ǀAeǃkhōs ôaǃnâs khoegu ge ra mî 2023 ǃnâ i ǀguritsâsensa nēsi a kai ǃgomsi tsî gu xū-e nēs xa nî dīsa. Nē ǃkhamsa a danhe ǁkhā?

•   “ǀGuritsâsen tsî da ga ǀguriǀgurisen, os ge ǁnāsa sida ǂurusib tsî ǂkhîb tsîna a tsâǀkhā ǁkhā.” Tib ge Dr. Vivek Murthy, Amerikab ǃhôa-aoba ra mî. Xaweb ge ra ǀaro: “Xū-e da ge nēs xa dī ǁkhā.” Tae-e da a dī ǁkhā? “Naun ǀkha da ūhâ ǀhōsagusisa nî ǀgaiǀgai xūna da ge tsēs hoasa a dī ǁkhā.  a”

 ǀGuritsâsens ge hoaǁae ǀguriǀgurisens xa ǀgui ǃaromahe tama. ǀNîn ge ǂgui khoen ǁaegu a ǀguritsâsen ǁkhā. ǀGuritsâsen da ga xawes ge Elobmîsa a hui da ǁkhā. ǁÎs ge ǀāpemade ūhâ hîna a hui du ǁkhāde, î du sadu ǀhōsaguside ǀgaiǀgai tsî tā ǀguritsâsen.

 ǃHoa re. Nēs ge ǂâibasen tama sadu tsâsigu xa ǀgui du nî ǃhoasa xawe du ge ǃgâise nî ǃgâ. ǃGâiǃgâibasensa du ga naun ǃnâ ǁgau khami i ge sadu ǀhōsagusisa nî ǀgai.

•   Elobmîs daoǁgaus: “A i mâ-i hoa-e tā ǁî-i ǃgâib xa ǀgui ǂâi, î-i ǁkhāti nau-i ǃgâib on xa ǂâi.”—Filipeǁîn 2:4.

 ǃKharagagu khoen ǀkha ǀhōsa kai. Mâsenxa re sadu xa a ǂkham, kai tamas ka io ǃkharaga khaoǃhūba ûhān ǀkha ǀhōsagusisa kurusa.

•   Elobmîs daoǁgaus: “Sadu ǂgaoga ǁkhāti harase ǁkhowa-am.”—2 Korinteǁîn 6:13

 Mati du ǀgaisa ǀhōsaguside nî omkhâi ǀgaub xa ǃnāsa ǃgāsasib ǃaroma “Satisfying Our Hunger for Friendship ti ǀon hâ khomaiǃâsa khomai re.”