ǂKHAIKARI HÂ!
Tae-i ǃaroma da 2023 i ǃnâ ǃâubasensa nî ūhâ? Elobmîsa tae-e ra mî?
Sida tsî sida omaris tsîna da ge 2023 i di tsoatsoas ǃaroma ǃgâi ǃâubasensa ra ǁgoreba. Tae-i ǃaroma da ǃâubasensa nî ūhâ?
Elobmîs ge ǃâubasensa ra mā
Elobmîs ǃnâ i ge ǃgâiǂhôasa hâ, ǃgomsin hîna da nēsi ra hōǃân ge ǁaerob dis ǀguisa i tsî ǀae nî ǀam. Elobmîs ge ra mî “xoadi ǃnâ ǀnai xoahe hân ge sada ǁkhāǁkhās ǃaroma xoahe hâ. . . xoade xu hâra ǃnâ-u da nî ǃâubasensa ūhâse.”—Romeǁîn 15:4.
Elobmîs di mîmâi di xa ǃnāsase ǁkhāǁkhāsens ǃaroma, “A Real Hope for a Better Tomorrow” di hâ khomai ǃâsa khomai re.
ǃÂubasens hîna nēsi a huidu ǁkhās
Elobmîs ǃâubasens ge “anker-i” khami i ǁkhā. (Hebreǁîn 6:19) ǁNā ǃâubasens ge a ǀgaiǀgai da ǁkhā. Tsî a huida ǁkhā i da nēsi da ūhâ ǃgomsin ǀkha mâǀgai. Tsî ǃgâi ǂâiǀgauba ūhâ tsî hâhâ nî ǂkhîba hō. Aiǁgause:
Elobmîs ǃâubasens ge ǁgai ǁnaediba ge ūhâ i khoeba a hui ǀgauba, I Got Fed Up With My Lifestyle di ǀon hâ vidiob ǃnâ kē re.
ǀNam da a khoe-i ga ǁō, os Elobmîs ǃâubasensa a huida ǁkhā ǀgauba, ǁŌxuhe hâ khoen ǃaroma hâ ǁkhaeǂgaos di ǀon hâ vidiob ǃnâ kē re.
Sadu ǃâubasensa ǀgaiǀgai re
ǂGui khoen ge ra ǃâubasen în ǃgâi xūna i. Xawen ge a ǀû ǁîn ǃâubasens nî dīǀoaǀoahesa. Elobmîs ta mî i ge a ǀkhara. Tae-i ǃaroma? Elobmîs mîmâi di ge Jehovab a “ǂhumi tama Eloba” xū ra hā. (Titub 1:2) Jehovab ǀguib ge ǀgaiba ūhâ, ǁîb mîmâi di hoadeb nî dīǀoaǀoasa. ǁÎb ge “dī ǂgaob ra xū-i” hoa-e nî dī.—Psalmdi 135:5, 6.
ǁKhau du da ge ra i du Elobmîs ǃâubasensa xu ǃgâiba hō. Sadu ǂgomǃgâsiba du ge ‘xoade ôaǃnâs ǃnâ’ a ǀgaiǀgai ǁkhā. (ǃNaeǃkhaidi 17:11) Marioǃnâ Elobmîs ǁkhāǁkhāsa du dītsâ re. 2023ǁÎ kuriba du ǃgâi ǃâubasens ǀkha tsoatsoa re.
a Elob ǀons ge a Jehova.—Psalmdi 83:18.[NW]