Elobmîs ge ǂkhîǂkhî tsî ra ǁkhaeǂgao ǃereamde ra mā.
ǂHÂǂHÂSA ǁKHĀǁKHĀDI
Elob ǀkha ǀhōsagusisa ūhâsa mati a ī ǁkhā?
ǂGui kurigan ge khoena ǁîn di kuru-aoba ǂans a ǂhâǂhâsasa ge mûǂan. Elobmîs ge nî hui da Elob ǀkha ǀhōsagusisa omkhâisa. Tsî nēs ge Elob ǀonsa ǂans ǀkha ra tsoatsoa.
