ǃHūbaib ǂhawase i ge khoena noxoban hōǃâ tsâ tama ǀgammi tsî ǀkhara tsūkēǃgân tsîna ra hōǃâ. Saora ǃnuriga ǃgaoǃgâ re:

•   “174 Kuriga ǃkharu hâse i ge ǀgamma ge ǃgôahe tsoatsoa tsî i ge nē kurib di Juniba hoa kurigu xa ǀgamsa.”—National Oceanic and Atmospheric Administration, U.S. Department of Commerce, Julib 13, 2023.

•   “Italib, Spainni, Fransi, Germanib tsî Poland di ǃnâ i ge kai ǀgamma ra hōǃâhe tsî i ge ra ǃâubasenhe î-i ǂoab mâsib tsîna ǀgapi. Sicilis tsî Sardinia ti ǀon hâ ǃādi ǃnâ i ge 48°C na ge ǀgammsa i. Europi ge ǂguroǃnās ase ǁnāti-i ǀgamma go hôǃâ.”—European Space Agency, Julib 13, 2023.

•   “Nētikōse i ga ǀgam, o i ge ra ǂâibasen ǃnāsase i ǀgaisa ǀhanuba nî hâsa. Nēs ge ǁgammi dâuga nî ǃaroma.”—Stefani Uhlenbrook director of hydrology, water and cryosphere at the World Meteorological Organization, Julib 17, 2023.

 Nēti i ǂhôana ra ǃaoǃao du? Kō re Elobmîs tae-nē ǂhâǂhâsa xū-i xa ra mîsa.

 Îo. ǃHūbaib ǂhawase hâ ǂoab tsî ǀhanub mâsib ge Elobmîs sida ǁaeb xa ra mî xū-i ǀkha ra ǃgûǀhao. Aiǁgause Jesub ge ge kēbo “ǃhuriǃhurisa” tamas ka io ‘ǃkharaga tsûtsû-aina’ da nî mûsa. (Lukab 21:11) Nē ǀgammi ge ǂgui khoena ra ǂgom kai khoen ǀgūǁae nî hîkākāhesa.

 Tātsē. Elob ge ǃhūbaiba ge kuru î da nēpa ûi ǁkhā, ǁîb ge mā-am tide îb hîkākāhe. (Psalmdi 115:16; Aoǁnâ-aob 1:4) ǁÎb ge ge mîǁgui îb ‘ǁnān hîna ǃhūbaiba ra hîkākāna hîkākā.’—ǂHaiǂhais 11:18.

 Elobmîs ge ra ǁgau Elob ǃhūbaiba ǂoab tsî ǀhanub mâsiba xu nî sâusa.

•   “ǁGaoǂoabab ge ge ǁgoea-ai kai tsî gu ge hurib di ǃgabiga ge ǃnō.” (Psalmdi 107:29) Elob ge ǀgaiba ūhâ îb ǃhūbaib di xūna ǂgaeǂgui. ǁÎb ge ǂoab tsî ǀhanub mâsib hîna khoena ǃgomma ra hōǃâ kaiba nî ǀam kai.

•   “Sats ge ǃhūba sari tsî ǃnāǂamsase ra ǃkhū kai.” (Psalmdi 65:9) Elob di ǀkhaeb ǀkha i ge ǃhūbaiba nî paradais kai.

 ǃNāsase Elob di mîmâis matib ǃhūbaiba nî ǃgâiǃgâis xa ǂans ǃaroma “Who Will Save the Earth?” ti ǀon hâ khomaiǃâsa khomai re.