1. Mâ ǂgomde Afrikab ǃnâ ra hōhe?

ǁ​AUBEXA ǃnāsa khoen ge Afrikab ǃnâ ra ǂgom, Eloba ǃoabas a ǂhâǂhâsa !khaisa. Xawe matin Eloba nî ǃoaba ǀgaus ain ge hōgu tama hâ. ǀNî khoen ge Eloba moski di ra ǂgaihe ǃkhaib ǃnâ ra ǃoaba [Moslemǁîn di !oaba !khaib] tsî ǀnîna ǃhaoǃnâsib !anu !khaidi ai. ǀNîn ge kerkegu ǃoa ra ī. ǃNona ǂgomdi ǀguiti Afrikab ǃnâ hâ ti da ge a mî ǁoa. Moslem ǂgoms ǃnân ge ǂgui ǂhanugu tsî ǂgom ǀgaugu tsîna hâ. ǃHaoǃnâsib ǂgomdi ge ǃāsa xu ǃās ǀkha ra ǃkharagagu. ǂAnǃgâsa Xristeǁî ǂgomdi ǃnâs tsîna i ge ǀguiǃnâxasi-e hâ tama hâ. Kai ǂgomde hâ tsî i ge kaise ǂgui aitsama mâbasen hâ ǂkhari ǂgomde hâ.

2. (a) Tae-e khoen ǂgomde ra ǁapoǁapo? (b) Tae-e sada ǂgoms Eloba ra ǂkhîǂkhî ǃkhai-e ǁgau tama?

² Tae-i ǃaroman khoena ǁîna ǃgâiba khami ra ǃoaba? !Nāsa khoen ge ǁîn di ǁgûn di ǂgomde ra ū!oa. Aibekam ǁaeb ai ge ī xūn ge nētsēn khoena ra ǃoaba ǀgausa ra tsâǀkhā. ǂKhanis The Africans—A Triple Heritage di ra ǂgaihes ge ra mî: ‘Moslemǁîn ǂgoms ge ǀapas Saharas ǀkhāb ai gôab dans ǃnâ-ū ge sī. ǁNās khamis ge Xristesi ǁkhāǁkhāsa !khawagas  Saharas ǀkhāba xu ǃapus ǀkha ge hā.’ Mâ khoe-i hoa-i ge ra ǂgom ǁî-i di ǂgoms Eloba ra ǂkhîǂkhî di. Xawe ǂgoms ge ǂhanu tama hâ, kai ǃnâ da ge tamas ka io ǀnîhâ khoen ge sida ǁōǂoa ge kaiǁgûn ai ǁgariǁnâsi ǃkhais ǃaroma.

3-5. Mâ aiǁgausa ra ǁgau hoa ǂgomdi amaba ǁkhāǁkhā tama ǃkhai-e?

³ Hoa ǂgomdi ge amaba di ra ǁkhāǁkhā di ra mî xawes ge mâs hoasa ǁîs ǃoaba ǀgauba ūhâ. ǂGomdi ge ǂgui ǃkharagagu xūna ra ǁkhāǁkhā Elob xa tsî ǁÎb ǂgaoǀkhādi xa. ǂÂi re: Sîsen ets ge ǀgapi sîsen !khaib ai go hō. ǂGuro tsēs sîsen tsoatsoats gos aits ra ǁnâu danab ǃkhais dib a ǀkhai sâǁaeb ǀkha ti. Ots ge ǃnona sîsenǁae aona ra dî sa sîseni tae-e ǃkhōǂgā hâsa. ǂGurob ge ra mî danab ge ra ǂhâba ǀnapu tsîts nî ǁāsa. ǀGamǁîb ge ra mî danab ge ra ǂhâba berosats nî ǂhauǂui-ǃnâ sa. ǃNonaǁîb ge ra mî sîǂkhanide si ū tsîts ge nî ǀgoraǂui di.

⁴ ǁNapa xuts ge danab xa ra dî. ǂGurob ge ra mî danab ge gāxu, ǂkham tsî a karosaǂgao khoeba. ǀGamǁîb ge ra mî danab ge ǃnubu, kaira tsî a khoexaǃnâ. ǃNonaǁîb ge ra mî danab ge aore khoe tamaba tare khoes ge di. Sats ge ra hōǂui ǀgui khoe-i tsîn ge amaba ǃhoa tama hâ di. Sa sîsen ets nî ǃkhōmâi ǂgaos ga o, ots ge amaba danab xa nî ǂan ǂgao tsî ǁîb di ǂgaoǀkhās xa.

⁵ ǁNātis tsîna da ge ǂgomdi ǀkha nî dī. ǂGui ǀgaun ain ge khoena ra ǂgom Elob xa tsî tae-eb da ǂgao ǀkha da sa. Mâ khoe-i hoa-i ge nî ôaǃnâ ǁî-i Eloba ra ǃoaba ǀgaus a ama ǃkhai-e. Xawe mati da nî amaba Elob xa ǁkhāǁkhāsen?