Elob ge a ǀnam. Xawe di ge ǂgomdi hîna Eloba di ra ǂnûǁkhaeba ti ra mîde. ǂGui tsū xūna ra dī tsî ra mî. Nēsa mati a īǁkhā? Nē ǂgomdi ge ama tama hâ. Nē ǂgomdi ra dī tsî mî xūn ge khoena. Ama tama hâ xūna Elob xa ra ǂgom kai. Matin ta nēsa dī? Eloba nēs xa mati ra tsâ? Tsî tae-eb Eloba nēs xa nî dī?

1. Ama tama ǂgomde mati ama tama xūna Elob xa ra ǁkhāǁkhā?

Ama tama ǂgomdi ge ‘Elob xa hâ amaba ǂhumib ǃnâ ge ǀkharaǀkhara.’ (Romeǁîn 1:25) Aiǁgause di ge, ǃnāsa ǂgomde khoena Elob ǀonsa ǁkhāǁkhā tama hâ. Xawes ge Elobmîsa ra mî Elob ǀons nî sîsenūhesa. (Romeǁîn 10:13, 14) ǁGai xū-i ga ī o. On ge ǂgomdi ǂgaeǂgui-aona ra mî. Elob ǂâis ge nēsa di. Xawe i ge ama tama hâ. Elob ge ǁgai xūna ǃaroma tama hâ. (Khomai re Jakobub 1:13 sa.) Nēs xa ǃaromahe hâsen ge khoena ǃgombahe Eloba ǀnamsa.

2. Ama tama ǂgomde mati Elob ǀonsa ra ǀuriǀuri ǁîn ra dī xūn ǀkha?

Ama tama ǂgomdi ge Jehovab khoena ra hâ-ū, khami hâ-ū tama hâ. Elobmîs ge ra mî ama tama ǂgomdi “ǁoren ge ǀhommi kōse sī” hâ ti. (ǂHaiǂhais 18:5) ǂGui kurinan ge ǂgomde ǂgīǂgōsi ǁaxasigu ǃnâ ra ǁhao. Torogu tsî ǂgui khoen ǁōb tsînan ge ǃaroma hâ. ǂGomdi ǂgaeǂgui-aogu ge ra ǃkhū ǂgao. Tsî ǁnās xa ǃaromahe hâse marina ǁîn di ǁanina xu ra ǂgaoǀkha. Nēs ge ra ǁgau Eloban a ǀū ǃkhaisa. Tsîn ǁîba a ǂnûǁkhaeba ǁoasa.—Khomai re 1 Johaneb 4:8 sa.

3. Eloba ama tama ǂgomdi xa mati ra tsâ?

Ama tama ǂgomdi di dī xūn ga ǁaixa kai du o. Mati du ra ǂâi Jehovab nēs xa ra tsâsa? ǁÎb ge khoena a ǀnam. Xaweb ge ǂgomdi ǂgaeǂgui-aon ǀkha ǁaixa hâ. Hîna ǁîn di saosabena ǃgâi tamase ra hâ-ūna. ǁÎb ge ra mîǁgui ama tama ǂgomdi nî hîkākāhesa. ‘Tsî ǃaruǀî hōhe tidesa.’ (ǂHaiǂhais 18:21) ǀGū ǁaeb ge Eloba hoa ama tama ǂgomde nî hîkākā.—ǂHaiǂhais 18:8.

 ǃGAMSE ÔAǃN RE

4. Elob ge hoa ǂgomde ūǃoa tama hâ

ǂGui khoen ge ra ǂgom. ǂGomdi ǃkharagagu daogu khami īsa. Hîna hoaga Elob ǃoa ra īga. Xawe ǁnāsa a ama? Khomai re Mateub 7:13, 14 sa. Tsî sao ra dîsa ǃhoaǃgao re:

• Elobmîsa ûib ǃoa garu daoba mati ra ǁguiǃā?

VIDIOBA ǀhuru re. Tsî sao ra dîsa ǃhoaǃgao re.

• Elobmîsa ra mî ǂgui ǂgomdi hâ ti, Eloba ra ǂkhîǂkhîde?

 6. Elob ge khoena ama tama ǂgomde xu ra ǃnora kai ǂgao

Khomai re ǂHaiǂhais 18:4 sa. a Tsî sao ra dîsa ǃhoaǃgao:

• Mati du ra tsâ ǂansa, Elob ge ǁnān hîna ama tama ǂgomdi xa ǂgaeǂhapuhe hâna ra hui ǂgao ti?

7. Aiǃgû re ama Elob xa ǁkhāǁkhāsensa

Ama tama ǂgomdi ra dī ǁgai xūna, sadu Elob ǃoagu ūhâ mûǂuiba nî tsâǀkhā? ǀGôab hîna ǁîb îb di daoǁgausa ra ǂkhāb xa ǂâi re. Nē ǀgôab ge omsa xu ī tsî ǁgai xūn ǃnâ sī ra ǂgâ. ǁGûb ge ǁîb ǀgôab di dī xūna ǃkhōǃkhō tama hâ. Tae-i amsi i ǂhanu tide ǁgûba ǀgôab di ǁgai dīxūn amsi ǂgā-amsa?

• ǂHanu i nî Jehovaba ǂgā-amsa? Tsî ǁîb xa ǁkhāǁkhāsen ǂgao tama īsa ama tama ǂgomdi ra dī ǁgai xūn ǃaroma?

 ǃKHŌǀHAOS

Ama tama ǂgomdi ge ǂhanu tama xūna Elob xa ra mî. Nēsan ge ǁîn di ǁkhāǁkhādi. Tsî ǁîn ǃgâi tama dīxūn ǃnâ-ū ra dī. Elob ge ama tama ǂgomde nî dīkākā.

ǁKhāǁkhāsen du go xūna ǂâiǃgâs

• Mati du ama tama ǂgomdi ra ǁkhāǁkhā tsî dī ǁgai xūn ǃoagu ra tsâ?

• Jehovaba mati ama tama ǂgomdi ǃoagu ra tsâ?

• Eloba tae-e ama tama ǂgomde nî dī?