2022ǁÎ kurib ǃnâ i ge torob, marisi ǃgomsin. Tsî tsūkēǃgâgu tsîna ǃnāsase ǂhôan ǃnâ ge hâ i. Elobmîs ǀguis ge nē xūn di ǃaromasa ra ǁguiǃā.

2022ǁÎ kurib ǃnâ ge ī xūn di ama ǂâibasens

 Nē kurib ǃnâ ge ī xūn ge ra ǁgau, amase da Elobmîs da mî “ǀuni tsēdi” ǃnâ ûihâsa. (2 Timoteub 3:1) ǁNā ǁaeb ge 1914ǁî kurib ǃnâ ge tsoatsoa. Kō re mati i nētsē ra ī xūna, Elobmîs sida tsēdi xa ge kēbo xūn ǀkha ra ǃgûǀhaosa:

 “Torogu.”—Mateub 24:6.

•    “2022ǁÎ kurib ǃnâb ge Europa ǁkhawa toroba ǃoa ge oa.” a

 “ǃÂtsūǀkhāgu.”—Mateub 24:7.

•    “2022ǁÎ kurib ǃnâ i ge noxopa hōǃâhe tsâ tama ǃâtsūǀkhāba ge hâ i.” b

 ‘ǀAen.’—Lukab 21:11.

•    “Polios ge ge oaǀkhī tsîs ge monkeypoxa [ǁgamrona ūhâ ǀkhabi di] kai ǃgomsiba ge ǃaroma. Tsîs ge coronasa noxopa aiǃgû tsî ǃgomsina ra ǃaroma. Nē ǃgomsib ge ge ǃgāsa kai, ǂkhīǁōn a ǃaorosasa. Tsî matin khoena a ǂkhabusa ǀgauba.” c

 “ǃHuriǃhurisa xūn.”—Lukab 21:11.

•    “ǀGaisa ǀgammi, ǀkhurub, ǃāǂhubib tsî ǁgammi dâus. 2022ǁÎ kuriban ge khoena ǀuru tide, kai ǀgammi hîna ge hâ îb ǃaroma. Nē ǀgammi xa ǃaromahe hâse i ge duisends xa ǃnāsa khoena ge ǁō. Tsî i ge ǂgui khoena ǃhūbaib ǂhawase ǁîn omde ge ǂoaǃnâ.” d

 “Khâikhâiǃnâdi.”—Lukab 21:9.

•    “Khoen ge kaise mari ǃgomsin xa ge ǁaixa hâ i. ǃGōsase ǂûn ǀgapise gere ǂgan ǃkhais ǃaroma. Tsî ǁnās xa ǃaromahe hâsen ge khoena 2022 i ǃnâ, ǂhanub ǃoagu gere khâi.” e

ǃGôaxa kuriba taena ǃkhōǂgā hâ?

 Khoe-i tsîn ge a mî ǁoa tae i 2023 nî īsa. Xawe da a ǂans ge ǀgū ǁaeb Elob Gaosib. Tamas ka io ǀhomsi Gaosiba kai ǀkharaǀkharana ǃhūbaib ai nî hausa. (Danieli 2:44) ǁNā ǂhanub ge khoen ra hōǃâ ǃgomsina nî ūbē. Tsî nî ǃaroma îs Elob ǂâisa dīǀoaǀoahe.—Mateub 6:9, 10.

 Toxoba du Jesu Xristub di ǀapemāsa sao. Tsî “ǂkhaikari hâ” î du mûǃā mati i ǃhūbaib ǃnâ ra ī xūna, Elobmîs kēbode ra dīǀoaǀoa ǀgausa. (Markub 13:37) Nēsis Elobmîsa huidu ǁkhā ǀgaub. Tsî matis sadu tsî sadu omaris tsîna ama ǃâubasensa mā ǁkhāsa ǂans ǃaroma, sida ǀkha ǀkhaoǀkhaosen re.