Ukraini di torob ǃnâ da ge mû khamin ge Xristeǁîn kerkhen ǂgaeǂgui-aona, khoena ra ǂkhâǃnâ în torob ǃnâ ǀkhā-e ǁhûi. Kō re mati gu ǂgomdi ǂgaeǂgui-aoga, ǃkharagagu ǀkhāga ra ǂkhâǃnâ ǀgausa:

•    “Kai ǃgôasib tsî gangans tsîna da ge sida ǃhūb Ukraina ra ǃkhamba khoega ra mā . . . Sadu xa ǂâi tsî da ge hoaǁae ra ǀgore ba du, hoaǁae da ge sadu ǀkha hâ.”—Metropolitani Epiphaniusi ǂgurob Kyivs dib, Jerusalem Post [ǂhôan ǂkhanib] Maarti 16, 2022.

•    “Ukraini di Orthodox kerkheb danab ge ǀō-aisa ǀhaosa Sontaxtsēs ai ge ūhâ i, torob ǃnâ nî ǃkham soldagu ǃgao. ǁÎgab ge ge ǂkhâǃnâ î gu ‘Russiaǁîn a dī ǁkhā khami’ ǁîgu ǃhūba ǁkhauba, Ukraini ǃnâb Russiaba torob ǀkha ra aiǃgû hîna.”—Reuters [ǂhôan ǂkhanib] Aprili 3, 2022.

 Xristeǁîna torob ǃnâ nî ǃkham? Elobmîsa tae-e ra mî?

 Elobmîs ge ra mî Jesu Xristuba ǂhanu ǀgaub ǃnâ ra sao khoen torob ǃnâ ǃâ tamasa.

•    “Sa gôaba ǃkhais âb ǃnâ ǂgā-oa. Gôab ǀkha ra ǃgam-i hoa-i ge gôab xa nî ǃgamhe.”—Mateub 26:52.

   Khoen hîna toroba ra ǃkhamna amabes ǃnâ Jesub mîde ra ǁnâuǀnam?

•    “O ta ge nēsi ǀasa mîmā-e ra mā du: ǀNamgu re. Tita ge ǀnam du i khami sadu tsîna ǀnamgu re. Sadu ǁîǃnābe ūbagu hâ ǀnammi aib ge ǃhūbaiba nî mûǂan, ti ǁkhāǁkhāsabedu a ǃkhaisa.”—Johaneb 13:34, 35.

   Jesub ge ge mî Xristeǁîn ge ama ǀnammi ai nî mûǂanhe ti. Toroba ra ǂkhâǃnâ khoe-e nē ǀnamma ǁgau i ra?

 ǃNāsa ǃgāsasib ǃaroma “Is War Compatible With Christianity?” di hâ khomai ǃâsa khomai re.

 ǃÂubasen ǁkhā î da a Xristeǁîn nētsē torob ǃnâ ǃâ tidesa? Îo. Elobmîs ge ra mîmâi “ǀuni tsēdi” ǃnâ i ǃkharagagu ǃhaode xu hâ khoena “tātsēs tsîna ǁkhawa ǃkhams ǃaroma ǂhomisen” tidesa, Jesub ge ǁkhāǁkhā khama.—Jesajab 2:2, 4.

•    ǃNāsa ǃgāsasib ǃaroma ǃKhē xu ǂgō-ommi khomai ǃâs “How Does God View War?” di hâsa khomai re.

 ǀGūǁaeb ge ‘ǂkhîb di Elob’ Jehovaba a ǁîb di Gaosiba sîsenū tsî khoena “ǁgâiǀāb tsî ǂkhabadība” xu nî sâu—Filipeǁîn 4:9; Psalmdi 72:14.

•    ǁNās mati nî īsa du ga mûǂgao o, Elob Gaosiba a tae? di ǀon hâ vidioba kō re.