Mîhe rasa ǃoa i ge 5 bilions khoena FIFA world cupa ra kē. Hîna Novemberi 20 sa xu Desemberi 18 kōse nî hâba. ǂGui khoen ge ra tsâ nēti i ǁaxasigu khoena hui tsî a ǀhaoǀhao ǁkhāsa.

•    “Sports ge ǃhūbaiba dawa tsî ǂkhâǃnâs ǀgaiba ūhâ. Khoena ǀō-aisa ǀgaub ǃnâ ǀhaobes ǀgaib tsîna i ge ūhâ.”—Nelson Mandelab, aisi ge ǂnôa i Suid Afrikab presidenti.

•    Sokers ge . . . Khoena ra ǀguiǃnâxa kai. ǁÎna “ǃâubasens, ǃgâiaǂgaob, turab tsî nau khoenan ǀnams. Tsî ǀgui xū-i xa ǃgâibahe khama ra tsâ kai amaga.”—Giann Infantino, FIFAS presidenti. a

 World cupi tamas ka io nau sports na nēti i mîǁguiga sīǃnâ ǁkhā-e? ǂKhîb tsî ǀguiǃnâxasib ǃâubasensa hâ-e?

 Nē kurib world cupi ge sokers xa ǃnāsa-e ǃkhōǂgā hâ. Khoen ge nēsisa ǀguiba hâǀhaos, ǃhao ǀgoras, khoesi ǂhanugu, tsî marisi ǃgomsin xa ra ǂnôagu.

 Xawen ge noxoba ǂguina world Cupi khami i ǀhurun xa a ǃgâibahe. ǂAn da as ge matikōsen ga ǂhâba, xawe i ge nē ǁaxasiga hâhâ ra ǀguiǃnâxasiba hau tide. Xawe i ge ra ǁgau Elobmîs ra mî khamin khoena nēti i ǂâiǀgaugu. Tsî tanisen ǀgauga “ǀuniga tsēdi” ǃnâ nî ūhâsa.—2 Timoteub 3:1-5.

 Elobmîs ge ama ǃâubasens ǃhūbaib ǂhawase nî hâ ǀguiǃnâxasib disa ǃkhōǂgā hâ. Mîmâibahe da ge ra, ǃhūbaib ai hâ khoen hoan nî ǀguiǃnâxasa ǀhomsi Gaosib hîna “Elob Gaosib” di ra ǂgaiheb ǃnaka.”—Lukab 4:43; Mateub 6:10.

 ǁNā Gaosib di Gao-aob Jesu Xristub ge nî dī, î-i ǂkhîba ǃhūbaib ǂhabase hâ. Elobmîs ge ra mî:

•    ‘ǂHanu-ain.  .  tsî ǂkhîb di ǃnāǂamsasib tsîn ge nî ǀarosen.’—Psalmdi 72:7.

•    “ǁÎb ge ǂhâb ǃnâ hân, tsî ǀgâsan huib ǃaroma ra ǂgain tsîna nî hui . . . ǁGâiǀāb tsî ǂkhabadība xub ge ǁîn ûiba nî ǃnoraǃnora”—Psalmdi 72:12, 14.

 Nētsēs tsîna i ge Jesub ǁkhāǁkhāde ǂgui khoena 239 ǃhūgu ǃnâ hâna ge ǀguiǃnâxa kai. ǁÎn ge ge ǁkhāǁkhāsen în ǃhuiguba ǀû. ǃNāsase ǁkhāǁkhāsens ǃaroma “Breaking the Cycle of Hatred” di hâ khomai ǃâsa khomai re.