“Torogu ge ǀgūse tsî ǃnūse nî ǁnâuhe.” Tsî nēsa da ge nē ǀuni tsēdi ǃnâ ra ǃâubasen. (Mat. 24:6) Sida di ǃgâsan ge torogu xa ǃaromahe hâsen ga ǃgomma hōǃâ, o ǂhân hâ huiba ra māhe. ǂGaeǂguira soros ǀasa ǂhôan #3 ǃnâ i ge Eastern Europi ǃnâ gere dīhe sîsenni. Ukrainni torob hâ hîna gere dīhe i xa gere ǃhoahe. Matin sida ǃgâsana ra huigu torob hâ hîna? Tsūkeǃgâb huiba sida ǃgâsana Ukrainni ǃnâ mati ge hui?

 Februarib 24, 2022 î ge toroba Ukrainni ǃnâ ge tsoatsoa. ǁNātsēs ais ge ǀapeǀape ra komitesa tsūkeǃgâb huib ǃaroma. ǀApeǁguipa ge ǂgaekhâi tsoatsoa în sida ǃgâsan Ukrainni ǃnâ hâna huihe. Ukrainni ǁnâub ge xūna Ukrainni ǃnâ ge ǁama tsoatsoa. Tsî 27 tsūkeǃgâb komite di hîna ge ǁgau mâisa ī di ǃnâ gere ǀgoraǂui.

 Nē ǁgūtsâde ǂkhâǃnâs ǃaromas ge dana beros Jehovab ǃoaba-aon disa. Matin huiba ǃgâsana a mā ǁkhā ǀgaub xa ge ǂâi tsoatsoa. ǀApeǀape ra komites tsî ǁgâi sîsenne ra dī komites. ǂGaeǂguira soros dis ge ǃhūbaib ǂhawase ra dīhe ǁamas ǃâba ge ǂgan în Ukrainni. Tsî Polandi ǁnâub berodi ǀkha sîsen tsî tae-i a dīhe ǁkhāsa ǃhoaǃgao. ǁAmas xūna ǂgaus ǀkha sîs tsî ǂhanub departements ǀkha ra sîsen ǃgâsagu. Ukraini ǁnâub komites di ǃgâsab tsî ǃhūbaib ǂhawase ra dīhe ǁamas ǃâb ǃgâsagu. Tsîn ge tsēs hoasa gere ǀhao î gu nē ǁgūtsâde ǃhoaǃgao.

 “ǂGurose da ge gere ǃhoaǃgao tae-i a ǂhâbasasa,” tib ge Jay Swinney. ǃHūbaib ǂhawase ra dīhe ǁamas ǃâb diba ra mî. “ǂÛn tsî ǃanusib ǃaroma ǂhâbasa xūn. ǃGâsan a ǂanana da ge gere ǁama ǂgao. Xawe tae-i a ǂhâsasa ǂanǂuis ǀguis ge ge ǃgomsi tama hâ i. Ukrainni ǃnâb toroba ra aiǃgû hîna da mati ǃkhaese. Nē xūna ǁnāpa nî sī-ūs tsîna da ge nî ǂanǂui.”

 Maarti 9, 2022 gu ge ǃgâsaga ǀnai ge ǂan i. Mâ xūna ǃgâsan Ukrainni ǃnâ hâna ǂhâhâsa. Boksi di ǃnâ i ge dō ǂûn, ǁau-i, griesi, riesie-i, bûinkin. Tsî ǀnî xūn ǃanusib ǃaroma ǂhâbasan, aiǁgause sē-i tsî toilet papier-i ge ge ǂhâsa i. ǁNā ǁaeb ai i ge ǃgôakhâihe i gere o. Haga wekhen ǃaroma, ǀgui khoe-i ǃgao hoa xūna $65 (U.S.) dollaga gere ǂgan. ǂGui ǃgâsan sida din nē xūna nî ǂhâ, amagas ge ǀapeǀape ra komitesa ge mā-am î-i. Kai mari-e nē huib ǃaroma sîsenūhe. Xawe mati gu sida ǃgâsaga nē xūna ǂhâsib ǃnâ hâna nî sī-ūba. ǁÎgu ûiba ǁkhōǁkhōsa mâsib ǃnâ mâi tamase?

 Maarti 13 i ge ǀgam ǃgâsaga Polanda xu nē xūna, ǃnaoǁnâs ǃâitsâsa ge dī. Polandi ǁnâub beros tawa hâ stor kamers ai Lviv, Ukrainni ǃnâ. ǁÎgu nî īs aiǃâ i ge Polandi tsî Ukrainni ǃnâ hâ ǃgâsana nē ǃgâsaga ge hui î gu aiǂhumisen. ǁNâub beros ge ǂhâbasa ǂhanub ǂkhinin sîsenna ge dī, î gu ǃkharu ǁkhā. Tsî huiba ǂhâhâ khoen huiba sī mā. Autodi ge ǃgāsase ge xoa-aisa ī huiba di ra māsa. Tsî Ukrainni ǃnâ hâ ǃgâsa gu ǀkha gere sîsenǀhao, î gu ǃkhaese ǁnāpa sīǁkhā grensa gu ga ǃkharu o. ǃGâi aiǂhumisens tsî Jehovab huib ǀkha î ge Tsūkeǃgâb komites. Hîna ge 24 īrgu ǃnâ a dīhesa ge mā ǁkhā i, î-i Lvivs ǃnâ ǀgorahe. Tsî gu ge sida ǃgâsaga Polanda ǃoa ǃnorasase ge oa.

 Nē ǃâitsâs ge ǃgâise a ǃgûǁnâ. Xawe î ge sida di ǃgâsaga ǀgui metric tonni (1 U.S. tonni) xa ǀgoro xūna ge mā ǁkhā i. 200 Metric tonni (220 U.S. tonni) ge ǃgôaǀkhaohe i ga o ge ǂhâsa i. Mati i nētikō kai xūna nî ǃnari-ūhe tsî ǃkhaese ǀgoraǂuihe ǁkhā?

 Ukrainni ǃnâ hâ torob xa tsâǀkhāhe hâsen ge khoena, ǃgoma gere hō ǀgausan ge jw.orgs ai a khomai. On ge sida di ǃgâsan ǃhūbaib ǂhawase hâna gere hui ǂgao. ǂGuin hîna ǃnūse ra hân ge māsenxa māde. ǃHūbaib ǂhawase ra dīhe sîsenni Jehovab ǃoaba-aon di i ǃaroma gere mā. ǁÎn ge ge ǂan i nē mari-i ǃgâi ǀgaub ǃnâ nî sîsenūhesa. Xōǀkhāb ǃhūgu ǃnâ gere hân ge ǁîn di ǁaeb, ǁkhāsib. Tsî ūn ge hâ i xūn ǀkha gere hui. Sao ra aiǁgaude kē re.

 Polandi ǃnân ge ǃgâsana duisend ǃgaeǀkhāde ge ǀhaobe hâ i. Tsîn ge ǀgôarona ǃgoman ǀkha karkirode ge kuru hâ i. “ǂGuiǃnādi ai ta ge Psalmdi 110:3 hîna, Jehovab ‘ǁaes ge nî māsenxa’” ti ra mîsa khomai hâ. Tib ge Bartosz Kościelniaki hîna ǁamas ǃâb, Polandi ǁnâub diba ra mî. “Xawe ta ge aitsâma ge mû, ǃgâsana xu ra hā ǂkhâǃnâsa. ǂGui māsenxa ǃgâsan ǃkhae ǁaeb ǃnâ hā. Tsî ra sîsen ǀgauba da ge ge mû. Nēs ge ge ǁgau te nē mîdi ama ǃkhaisa.”

 ǀGui ǃgâsab Jehovaba ra ǃoabab. Hîna ǃhūbaib ǂhawase xūna ra ǃnari-ū kampanisa ūhâb ge ǁîb troki. Tsî petroli tsîna ge mā, în nē xūna ǃnari-ūhe. ǁÎb ge ra mî: “Nēs ge ge ǃē-i ti ǃgâsan tsî Jehovab tsîna ta a ǀnamsa ǁgausa. Hui ǁkhā ta ge i ǃkhais ge kaise gere ǂkhî kai te.” ǃGôakhâihe i ga, o i ge 7 700 (2 034 gal) literi pertol-e ge māsa i. Tsî i ge sida di ǃgâsana ǁîn di ǁaeb. Tsî ǁkhāsib tsîna ge sîsenū tsî 48 000 kilometers (30 000 mi) na ge ǃnari nē xūna ǃnaoǁnâsa.

 Māsenxa tsî ǀnamxaǃnâ sîsenni sida ǃgâsan di i ǃaroma i ge Maarti 28—15 tsēde ǂguro ǃâitsâs xūn ge ǃnaoǁnâhes khaoǃgâ—100 metric tonni (110 U.S. tonni) ǂûn, ǃanu-ūhe ra xūn tsî sō-ǀôan tsîna Ukrainni ǃnâ ge ǃnaoǁnâhe. Sida di ǃgâsan tsî xūna ra mā khoen ge māsenxase mā ǁkhā i. Amaga i ge māsenxase ra māhe mādi ǃaroma ra sîsenūhe maridi di ǃkhaeǀkhāde ǀoroǀorohe ǁkhā i. Nēsis kōse i ge Jehovab di ǃoaba-aona, 190 metric tonni (209 U.S. tons) xa ǃnāsa ǃgaeǀkhāde Ukraina ǃoa sîhâ. Nē gere ǃnaoǁnâhe xūna mati sida ǃgâsana ge tsâǀkhā?

 Nē ǃgaeǀkhādi ga Lvivs ǃnâ sī-ūhe, os ge tsūkeǃgâb komites Ukrainni ǃnâ hâsa. ǂHâsib ǃnâ hâna nē xūna ra ǀgoraǂui. Tsūkeǃgâb huib ǃgaeǀkhādi ge ǃkharagagu ǃāde ǃoa ge sīhe. 1 300 Kilometena (800 mi) Lvivs ǃāsa xu. Sîsenni ge ǃamkuse dīhe xawe i ge noxopa ǁaeba ge ū. a

 Ukraini ǁnâub komites ǁanib, Markus Reinhardt ti ge ra mî: “Nē ǁaeb ǃnân ge ǂgui ǃgâsana Jehovab di ǀnamma ge hōǃâ. Tsîn ge ge mû matikōse i a ǂhâǂhâsasa, daoǁgaudi hînas Jehovab ǀapeǂhumsa ra mā te ǃgâise soasa. Tsūkeǃgâ-i nî īs aiǃâs tsîna. Aiǁgause hoa ǃgâsan ge ra ǂkhâǃnâhe în wekhen di ǂûn. Tsî ǁgammi tsîna ǁîn oman ǃnâ ūhâ. Nē daoǁgaus xab ge Anton di ǀon hâ ǀhaohâb ǃûi-aob, Kyivs ǃnâ ra hâba ra mî: ‘Jehovab ǀapeǂhumis ge ǃgom ǁaegu ǃaroma ra aiǂhumi da. Tsî da ge nēs ǃaroma ra ganagan. ǂÛ-i, radios tsî ǁgammi tsîna ūhâs ge sida ûiga ge sâu.’ Kaise da ge ra gangan ǃgâsan ge ǀapeǂhunis mā hâ daoǁgaude gere sao-aisa. Nēs ge ǁnâub berosa ǁaeba gere mā îs ǂhâǂhâsa xūna ǀhaobe.”

 Sida ǃgâsana mati gere tsâ nē xūn ge ǀkhī o? Mykolas tsî Zinaidas hîna Kharkivs ǃnâ ra hâ ra ge ǁîra ra tsâ ǀgaub xa sao rase ge mî: “Sadu ra tsâba da ǀgaub ge kaise ra tsâǀkhā mî. Kai gangans ǂûn tsî ǀō-ǀôan ǃaroma. Jehovab di ǃommi ge ǃgāsase nēs ǃnâ a mûhe ǁkhā.” Valentinas tsîn ge ǁnā ǀkhāb ai ra hâ ǁîs ge ra mî: “Torob ge tsoatsoa on ge khoena, gaxu lain gu ǃnâ gere mâ în xūna ǁama. Hoaǁae i ge ge supu tama hâ i ǂhâ da hâ xūna ǁamasa. Xawe Jehovab ge ge ǂan i tsî nē ǃgomsiba ge mû. ǁÎb ge ǃgâsaga ge ǁgaumâi î gu nē huiba omde ǃoa sī-ū. Tsî di ge ǃgaeǀkhāde ǂhâ da hâ xūn ǀguina ge ūhâ i. Nēti i ǃgom mâsigu ǃnân ga xūna ǃâubasenets ūhâ tama khama mûsen. Ots ge ra hōǃâ, Jehovab tsî ǁîb ǀapeǂhumis ǀō-aisa ǀgaub ǃnâ ra tsâba da ǃkhaisa. . . . Kaise i ge a ǃgâi ǁaeb ai ǂhâ da hâ huib tsî ǂkhâǃnâs tsîna hōsa.”

 Yevhenni, Irynas tsî Mykytab Mariupolsa xu ge ǃkhūn ge ra mî: “Sida di omaris ge sadu ǂkhâǃnâs tsîna kaise ra ǃgâoǃgâ. ǂHanu ǁaeb ai da ge huiba ge hō. ǂGuro da ge ge ǂâi hâ i, nē boksi di ǃnâ i xūn ǀguina hâ di. Xawe da ge ǁkhopam, o da ge ge mûǂan sadu di ǀnammi tsîna i ǃkhōǂgā hâsa.”

 ǂGomǃgâ da ge ra mû ǁkhā du asa Jehovab. ǁÎb gagaba ra sîsenūsa îb ǁîb khoena daoǁgau, în nē ǀnamxaǃnâ huiba mā ‘torogu’ hâ hîna. Sadu di māsenxa mādi ǃhūbaib ǂhawase ra dīhe sîsengu din. Hîna du donate.pr418.coms ai ra mān ge ǂhâǂhâsa ǃâba ra ǀhuru. Sadu di māsenxasiba da ge kaise ra ǃgôaǃgâ.

Tsūkeǃgâb huiba ǃhaese tsî ǃnorasase mās

1. Februarib 24, 2022: ǀApeǀape ra komites ge ge mā-am î-i Ukrainni ǃnâ tsūkeǃgâb huib ǃaroma ǂgaekhâiba dīhe. Nēs ge ǁnâub berosa gere hui îs huib ǀkha tsoatsoa

2. Februarib 24–Maarti 8, 2022: Ukrainni ǁnâub beros ge Ukrainni ǃnâ ǀnî xūna gere ǁama. Tsî tsūkeǃgâb komites ǃnâ-ū gere ǀgoraǂui. ǁNâub beros ge gere aiǂhumisen în xūna ǃkhōǃoa tsî Polanda xu ǀgoraǂui

3. Maarti 9, 2022: ǀApeǀape ra komites ge ge mā-am, î-i huib ǃgaeǀkhāde Ukrainni ǃnâ ǃnaoǁnâhe

4. Maarti 10–12, 2022: ǂÛn tsî ǂhâsa xūn tsîna Polanda xu Lviv, Ukrainna ǃoa sîs ǃaroma î ge ǃâitsâna ge dīhe

5. Maarti 13, 2022: ǂÛn tsî ǂhâsa xūn tsîna ǃnaoǁnâs ǃâitsâdi ge Polanda xu Lviv, Ukrainni ǀkha ge dīhe

6. Maarti 14–16, 2022: Kai ǀhaodi ǃkhaib hîna Poznan, Polandi ǃnâ hâb tawa i ge ǃās ǃnâ hâ om ra ǃnansa. Māsenxase ra hui ǃgâsana ra ǀgora în tsūkeǃgâb huib ǃgaeǀkhādi, ǂûn. Tsî ǃanu-ū xūna ūhâna ǀhaobe

7. Maarti 17, 2022: Haka tsēde ǃnaoǁnâs ǃâis khaoǃgâ i ge 13 metric tonsan (14 U.S. tons) ǃgaeǀkhāde Ukrainni grensa ǃoa ge sîhe

8. Maarti 21–27, 2022: ǁKhā ǀgauba sîsenū tsî i ge Polandi ǃnâ ra ǃgau ǃgaeǀkhāde ǀhaobehe tsî Ukrainna ǃoa ra sîhe. Tsî i ge 24 īrgu ǃnâ ra ǀgoraǂuihe

9. Maarti 28, 2022: Mā-amhe i ges khaoǃgâ 20 tsēde ǃkharu tsî i ge 100 metric tons (110 U.S. tons) na ūhâ ǂûn, ǃanusib xūn. Tsî ǀaeǃkhō xūn tsîna Ukrainni ǃnâ ge ǃnaoǁnâhe

 Nētsēs kōse i ge Jehovab ǃoaba-aona 190 metric tonsan (209 U.S. tons) xa ǃnāsa tsūkeǃgâb huib xūna Ukrainna ǃoa sîhâ..