Nē ǁaeb ǃnân ge ǃhūbaib ǂgaeǂgui-aon, kurusǂans tsî texnoloxib ǃnâ ǂansa ūhân tsîna nē komputers ǂans xa xū-e ge mî. Nēs a ǃgomǀgausan ge mûǂan xawen ge texnoloxib ǂhanu tama ǀgaub ǃnâ ra sîsenūhes xa ra ǂâiǂhansen.

•   Kamala Harris, ǃnaga ǂnôa Amerikab Presidenti ge, Meib 4, 2023 ge mî: “Nē texnoloxib ge kaise nētsē a ǀgaisa, khoen ûiga i a dawa ǁkhā ǃkhais ǃaroma. Xawe texnoloxib ge ǁkhā ǁaeb ai khoen ûiga ǁkhōǁkhōsa mâsib ǃnâ a mâi ǁkhā. Aiǁgause, khoesi ǂhanuga ǀkhomaxa kai, khoen ra ǁanǃkhaiga ǂanǂans tsî ǂhanub ǃnâ da ūhâ ǂgomǃgâsib tsîna a ūbēsa.”

•   Meib 9, 2023ǁî kurib ǃnân ge Dr. Frederik Federspiels i ra mûǂam ǀkhaeǃkhō-aona BMJ Global Health ǂkhanis ge xoa: “Texnoloxib ǂurusib ǃaroma ǃgâi ǀapemāde ra mā xawe î ge khoen sorosi ǂurusib tsî ǃgâi tama tsâsigu tsîna a ǃaroma ǁkhā.” a

•   The New York Times, Meib 1, 2023 ǂkhanib ge ge xoa: “Texnoloxib ge ǂhanu tama ǂhôana māǂui ǁkhā. Khoen ge sîsennan tsîna ǂoaǃnâ ǁkhā. Khoen hîna nē texnoloxib ǀkha ra sîsenan ge ra ǂâiǂhansen nēs hānîǁaeb ǃnâ khoena nî ǁkhōǁkhōsabasa.”

 ǁAeb ra ī khami î ge nî mûǂanhe nē texnoloxib, khoen ǃgâib tamas ka io tsūb ǃaroma nî sîsenūhesa. Elobmîsa tae-e nēs xa ra mî?

 Elobmîs ge ra ǁgau, khoesi texnoloxib ǃgâiba khoena mā tidesa xawe ǁgaiǂoas ǀguisa nî disa.

1.  1. Khoen ge nēsa ǃgâi ǂâibasens ǀkha ra dī ǁnā-amagan ge nē texnoloxib ǁgai ǀamǂoasa mû tama hâ.

   •   “Khoe-i ǂhanub a ti ǂâi hâ daob tsîn ge ǁōb ǃoa a ǂgaeǂgui ǁkhā.”—ǂKhoamîdi 14:12.

2.  2. Khoe-i ge nau khoen mati nē texnoloxiba nî sîsenus ǂam-ai ǀgaiba ūhâ tama hâ.

   •   “Tita khaoǃgâ nî hā-e ta ǁîsa nî ǁnāxūba xui-ao. Tsî tari-e gâ tamas ka io i nî gā-ai khoe ǃkhaisa a ǂan? Xawe-i ge ǁî-e hoaraga xūn tita ge nētikō ǀgaisase tsî gā-aise ǀhupuban di ǃereamsa nî ū.”—Aoǁnâ-aob 2: 18-19.

 Nē ǃnôa ǂâiǂhansendi ge amase ra ǁgau, Elob daoǁgausa da ǂhâ hâsa.

 Sida Kuru-aob ge ra mîmâi ǁîb mā-am tidesa în khoen tamas ka io texnoloxiba, khoesib tamas ka io ǃhūbaiba dīkākā.

•   “Xaweb ge ǃhūbaiba ǀamos kōse ra hâhâ.”—Aoǁnâ-aob 1:4.

•   “ǂHanu-ai khoen ge ǃhūba ǀumi tsî ǀamose ǁîb ǃnâ nî ǁan.”—Psalmdi 37:29.

 Elobmîs ǃnâ-ūb ge sida Kuru-aoba ǂkhîb tsî ǃnorasasiba nî māda ûiba ǃoa ra daoǁgau da. Nēs xa ǃnāsase ǁkhāǁkhāsens ǃaroma, saora khomaiǃâde khomai re “Is There a Reliable Guide to a Secure Future?” tsî “A Real Hope for a Better Tomorrow.”