HOAǀGAIXA ELOB ge ǀhommi tsî !hūbaib di Kuru-aoba. Sada ûib ge nēsi tsî hānîǁaeb ǃnâ ǁÎba xu hâ. ǁÎb ge ǀgaiba ūhâ mādawa-ams tsî ǁkharas diba. ǁÎb ge ǀgaiba ūhâ ûiba mās tsî ūbes diba. ǁÎb ǂhâba hâ khami da ga dī o, o da ge nî ǃgâiǃō. ǁÎb ǂhâba hâ khami da ga dī tama io, o i ge sada ǀkha nî tsū. Matikose i a ǂhâǂhâsa sada ǀgoreǀîsa ǁÎb xa ū!oahesaǃ

Khoen ge ǂgui ǀgaub ai ra ǀgoreǀîbi. ǂGomdi ga daob khami i o, hoa ǂgomde Elob ǂhâba hâ khami ra ǀgoreǀîbi? Tātsē, hoan dī tama. Jesub, Elob di kēbō-aob, ge ge ǁgau ǀgam daokha ǀguikha hâ ǃkhaisa. ǁÎb ge ge mî: “Hara tsî ǂhawab ge daob, gā-ǁōsib ǃoa garuba, tsî ǂguin ge ǁîb ai ra ǃgûna xuige. Tsî ǂōs ge dao ams tsî ǀguib ge daob ûib ǃoa gauba, tsî ǀoron ge ǁîba ra hōna.”—Mateub 7:13, 14.

ǀGam ǃnôa ǂgom ra ǀgui ra ge hâ. ǀGuib ûib ǃoa ra ǁnaeǁgaub tsî ǀguib dīkākās ǃoa ra ǁnaeǁgaub. Nē ǂkhanis di ǂâibasens ge sada huisa, daob ǀamo ûib ǃoa ra ǁgauba hōsa.