Februarib 24, 2022ǁî kurib ǃnâgu ge Russiab di soldaga Ukraini ǃnâ ge ǂgâ. Nēs ge kai ǃgomsiba ge ǃaroma. Miliundi khoen ûigu ge ǁkhōǁkhōsa mâsib ǃnâ mâihe amaga. Tsîn ge khoena ǃkhaese ǃhūba xu ra ǂoa ǂgao. a

 “Bomdi ge gere ǃhui. Kaise i ge ge ǃaoroxa i. Mîdi ǃnâs tsîna da ge a ǁguiǃā ǁoa. ǃHūba xu ra ǂoa traindi hâsa da ge ǁnâu, o da ge ge mîǁgui î da ī. Hoa xūna da ge ge ǁnāxu. Mâ khoe-i hoa-i ge ǂkhari ǁgarus ǀguisa ūsao ǁkhā i amaga. ǂHâǂhâsa ǂkhinin, soǀôan, ǁgammi tsî ǂû da nî xuron ǀguina da ge ge ūǁkhā i. Nau xūn hoana da ge ge xu. Tsî da ge train stasiesa ǃoa ge ī, bomdi sida ǂnamipe ra ǁnā hîna.”—Nataliias, Kharkiv ǃās dis, Ukraini ǃnâ.

 “ǀUnis kōse da ge ge ǂgom tama hâ i, torob nî hâsa. ǀNî ǃâgu ǃās digu ǃnâ da ge bomdi ra ǃhui ǀgausa gere ǁnâu. Tsî di ge vensterde gere ǀgapisen. ǂHâ ta hâ xūn ǀguina ū tsî ta ge ge ī. ǁGoaga ta ge 8 īr omsa xu ge ī. Tsî trains ǀkha Lviv ǃāsa ǃoa ge ī. Tsî ǁnāpaxu beb ǀkha ge ǃnari Polanda ǃoa.”—Nadijas, Kharkiv ǃās dis, Ukraini ǃnâ.

Nē khomaiǃâs ǃnâ nî ǃhoaǃgaohe xūn

•  ǃKhusaben ǃgomsiba tae-i xa amabes ǃnâ ǃaromahe hâ?

•  ǃKhusabena mapa ǃâubasensa a hō ǁkhā?

•  Elobmîsa nētsē ǃkhusabena hui ǁkhā-e?

 ǃKhusaben ǃgomsiba tae-i xa amabes ǃnâ ǃaromahe hâ?

 ǃKhusaben ǃgomsib ge ge tsoatsoa Russiab di soldagu ge Ukraini ǃnâ ǂgâ o. Xawe Elobmîs ge ǀnîhâ ǃaromade ra mā hoa ǃkhusaben ǃgomsib xa:

•   Khoesi ǂhanugu ge ǃhūbaib ai hâ khoen hoana ǂhân hâ xūna mā tama. ǂGaeǂgui-aogu ge ǁîgu ǀgaiba ǃgâi tamase ra sîsenū. Tsî khoena ra ǁgâiǀā.—Aoǁnâ-aob 4:1; 8:9.

•   Satanni hîna a ǁGâuab, “nē ǃhūbaib di danaǂgaeǂgui-aob” ge khoena kaise ra ǂgaeǂhapu. ǁNā-amagas ge Elobmîsa ra mî: ‘Hoaraga ǃhūbaib ǁnāb hîa a ǂKhabab ǃnâ hâsa.’—Johaneb 14:30; 1 Johaneb 5:19.

•   Khoesib ge ǂgui kuriga ǃgoma ra tsâ. Xawe da ge ǁnās ǂamai nēsisa Elobmîs ge mî ǁaeb ǃnâ ûi hâ. Mî ra: ‘ǀUni tsēdi ǃnâ gu ge kaise ǃgom ǁaega nî hâ.’ (2 Timoteub 3:1) Nē tsēdi ge nî ǂanǂuihe torogu, tsūkeǃgâgu, ǃâtsūǀkhāgu tsî ǂhīǁōn xa. Nē mâsigu ge ra ǃaroma în khoena ǁîn omna xu ǃkhoe.—Lukab 21:10, 11.

 ǃKhusabena mapa ǃâubasensa a hō ǁkhā?

 Elobmîs ge ra ǁgau, Jehovab b sida Kuru-aob, ǀnammi tsî ǀkhomxaǂgaosiba ǃkhusaben tsî ǁîn omna xu ǃkhoe hâ khoena ūba hâsa. (Deuteronomium 10:18) ǁÎb ge ra mîmâi ǃkhusaben ǃgomsinab nî ūbēsa. ǁÎb ǀhomsi ǂhanub hîna Elob Gaosib di ra ǂgaiheb ǀkha. Nē ǂhanub ge khoesi ǂhanuga nî ǃkhōǃkhuni. (Danieli 2:44; Mateub 6:10) Jehovab ge ǁîb Gaosiba nî sîsenū, îb Satanni hîna a ǁGâuaba ūbē. (Romeǁîn 16:20) Nē Gaosib ge ǃhūbaib hoaba nî ǂgaeǂgui. Tsî gu ge ǃhūga ǀgorahe tide. Hoa khoesib ge ǀguiǃnâxase, ǃhūbaib di omarisa nî kuruǂui. ǁKhapa i ge khoe-e ǁî-i omsa xu ǃkhoe tide. Elobmîs ge ge mîmâi: “Mâ-i hoa-i ge ǁî-i draibehais ǃgao tsî ǀnomahais ǃgao nî ǂnû, tsî i ge khoe-i xare-e ǁîna ǃaoǃao tide. ǃKhūb Hoaǀgaixab ge nēsa go mî.”—Mixab 4:4.

 Elob Gaosib ǀguib ge nētsē hâ ǃkhusaben ǃgomsiba ǀamose a ǀam kai ǁkhā. Jehovab ge ǁîb Gaosiba nî sîsenū, îb ǃgomsin hîna khoena ra ǃkhusabe kaina ūbē. Saora aiǁgaude kō re:

•   Torogu. ‘[Jehovab] ge toroga hoaraga ǃhūbaib ai nî ǀû kai.’ (Psalmdi 46:9) Elob toroga nî ǀam kai ǀgaus xa du ga ǂan ǂgao o, “Peace on Earth—How Will It Come?” di hâ khomaiǃâsa khomai re.

•   ǁGâiǀāb tsî ǂkhabadīb. “ǁGâiǀāb tsî ǂkhabadība xub ge [Jehovaba] ǁîn ûiba nî ǃnoraǃnora.” (Psalmdi 72:14) Matin khoena gaxusen ūhâ ǁgâi ǂūga, a dawa ǁkhā ǀgausa du ga ǂan ǂgao o. O “Breaking the Cycle of Hatred” di hâ saogura khomaiǃâde khomai re.

•   ǀGâsib. ‘[Jehovab] ge ǀgâsan huib ǃaroma ra ǂgain tsîna nî hui.’ (Psalmdi 72:12) ǀGâsiba ra ǃaroma ǃgomsigab Jehovaba mati nî ūbē ǀgausa du ga mû ǂgao o. O “Is a Fair Economic System Possible?” di hâ khomaiǃâsa khomai re.

•   ǃÂtsūǀkhāb. “Ab ǃhoroba ǃnāǂamsase ǃhūb ǃnâ hâ.” (Psalmdi 72:16) Jehovab ǃâtsūǀkhāba nî ūbē ǀgaub xa du ga ǂan ǂgao o. O “A World Without Hunger?” di hâ khomaiǃâsa khomai re.

 Elobmîsa nētsē ǃkhusabena hui ǁkhā-e?

 Îo. Elobmîs ge hānîǁaeb ǃaroma ǃkhusabena ǃâubasensa ra mā. Xawe nēsin ra ǃkharu ǃnâ ǃgomsin ǃnâs tsîna a hui nî ǁkhā.

 Elobmîs tsoatsoas: “Tā xū-i xare-i xa ǂâiǂhansen, xawe hoan ǃnâ sadu di ǀgores tsî ǀkhomas ǀkha, Eloba ǂhâba du hâna ǂgan re, hoaǁae ganganxa ǂgaob ǀkha. Tsî ǂkhîb Elob dib, ǁnâuǃāb hoaba ǃnā hâba, ab sadu ǂgaogu tsî ǂâide, Xristub Jesub ǃnâ sâu.”—Filipeǁîn 4:6, 7.

 ǂÂibasens: Mâ mâsib ǀguib ǃnâ du ga hâ xawe, Eloba ǂgan re îb ǂgaob ǃnâ ǂkhîba mā du. “Philippians 4:6, 7—‘Do Not Be Anxious About Anything’” di hâ khomaiǃâsa khomai re.