Jehovab di ǃoaba-aon ge ǁîn di ǃgasana ra tsâba. (1 Petrub 2:17) ǂGui da âda ge Tannis di ǀonhâ ǃgasas. Kenyab ǃnâ ra hâs khami ra tsâ. ǁÎs ge ra mî: “Tita ge ti ǃgasan ǀkha, ǃhūbaib ǂhawase ra ī xūn xa ǂans xa a ǃgâibahe.” Tannis tsî nau hâ miliundi ǃgasana mati ǂhôana ra ǁnâu? Nēsa da ge 2013ǁî kuriba xu Newsrooms. Tamas ka io ǂhôan di hâ ǃâba ra sîsenūse ǂhôana ra ǁnâu jw.org’s ai.

 Nē ǂhôan ǃâb ge ǂgomǃgâhe ǁkhā ǃnuriba. Jehovab di ǃoaba-aon xa ra mā. Aiǁgause, Elobmîdi māǂuis, tsūkeǃgâb sîsenni, om sisengu tsî hâ nî ǀō-aisa ǁaxasigu xas tsîna. Tsî sida ǃgasan hîna ǁîn di ǂgoms ǃaroma ǃkhō-oms ǃnâ ǂnôan xas tsîna da ge ra khomai. ǂHôan ǃnâ da ge ǂkhâǃnâ ra ǃnaeǃkhaidi xas tsîna ra khomai. ǁNān ge aoǁnâ sîsenni di ǀō-aisa ǁaxasigu. Tsî Jesub di ǁōb ǂâiǂâisens xa hâ xūn tsîna ǃkhōǂgā hâ. Hamna ǂhôan xa hâ khomai ǃâde ra ôaǃnâ? Tsî nēna mati ra aiǂhomihe?

 ǂHôan ǃâb ge Office of Public Informations (OPI) xa ra mûǂamhe. Nē departments ge dana beros Jehovab ǃoaba-aon dis tawa hâ. Tsî ǂGaeǂguira soros di ǀapeǀape ra komites daoǁgaus ǃnāga ra sîsen. Office of Public Informations ǃnāga î ge 100 xa a ǃnāsa ǃgasana ra sîsen. ǂGuin ge omde xu māsenxase ra sîsen. Nēs ge xoa-aon, ôaǃnâ-aon, teken-aon tsî ǂnûiǃkhuni-aon tsîna ǃkhōǂgā hâ. Tsî naun ge ǂhanuba ra sîsenba khoen, ǁgauǃnâ-aon. Tsî ǂhôan di māǂui-aon ǀkhas tsîna ra ǃhoa. Office of Public Informations ge 80 Public Information Desks di xa. ǁNâub berodi tawa ǃhūbaib ǂhawase ra ǂkhâǃnâhe.

 ǂHôana ǀhaoǀhaos ǃaromas ge OPI sa PIDs ǀkha ǀguiba ra sîsenǀhao. ǃGasan ga ǂûǂûsa ǂhôa-e mûǂan o. On ge ôaǃnâsa nēs xa dī. Tsî ǂgomǃgâsa ǂhôana ra ǀhaoǀhao. Nēs ge khoena dî ǃnâs tsî ǂansa ūhâ khoen ǀkha ǃhoas tsîna ǃkhōǂgā hâ. Hoa amab ga ǀhaoǀhaohe toa o. Os ge khomai ǃâsa xoahe, ǀhaoǀhaohe, khomaihe, ǂhanu ai-īsiga sîsenūhe. Tsî ǁnāpaxu ǀapeǀape ra Komitesa ǃoa ra sîhe mā-ams ǃaroma.

 Jehovab ǃoaba-aona ǂhôan ǃâb xa mati ra tsâ? Cheryl ti ǀon hâ ǃgasas Philippines ǃnâ ra hâs ge ra mî: “Tita ge tsēs hoasa. Jehovab di ǀapeǂhumis tsî ǁîb khoen xa hâ xūna khomais xa a ǃgâibahe.”

 ǂGui khomai-aon ge jw.org ǂHôan tsî nau hâ ǂhôan ǁaegu hâ ǃkharagagusib xa ra ǃhoa. Tatiana di ǀon hâ ǃgasas Kazakhstans ǃnâ ra hâs ge ra mî: “JW.org’s ai hâ ǂhôana ta a ǂgomǃgâ ǁkhā ǃkhaisa ta ge kaise ra ǃgôaǃgâ. Nē ǂhôan ge a ǂgomhe ǁkhā tsî amaba ūhâ.” Alma di ǀon hâ ǃgâsas Mexicob ǃnâ ra hâs ge ra mî: “Hoaǁae ta ge ǁgai xūna ǃhūbaib ǂhawase ra ǁnâu. Xawets ga ǂhôan ǃâba khomai o. Ots ge ra ǂkhâǃnâhe.”

 ǂHôan ǃâb ge amab ǀguiba ūhâ tama hâ. Xawe î ge sada ǂgoms tsîna ra ǀgaiǀgai. Bernard ti ǀon hâ ǃgâsab, Kenyab ǃnâ ra hâb ge ra mî: “ǂHôan ǃâb ge ge hui te. Î da ǃhūbaib ǂhawase hâ ǃgasana ti omaris ǁanin ase mû. Nēs ge mâpa ǀguin ga hâs xawes tsîna. Tsî ta ge ǁîn ǀonde ra ǂgaise ra ǀgorebani.” Bybron ti ǀon hâ ǃgâsas, Kenyab ǃnâ ra hâs ge ra mî: “Elobmîs māǂuis xa ta ga khomai ǃâ-e mû o. O ta ge kaise ra ǂkhî. Nē khomai ǃâdi tsîn ge ra hōhōǃnâde Jehovab ǀgora-e ūhâ tamasa.”

 Mâǃoahe ra ǃgâsan xa hâ ǃnaeǃkhaide da ga ra khomais tsîna da ge ra ǂkhâǃnâhe. Jackline di ǀon hâ ǃgasas, Kenyab ǃnâ ra hâs ge ra mî: “ǁÎn di ǁkhoaǂgaosib xa khomais ge ti ǂgomsa ra ǀgaiǀgai. ǁÎn tae-i xa ra huihe în mâǀgais tsîna ta ge ra ǁkhāǁkhāsen. Khoen ǂhâǂhâsase mû tama hâ xūn. Aiǁgause, ǀgores, Elobmîsa khomais tsî ǁnaes tsîn ge kaise ǂhâǂhâsa ǃâ-e ra ǀhuru. Sida ǃgâsana huisa în ǂgomǂgomsase hâ.”

 Beatriz di ǀon hâ ǃgasas, Costa Rikab ǃnâ ra hâs ge. Kaise tsūkēǃgâb xa hâ ǂhôana khomais xa a ǃgâibahe. ǁÎs ge ra mî: “ǂHôan ǃâb ge ra hui te î ta mû. Matis ǀapeǂhumisa sida ǃgasan hîna. ǂHâsib ǃnâ hâna ǃkhaese tsî ǀnamǀnamxa ǀgaub ǃnâ ra hui ǀgauba mû. Amase ta ge ra mû, nēs a Jehovab di ǀapeǂhumisa.”

 Kaise da ge ra ǃgôaǃgâ ǂgomǂgomsa ǂhôana da. Sida ǃgasan xa ǃhūbaib ǂhawase ra khomai o. Nēs ge sadu di māsenxa mādi ose ga īǁkhā hō tama hâ ǃhūbaib ǂhawase du ra dī te, donate.pr418.com’s ǃnâ-ū. Kai gangans sadu māsenxa mā di ǃaroma.