ǃNāsa ǁhui di ge 2024 ǃnâ nî hâ ǃhūbaib ǂhawase, xawen ge ǃnāsa khoena ǂgomǃgâsiba ǂgīǂgōsi ǂgaeǂgui-aon ǃnâ ge ǂoaǃnâ.

•   Amerikab khoen ge dîhen ge o ge mî “ǃnāsa ǂgīǂgōsi ǂgaeǂgui-aon ge ǁîn xa ǀgui ra ǂâi.” ǃGâi xūnan ǂnûǁkhaeban ra khoena nî dības xa. a—Pew Research Center, Septemberi 19, 2023.

 ǂGui ǂkhamkhoen ge ǂgomǃgâsiba ǂgīǂgōsi ǂgaeǂgui-aon ǃnâ ūhâ tama.

•   “Nētsēs ǂkhamkhoen ge ǂhâǂhâsa xūn ai ǃereamde ôas xa a ǃgâibahe.”—The New York Times, Januarib 29, 2024.

•   “ǂKhamkhoen ge khoen internets ai ra ǃnaohe vidiona ra ǂgomǃgâ, ǂgīǂgōsi ǂgaeǂgui-aon ra mî xūn xa.”—The Korea Times, Januarib 22, 2024.

 ǂGīǂgōsi ǂgaeǂgui-aon hānîǁaeba nî ǃgâiǃgâisa da nî ǂgomǃgâ? Ham-e da nî ǂgomǃgâ?

 Khoen ge nî ǂanbasen ham-en ra ǂgomǃgâsa. Elobmîs ge ra mî:“ǁNâuǃāoǃnâ khoe-i ge mâ xū-i hoa-e ra ǂgom, xawe ǁnâuǃāxa khoe-i ge dā i ra ǂais hoasa ra ǃgaoǃgâ.”—ǂKhoamîdi 14:15.

•   Ôaǃnâ re mâ ǂhôan a ama tsî mâ ǂhôan ama tamasa, khomaiǃâsa khomai re “Protect Yourself From Misinformation.”

 ǃNāsase a ǂgomǂgomsa ǂgīǂgōsi ǂgaeǂgui-aon tsîn ge ǁîn ra dī ǂgao xūna a dī ǁoa. ǁNā-amagas ge Elobmîsa ra ǃkhâikhom:

•   “Tā gaosan ai ǂgomaiǂnûi, khoen ôab ai, ǃgâiǃōsi-i xare-i ǁîb tawa a ǀkhaiba.”—Psalmdi 146:3.

 Elobmîs ge ra ǁguiǃā, Elob ge ǁkhāsiba ūhâ tsî a ǂgomǃgâhe ǁkhā ǂgaeǂgui-aoba ǁgaumâisa, ǁîb ge a Jesu Xristub. (Lukab 1:32, 33) Jesub ge a Gao-ao Elob Gaosib diba hîna ǀhomma xu ra ǂgaeǂguiba.—Mateub 6:10.

•   ǁKhāǁkhāsen re tae-i ǃaroma da Jesuba a ǂgomǃgâ ǁkhāsa tsîb mati sada ra hōǃgâ ǃgomsiga nî ūbēsa. Khomaiǃâsa khomai re “Who Is the King of God’s Kingdom?” tsî “What Will God’s Kingdom Accomplish?”