2021ǁÎ kurib ǃnâb ge ǃhūbaiba a. Coronas xa ǃaromahe hâse ǃgomsina ra hōǃâ. “Global Relief for a Global Pandemic” di hâ khomaiǃâs ǃnâ i go ǁguiǃāhe khami. Da ge miliundi dolarga b ǀaen di huib ǃaroma ge māǂui. Tsî 950 xa ǃnāsa Tsūkēǃgâb Komite de ge ǂnubi.

 Coronas kai ǃgomsina ra ǃaroma hîna i ge ǀnî hâ tsūkēǃgâgu. Tsî khoen xa ǃaromahe hâ tsūkēǃgân tsîna sida di ǃgasana ǃhūbaib ǂhawase gere tsâǀkha. 200 Xa ǃnāsa tsūkēǃgâgu ǃaromas ge ǀapeǀape ra Komites, ǂGaeǂguira soros disa ge mā-am. Î-i $8 miliun dolarga COVID-19’s ǃaroma sîsenūhe. Kō re sadu māsenxa mādi ge, mati 2 tsūkēǃgâ kha ǃaroma a sîsenūhe ǀgausa.

 Meib 22, 2021ǁî kurib ǃnâ i ge. Nyiragongob ǃhomi ai volcanoba ge ǃhui, Demokratik Republiki Kongob dib ǃnâ. Nē ǃhūǂgubib ge omdi, skolgu tsî ǁgammi dams tsîna ge dīkākā. Xawe nē ǃhūǂgubib (lavab) ǀguib ge, ge ǁkhōǁkhōsa tama hâ i. ǀNî tsēdi volcanob ge ǃhuis khaoǃgâ. Î ge Goma di ǀonhâ ǃās ǃnâ ǃgāxa tsaraba ge hâ i. Tsî i ge ǁnās xōǀkhā ǂkhari ǃhūǂgubiro ga ge tsoatsoa. ǃNāsa khoen ge ge mîbahe în ǃāsa xu ǂoa. Honderd duisen (100 000) khoen ge Rwandaba ǃoa ge ī.

 Nē ge doe khoen, ǁaegu i ge 5000 Jehovab di ǃoaba-aon tsîna ge hâ i. ǀNîn ge ǁîn omde ge ǂoaǃnâ. ǃHūǂgubib xa ǃaromahe hâse. Tsî naun omdi ge khôahe tsî xūna ge ǃnarihe. Tsūkēǃgâb Komites Rwandab dis tsî Demokratik Republiki Kongob dis tsîn ge tsūkēǃgâb huib ǃaroma ǀguiba ge sîsenǀhao. Tsūkēǃgâb Komites Congo (Kinshasa) ǁnâub bēros dib ge ra mî: “ǀKhomaxa mâsib hîna ge ǃās ǃnâ hâ îb. Tsî khoen nî doe kaihes aiǃâs ge komitesa ǂûn, ǁgammi, kharogu tsî saran tsîna ǀnai ge māǂui tsoatsoa.” ǀGui ǃās ǃnâ i ge 2000 xa ǃnāsa ǃgasana ǀnai ge ǀhao hâ i. Komites ge tente ǂnaumâi, maskers te māǂui tsî ge ǁguiǃā. Matin khoena Coronas tsî ǃnāb tsî ǀkhûib tsîna hōsa xu nî ǁkhaubasensa.

 ǃNona ǁkhâgu ǃnân ge sida ǃgasaga 6 tons rysi-i, mai-i, 3 tondi kook oili-i.Tsî 3 tons ǁgammi tsîna ge māǂui. Mari-e ǃgâi ǀgaub ǃnâ sîsenūs ǃaromas ge ǁnâub bērosa. Congob ǃnâ ǂgui ǂûna ge ǁama. Tsî ǃauga ǃhūba xu ge ǁama tama hâ i.

 “Sida ge kaise ǂhabuǂâi. Tsî ge tsûaǂgao hâ i.” Tis ge ǀgui ǃgasasa ra mî, ǁîs ǀasa omsa ge ǃhūǂgubib ǃnâ a ǂoaǃnâsa. Xawe i ge ǁîs omarisa ǂhân ge hâ i xūn. Tsî gagasi huib tsîna ge hō. Nēsis ge ra mî: “Jehovab xa da ge hui-e amaga da ge. ǂHâ da hâ xūn hoana ūhâ. Hōǃâ da ge ra Jehovab sida ǃgomsina ra taniba da ǃkhaisa. ǁNās ge ra supusupuba da î da taniǁkhā.”

 Venezuelab ge ǂgui kuriga ekonomib ǁgâiba ra hōǃâ. Sida ǃgasan ge ǂgui ǃgomsiga ra hōǃâ. Aiǁgause, ǂûn ǃnūbusib tsî ǂkhābadīb tsîna. Xawes ge Jehovab di ǀapeǂhumisa ǁîna ǁnāxuǃgâ tama hâ.

 ǂOa go ro kurib ǃnâ i ge $1 5 miliun dolarga ge sîsenūhe. Xūna ǁama tsî sîǂuis ǃaroma. Aiǁgause, ǂûn tsî ǁāsensē-i tsîna. Venezuelas di ǁnâub bēros ge ra ǃnuri: “Supu tama i ge hâ, 130 tons di ǂûna hoaraga ǃhūb ǃnâ māǂuisa mâ ǁkhâb hoaba. Tsî ǃgasan omdi tawas tsîna sī-ūsa. ǂÛn gāxuse nî hâ ǃkhais ǃaroma gu ge ǃgasaga. ǂŌrisase verval-i nî tsēs tamas ka io ǁaeba ra kō. ǁNâub bēros ge ra ǀaro: “Kai ǃgôab ǃnâ ǂûna ǁamasa da ge ra dītsâ. ǃGōsase ǁnā ǂûn a hō-e ǁkhā ǁkhâgu tamas ka io seisoeni ǃnâ. Tsî da ge ǁnās khaoǃgâ kai mari-e ǂgan tama ǀgaub ǃnâ ra sîǂûi.”

 Leoneli Tsūkeǃgâb ǀapemā ǃnans di ǁanib ge kaise. ǁÎb di ǁgaumâisa a ǀnam. ǁÎb ge ra mî: “Tsūkēǃgâb sîsen-e dīs ge kaise a ǀō-aisa. Ti taras ge Coronas xa ge ǁō. ǁNās ǀkha i ge nē sîsen-e dīsa kaise ra ǂkhâǃnâ te. Tsî ta ge ǁî-i ǀkha ra ǁaeǁaesen. Sîsenūhe tamas ka io ûib ǃnâ ǂâibasensa ūhâ khamis tsîna ta ge ra tsâ. Ti ǃgasan hina tsūkēǃgâ-e ra hōǃâ-e ta ra hui o. Aitsâma ta ge mû tsî ge hōǃâ Jehovab ǁîb mîmâisa ra dīǀoaǀoasa. Tsîb tātsē ǁîb khoena ǁnāxuǃgâ tidesa.”

 ǀNî ǃgâsab hîna ge ǃkharu ge ǁaeb ǃnâ. ǁÎb tsîna tsūkēǃgâ ǀapemās ǃnâ gere huib ge ra mî: “Nēsi ta ge tita huiba ra ǃkhōǃoa. Sîm ge sorosise ǀgui ge hui-e tama hâ i. Xawes tsînam ge ge hui-e îm ǃnomsase hâ. Tsî tā ǂâiǂhasen. ǁÎn ge kōǃgâ, ǂkhâǃnâ tsî ge ǁkhaeǂgao mi.

 ǀNî tsūkēǃgâgu ge, ǃkhaese tamas ka io ǃâubasen tamats hâ hîna ra hā. Xawes ge noxoba Jehovab ǀapeǂhumisa ǁaeb ai ǂhâhe hâ xūna ra mā. Gangans sadu māsenxa mādi hîna du ǃhūbaib ǂhawase ra dīhe sîsengu ǃaroma ra māna. Māsenxa māde du a dī ǁkhā ǀgaub ge donate.pr418.coms ai a hō-e ǁkhā. Kaise da ge ra gangan sadu di māsenxa mādi ǃaroma.