ǂKHAIKARI HÂ!
Politiksa tae-i ǃaroma khoena ra ǀgora?—Elobmîsa tae-e ra mî?
ǃHūbaib ǂhawase î ge ǂgui ǃhaode Politiks xa ra ǀgorahe. Ôaǃnâs hîna ge 2022 i ǃnâ dīhes ǃoagu i ge, “65 Persenti tamas ka io ǃnāsa kai khoena 19 ǃhūgu ǃnâ hâna ra mî: Kai ǂnoagudi ǁîn ǃhūgu ǃnâ hâsa, khoen ǃkharagagu politik ǃnande ra ǂkhâǃnâ amaga.”
Hōǃâ i du ra Politiks sadu ra hâ ǃkhaib ǃnâ khoena kaise ra ǀgōrasa? Tae-i ǃaroma? Dīhe ǁkhā xū-e hâ-e? Elobmîs tae-e ra mîsa ǂâiǃgâ re.
ǀGaugu hîna ra ǀgoragu
Elobmîs ge ge kēbo sida ǁaeb “ǀuni tsēdi” ti a ǂansab ǃnân, ǂgui khoena ǀguiǃnâxasiba ra ǃgom kai ǀgauga nî ūhâsa.
“ǀUni tsēdi ǃnâ gu ǃgom ǁaega nîra hā. . . khoen nî ǁîǀnamsenxa, ǂkhîbaguoǃnâ.”—2 Timoteub 3:1-3.
ǂGui khoen ge ǃgarise ra sîsen, îb ǂhanuba ǃgâise dī xawes ge nēsa ti ī tama hâ. Mâǃoaxa ǀgauga ūhâ khoen ge kaise a ǃgombahe, ǀguiba sîsenǀhaosa în ǃgomsina ǀamsa hōba. ǀAmǂoas ge ra ǁgau, Elobmîs ge ǀnai a mî xū-i ra ama kaisa.
“ǁÎb ǃnâb ra nē khoeba nau khoeba gaoǂam.”—Aoǁnâ-aob 8:9.
Xawe Elobmîs ge ǃgâi ǀamǂoasa ūhâ xū-e ǃoa ra ǁnaeǁgau. ǁNāb ge gaosib hîna khoen nētsē ra hōǃâ ǃgomsina nî ǀam kaiba.
Khoen ǀkha ǁae hâ ǂgaeǂgui-aob
Elobmîs ge ǂgaeǂgui-aob hîna ǀō-aisa ǀgauga ūhâb xa ra ǃhoa: ǁNāb ge Jesu Xristuba. ǁÎb ge ǀgaib, ǂgaeǂguis aiǂhanub tsî turab tsîna ūhâ. Îb ǂkhîb tsî ǀguiǃnâxasib tsîna hau-oa.
“ǁÎb di tsēdi ǃnâb ge ǂhanu-aina nîra ǀomkhâi; tsî ǂkhîb di ǂguisib tsîna.”—Psalmdi 72:7.
“Tsî di ge hoa ǁaede ǁîba nî ǃoaba.”—Psalmdi 72:11.
Jesub ge ǂhanu ǂgaeǂgui-ao, khoenab tsâba tsî ra hui ǂgao amaga. ǃGōsase ǁnān hîna ǃgâi tamase ra hâ ūhena.
“ǁÎb ge ǂhâb ǃnâ hân, tsî ǀgâsan huib ǃaroma ra ǂgain tsîna nî hui ǁnān hui-ao-e ūhâ tamana. ǁÎb ge ǀgâsan tsî ǂhâb ǃnâ hâna ǀkhom tsî ǂhâb ǃnâ hân di ûiga ra sâu. ǁGâiǀāb tsî ǂkhabadība xub ge ǁîn ûiba nî ǃnoraǃnora.”—Psalmdi 72:12-14.
Elob Gaosib xa ǃnāsase ǁkhāǁkhāsen, ǀhomsi ǂhanub Jesub ra ǂgaeǂguiba. ǂAnǂui re mati du ǃgâiba ǁîb ǂgaeǂguisa ǂkhâǃnâsa xu nî hōsa.
Elob Gaosiba a tae? di ǀon hâ vidioba kē re.
“God’s Kingdom—A Government With No Corruption” di ǀon hâ khomâiǃâsa khomai re.