3ǁÎ ǁKHĀǁKHĀǃÂS

Elobmîsa ǂgomǃgâ ǁkhā du a?

ǀHURU RE

Elobmîs ge ǂgui mîmâide dī hâ. Tsî ǃgâi ǀapemāde ra mā. ǀNîsi du ge ra ǂan ǂgao, ǁîs ra ǁkhāǁkhāna. Xawe du ge ǀnîsi ra ǃao. Nēti ī ǀoro ǂkhanis mîmâide ǂgomǃgâ ǁkhā î du a? Tsî ǁîs ra mā ǀapemādi tsîna? Elobmîs ra mîna, du a ǂgom ǁkhā? Tsî ǂgom ǁkhā î du a, nēsis ra mîn tsî hānîǁaeb xas ra mîn tsîna. Miliundi khoen ge nēsa ra dī. ǁKhau du da ge ra î du aitsama nēsa ôaǃnâ.

1. Elobmîs ǃnâ a xoasa xūna a ama?

Elobmîs ǃkhōǂgā hân ge a “ǂhanu, tsî di ge a amab di mî.” (Aoǁnâ-aob 12:10) ǁÎs ge ama ûi ge hâ i, khoen, tsî ī gere xūn tsîna ǃkhōǂgā hâ. (Khomai re Lukab 1:3; 3:1, 2 sa.) ǃKharu ge ǁaeb xūna ra xoa khoen tsî ôaǃnâ-aon ge ra mî. Tsēdi, khoen, ǃkhaidi tsî ī gere xūn a amasa Elobmîs ǃnâ hâna.

2. Elobmîsa a ǂgomǂgomsa, ǀoro ǂkhanis ga xawe?

Elobmîs ge xoahes gere ǁaeb ai ge ī tama hâ i xūn. Tsî ī nî xūn xa ra ǃhoa. Aiǁgauses, ge ǁîsa ǃhūbaib di tsoatsoas xa ra ǃhoa. Elobmîs ra mî xūn, xoahes ge ǁaeb ain ge ǂgui khoen xa ge ǂgomhe tama hâ i. Xawe nēsi hâ ôaǃnâ-aon ge ra mî. Elobmîs ta mî i ge a ama di. ǁÎs ge “ǀamosib kōse a ǁaposa, amab tsî ǂhauǃnâsib ǃnâ.”—Psalmdi 111:8.

3. Tae-i ǃaroma du nî ǂgom Elobmîs hānîǁaeb xa ra mî xūna?

Elobmîs ge kēbodi a hîna noxoba ‘ī tamade’ ūhâ. (Jesajab 46:10) ǁÎs ge amaba ra mî, ī nî xūn xa. Nētsē ǃhūbaib ǃnâ ra ī xūn tsînas ge ra mî. Nē ǁkhāǁkhāǃâs ǃnâ du ge Elobmîs kēbode nî ôaǃnâ. Tsî ǁîdi amab ge a buruxa.

ǃGAMSE ÔAǃNÂ RE

Nētsē hâ ôaǃnâ-aon ge ra mî Elobmîs ta mî, xūn ge a ama. Ôaǃnâ re, Elobmîs buruxa kēbode.

4. Ôaǃnâ-aon ge Elobmîs a ama di ra mî

ǃKharu ge ǁaeb ǃnân ge khoena gere ǂgom ǃhūbaib ge xū-i ai mâ isa. VIDIOBA ǀhuru re.

VIDIOB: ǃHūbaib ge xū-i ai mâ tama (1:13)

Khomai re Jobi ǂkhanis ge 3 500 kurigu ǃkharu hâse mî xū-e. Khomai re Job 26:7 sa. Tsî ǃnāka hâ dîsa ǃhoaǃgao re:

ǃHūbaib ‘xū-i’ ai mâ tama ǃkhaisa tae-i xa a buruxa?

200 Kurigu ǃkharu hâsen ge khoena ǁgammi kurusa ge ǁnâuǃā tsoatsoa. Khomai re Job 36:27, 28 sa. Tsî ǃnāka hâ dîsa ǃhoaǃgao re:

ǁGammi kurusa, tae-i ǃaroma a buruxa?
Khomai du go xoara, sadu ǂgomsa Elobmîs ǃnâ go ǀgaiǀgai?

5. Elobmîs ge ī nî xūna ra mî

Khomai re Jesajab 44:27–45:2 sa. Tsî ǃnāka hâ dîsa ǃhoaǃgao re:

Elobmîsa tae-e ge mî 200 kurin Babilons nî dīkākāhes aiǃâ?

VIDIOBA ǀhuru re.

VIDIOB: Elobmîs ge Babilons dīkākāsa ra kēbo (0:58)

Ī ge xūn ǃoagub ge Gao-aob Koreb, Persiab dib. Tsî ǁîb toro ǃkham-ao gu tsîna 539ǁî kuri Jesub di ǃnaes aiǃâ, Babilonsa ge dīkākā. b ǁÎgu ge ǃāba ge ǀgora, Babilonsa gere ǁkhaubaba. ǁÎgu ge ǁkhowa-amsa daodi ǃnâ ge ǂgâ. Tsî ǃāsa ǃkham tamase ge dan. Nētsēs ge Babilonsa 2 500 kurigu ǃkharu hâse, dīkākāsa ǃâgu ase ǁgoe. Khomai re Elobmîs kēbo-e.

Khomai re Jesajab 13:19, 20 sa. Tsî ǃnāka hâ dîsa ǃhoaǃgao re: