1. Tae-e da nî dī Eloba da ga ǂkhîǂkhî ǂgao o?

ǃGÂI ǀgamsa, ǀnamǀnamsa ǃgaeǁaresa da ga Elob ǀkha ūhâ ǂgao o, o da ge tā dīxū-e ama tama ǂgoms ǀkha nî ūhâ. Ama ǀgaub ai da ge nî ǃoaba. Nētsē i ge miliundi khoena ǃhūbaib hoab ai ǁnāsa ra dī.

2. Mapats Jehovab di ǀHûǀguitimî-aona hōǁkhā, tsî ǁîn sîsena a tae?

² Elobmîs ge aimûǀgaru, khamin ge ama ǀgoreǀî-aona “kai ǂnuwis” sa ra kuru, hoa “ǀūben ǁaedi tsî ǃhaodi tsî gowagu tsîn hoan disa.” (ǂHaiǂhais 7:9) Miliundi Jehovab di ǀHûǀguitimî-aon ge 235 ǃhūgu ǃnâ khoena ra khāǁkhā Jehovab ǀnamǀnamsa ǀgaugu tsî ǂgaoǀkhāte ǂansa.

3. ǀHûǀguitimî-aona ham-e ra ǀgoreǀî, tsî mâ ǃnôa ǀgoreǀîde xūn a ǃnū?

³ ǀHûǀguitimî-aon ge ra mûǂan Jehovab ǀguri a anu ǀgoreǀîhesa. ǁÎn ge ǁgôa-tsî-ǁgoa elon tamas ka io ai-īsina ǀgoreǀî tama hâ. (1 Johaneb 5:21) ǁÎn ge ǁōhâna ǀgoreǀî tama, sorote ǃûiǂkhais tamas ka io ǃoabati hîna ama tama ǂgomdi ǂgomǀgaugu ǃnâ ǁhao tama tsî “ǁgâuagu di ǁkhāǁkhādi” ǃnâs tsîna. (1 Timoteub 4:1) Xawen ge ǁnān hîna ǁōxuhe hâna ra ǁkhaeǂgao Elobmîsa xū hâ ǃâubasens khâis paradais ǃhūbaib ai nî hâs xa ra ǁkhāǁkhāse.—Johaneb 5:28, 29; Ap. !Nae!khaidi 24:15.

4. Elob khoena mapa mâ ǃgaidīb xa da ga ǃhoa o?

⁴ ǀHûǀguitimî-aon ge dīxue ūhâ tama xomab, kē-aon tsî ǃgaib ǀkha, ǂan an a amaga nē xūn ǁGâuaba xu hâ amaga. ǁÎn ge ǃgaib ǃnâ ǂgom tama ǁîna sâusa. ǁÎn ǂgomǃgâs Jehovab ai hâ amaga.—ǂKhoa-mîdi 18:10.

5. Mâ ǀgaub ain Jehovab ǀHûǀguitimî-aona “ǃhūbaiba xu hâ tama”?

⁵ Jesub ge ge mî ǁîb ǁkhāǁkhāsabegu ge “ǃhūbaiba xu hâ tama.” (Johaneb 17:16) Jesub ge ǁîb tsēs ai ǂgīǂgōsi xūn ǃnâ ge ǁhao tama hâ-i. (Johaneb 6:15) ǁNās ǁkhās khamin ge ǀHûǀguitimî-aona ǀkha-e ū tama hâ ǂgīǂgōsi xūn, ǃhaosiǁnaetin tsî ǃharodi ǀgoras nē ǃhūbaib dis ǃnâ. Xawen ge ǁgui-aimarisa matare tsî ǃhūb di ǂhanuga ra ǁnâuǀnam ǁan ǃnân hâ ga.—Johaneb 15:19; Romeǁîn 13:1, 7.

6. Mâ ǁgaragan Elob di ǃoaba-aona ǃgameb tsî ǀgoras ǃnâ ra sao?

⁶ ǁÎn ge ǃhūb ǂhanuga ra ǁnâuǀnam, ǁnās ǀkhan ge ǀHûǀguitimî-aona ǁîn ǃgamega ǂhanub xa ǂanǃgâ hâ ǀgaub ai ra dī. (Titub 3:1) ǁÎn ge Elob di ǁgaraga ra ǁnâuǀnam, ǁnā-amagan ge ǀguis xa ǃnāsa tarate ǃgame tama. (1 Timoteub 3:2) Elobmîs tsoatsoaden ǁîn ûib ǃnâ ra sîsenū, amagan ge Elob ǃgāna ǃgomse ra ǃgame ǀgora.

7. ǀHûǀguitimî-aona mati ǀnama ra ǁgaugu?

⁷ ǀHûǀguitimî-aon ge a ǀnamgu. Nē ǀnami tsî Eloban ūba hâ ǀnami ge ǀguiǃnâxase ama khoeǃgâguse ra ǀhaoǀhao nî, ǃkharagagu ǃhaoti tsî ǁaete xūn hâ xawe. Tsūkēǃgâgu ga hâ o tamas ka io ǂhâsiba, on ge ǀHûǀguitimî-aona ǃhaese ra huigu. ǀHûǀguitimî-aon ge ûin ta ǀgaub ai ǀnama ra ǁgau.—Johaneb 13:35.

8. Tae ǁgaiǁgaisa xūnan Elob khoena dī tama?

⁸ Jehovab khoen ge kaise ǃgarise ra sîsen, tsî ǂhauǃnâ tsî ǂhanu-aise ra ûi. ǁÎn ge ǃnaris, ǂhomib, ǀaib, ǃgâub tsî ǀhôakao xūna dī tama. Aogu ge tarate ǂnau tama. ǀHûǀguitimî-ao kain ges aiǃân ge ǀnîna nē xūna gere dī, xawen ge Jehovab di huib ǀkha ge ǀû. Xawen ge ge “ǁāǁnâhe” Elob aiǃâ.—1 Korinteǁîn 6:9-11.

9. Tae-es ge ǀgui ǂkhanisa mî Afrikab gāgāsi kerkegu xa?

⁹ ǂGui ǂgomdi ge ra mî amaba di ūhâ  di. ǁÎn ge mûmûsa sîsengū ǃoa ra ǁnaeǁgau ǁnāsa ǁgausa. Aiǁgause, nē hâ gāgāsi kerkegu Afrikab ǃnâ hâ gu xas ge ǀgui ǂkhanisa ra mî: “Sîseni ǃgai-aogu tamas ka io sōǀôadī-aogu dib ge ge ūhe [ǀasa Xristeǁî ǂgomrodi xa]. . . . ǁÎgu ge ra mî ǃereamde gu ra mā tsî buruxa sîsenga ra dī ti. Nē kēbō-aogu ge ǁhapodi ǃnâ gu ra mû tsî ǁhapote ǁguiǃā di ra mî. ǁÎgu ge ǃanu ǁgamme ra sîsenū, ǃanu olib, tsaob, kersgu tsî ǃgâi hamxūn tsîna ra sîsenū ǂuruǂurus tsî ǀaega ǁkhaes ǃaroma.”

10, 11. Mati i ī on buruxa dīga nētsē ra dīhe ga ǁgau tama ǁnā ǂgoms Eloba xu ra hāsa?

¹⁰ Nē ǂgomdi khoen ge ra mî nē buruxa sîsengu ra ǁgausa ǁîn ǂgomdi Elob xa ǀkhae-e hâ ǃkhaisa. Xawe ǁnā buruxa sîsengu ge ǁgau tama nē ǂgomdi Jehovab ǀkhaeba ūhâsa. ǁGâuab ge ama tama ǀgoreǀî-aona ǀgaiba ra mā in nē ‘saoti tsî buruxan’ tsîna dī. (2 Tesalonikaǁîn 2:9) Elobmîs ge ge aimûǀgaru ǀkhaeb buruxa dīn tib Eloba xūn kēbōdi, gowagu ǃnâ ǃhoas, tsî ǂans, “ǁîti ge nîra ǀûni.”—1 Korinteǁîn 13:8.

¹¹ Jesub di ǃkhâikhoms: “Tarita-i hoa-i tama-i: ǃkhutse, ǃkhutse, di ra mîǀî te i ge Gaosib ǀhomgu dib ǃnâ nîra ǂgâ, xawe ti Îb ǀhomgu ǃnâ hâb di ǂâisa ra dī-i ge nî ǂgâ. ǂGuin ge ǁnā tsēb ai tita ǃoa: ǃKhutse, ǃKhutse, di nî mî, sa ǀons ǃnâ kha kēbō tama da hâ, tsî sa ǀons ǃnâ kha ǁgâuaga oaǂui tama da hâ, sa ǀons ǃnâ kha ǂgui buruxana dī tama da hâ? ǁNā ǃnūb-ai ta ge nî ǁkhoase mî in: Tātsē ta ǂan du tama, xuige tita xu bē, sa ǂkhawa sîsen-aodo!”—Mateub 7:21-23.

12. Hamna ǀhomgu di Gaosib ǃnâ nî ǂgâ?

¹² Hamna Elob Gaosib ǃnâ nî ǂgâ? ǁNān hîna Jehovab ǂâisa ra dīna.

13. Tae-i sîsenab ge Eloba ǁÎb khoena mā nētsēn da dība, tsî hamna nē sîsena ra dī?

¹³ Elob ǂâisa nētsē a tae ǁÎb khoen ǃoa ai? Jesub ge ge mî: “Tsî ǃgâiǂhôas gaosib dis ge ǃhūbaib hoab ai nîra aoǁnāhe, hoa ǁaedi mîdansa ǃoa; Tsî ǁnā ǃnūb-ais ge ǀamsa nîra hā.” (Mateub 24:14) Nēb ge sîseni hînan Jehovab di ǀHûǀguitimî-aona ǀaexase ra dība.

14. Elob Gaosiba a tae tsî hamna ǁîb ǃnâ nî ǂgaeǂgui?

¹⁴ Hoaraga “ǁanǂgāsa ǃhūbaib” ain ge Jehovab di ǀHûǀguitimî-aona ra ǂanǂan Elob di Gaosib a ǀhommi di ǂhanu ǃkhaisa, hoa ǃhūbaiba ǂhanu-aisib ǃnâ nî ǂgaeǂguiba. ǁÎn ge ra ǁkhāǁkhā Jehovab ge Jesuba ǁnā Gaosib di Gaose ǁgaumâisa, 144 000 ân ǃhūbaiba xu ǁamaǂuihehân ǀkha nî ǂgaeǂgui.—Danieli 7:14, 18, ǂHaiǂhais 14:1, 4.

15. Elob Gaosiba taena nî dīkākā?

¹⁵ Elobmîsa sîsenūs ǃnâ-ūn ge ǀHûǀguitimî-aona khoena ra ǁgau Elob Gaosib ǁGâuab di hoaraga ǂgaeǂguisa nî dīkākāsa. ǃAruǀî di ge ama tama ǂgomde ǁkhapa hâ tite ǁîti ǁkhāǁkhāti ǀkha Eloba ǃgôa tama-i tsî ǁGâuaba ra karete! (ǂHaiǂhais 18:8) ǃHūbaib di ǂhanugu hîna Eloba ra mâǃoagu tsîn ge nî ūbēhe!—Danieli 2:44.

16. Hamna Jesub Xristub ǃnāga nî hâ, tsî mapan nî ûi?

¹⁶ Jehovab di ǀHûǀguitimî-aon ge ra ǂanǂan Jesub nî ǃgâi hōdawa-amde hā-ū sa ǁnān hîna Elob ǂgaoǀkhāte ra dīna ǃoa. ǁÎn ge ǁîb ǃnāga ǃhūbaib ai nî hâ. Elobmîs ge ra mîmâi: “ǂHâb ǃnâ hâ-i, hîna ra ǂgai-i, tsî ǀkhomǀkhomsabe-i, hîna xū-e ūhâ tama-i, ǁî eb nîra ore xui-ao. ǁÎb ge ǀgâtsi tsî ǂhâb ǃnâ hâ-e nîra sâu, tsî ǂhâb ǃnâ hân di ǀomteb ge nîra ore.”—Psalmti 72:12, 13.

17. Hamna ǀguri Elob Gaosiba ra ǂanǂan?

¹⁷ ǀNî hâ khoen ge ǀkhai Elob ǂâisa ra dīna ǃgâiǂhôas Gaosib tisa ra aoǁnâna. Jehovab di ǀHûǀguitimî-aon ǀguin ge Elob Gaosiba ra ǂanǂan hoaraga ǃhūbaib ǃnâ.