ǂÂi re sao ra-i xa: Timmib ge ǀhōsab ǀkhab ra ǀhuru hîna ǁîb ǁanǁare-aon di audos mûǂui daosa bols ǀkha ge hō.

Tare-ets ga dī hâ, Timmib ǁharodi ǃnâts ga hâhâ o?

SATS GE ǃNONA XŪNA ŪHÂ DĪ ǁKHATS A NA:

1. ǃKhoebē îts nî.

2. Nau khoe-ets nî ǂgāri-am.

3. ǁAnǁare-aona mîba re tare-i go īsa tsî matare re khôats go xū-e.

Sats ge ǀnîsi ǂguro ǀgaub A ti hâba nî ǁhûi ǂgao. Xawe i ge ǃgâi ǃaromasa hâ sa dīsāde ǂanǃgâsa. Nēs ga audos mûǂui-daos tamas ka io ǀnî hâ xū i xawe.

1. Nēsa dīs ge kaise a ǃgâi.

   Elobmîs ge ra mî: “Xūn hoan ǃnâ” da ge nî ǂhauǃnâ.—Hebreǁîn 13:18.

2. Khoen ge ǁîn ǃoagu ra dīhe dīsādi ga ra ǂânǃgâ-e o, o supuse ra ǀûba.

   Elobmîs ge ra mî: “ǃÛǂamdi âba ga gaugaub, ǁnāb ge ǃgâiǃgâ tide, xawe ǁîde ga ǁguiǁnâ tsî ǁnāxūb, ǁîb ge ǀkhomxaǂgaosiba nîra hō.”—ǂKhoamîdi 28:13.

3. Nēs ge hoan ǂamai, Eloba ra ǂkhîǂkhî.

   Elobmîs ge ra mî: “ǁNāǁgôa-aob ge ǃKhūba [“Jehovaba,” NW] ǁgaiǁgaisase ība xuige, xawe ǂganǃgâsib âb ge ǂhauǃnâb ǀkha hâ.”—ǂKhoamîdi 3:32.

Katrinas hîna a 20 kurixas ge ǃhaese ǃnaris ǃaroma ticketsa ge māhe, xawes ge ǁîs dadasaba ge mîba tama hâ i. Xawes ge gaxuse ge sâu ǁoa i. Katrinas ge ge mî, “kurib ǃkharu hâseb ge ti dadaba ǁnā ticketsa ge mû o” “ob ge kaise ge ǁaixa hâ i tita ǀkha.”

ǁKhāǁkhāsen ǁkhāts a i? Katrinas ge ge mî: “Dīsāde sâubēs ge ǃgâi tama hâ, ǃgomsib ǀguiba ra ǁgaoǁgao. Amab ge ǀgui tsē nî ǂoaxa tsîts ge nî matare.”

Elobmîs ge ra mî: “Kaise da kom xūn hoan ǃnâ ra ǃnôao.” (Jakobub 3:2) Tsî da ra ǁkhāǁkhāsens ge nēs ge ǁgauǁgau ǃgamǃgamsens tsî kaisis disa, ǁnās ge sida dīsāde da ga ǂanǃgâ o.

Sao rase da ge sida dīsāde xu nî ǁkhāǁkhāsen. Vero di ǀon hâ ǀgôas ge ge mî: “Ti dīsāde xu ta ge ra ǁkhāǁkhāsen, xū-e ta ga dīsā o. Tsî nēs ge ra hui te hā ga dīsāde ǀkharadise sîsenǂamsa.” ǀKhī re î da kō matits ǁnā-e a dī ǁkhāsa.

ǀNîsits ge sa pap di ǀurihāba ū tsî go khôa. Tare-ets sao rase nî dī?

• ǃNōsase ǀguits nî hâ tsî sa papa xū-e mîba tide.

• Tamas ka iots nî mîba tare-i go īsa.

• Sa dadasabats nî mîba tare-i go īsa xawets noxoba ǀnî hâ khoe-e nî ǂgāri-am.

Sats ge ǀnîsi skoli ǃnâ ǃâisa ǃkharu tama go i. Tare-ets sao rase nî dī?

• ǃÂisats nî ǂgāri-am.

• Ūǃoa îts nî ǃkharu tamats go isa.

• Tamas ka iots nî mî ǁgauǃnâ-aos sats ǃoagu xū-e ūhâ ti.

 Nēsi ǂâi oa re ǃkharu go ǃâgu xa tsî mûnanai tsâ re sats a (1) dadasa tsî ǁnāpaxū a (2) ǁgauǃnâ-aosa. Sa dadab tsî ǁgauǃnâ-aos tsîna mati ga tsâ hâ sats ga sa dīsāde ǂanǃgâ hâ o? Tsî ǁîra mati ga tsâ hâ sats ga sa dīsāde sâu hâ o?

ǂÂi oa re sats ge ǂoa go kuri dī hâ i dīsādi xa tsî sao ra dîde ǃeream re.

Tare-ets ge dīsā hâ i? Tsî matits ge ǁî-e sîsenǂam?

• Sâu îts ge ǁî-e.

• ǀNî hâ khoe-ets ge ǂgāri-am.

• ǂAnǃgâ îts ge.

Sa dīsādets ga ǂanǃgâ tama io, matits ta tsâ?

• ǃGâise ta ra tsâ—khoe-i ǀū amaga!

• ǀHapixase ta ge ra tsâ—amaba ta ǃhoa tama hâ amaga.

Matits ga nē mâsiba ǃgâi ǀgaub ai sîsenǂam hâ?

Tare-ets ge sa dīsāde xu ǁkhāǁkhāsen?

Tare-i ǃaroman ǀnî khoena ra ǃkhō-oasen ǁîn di dīsāde ǂanǃgâs ǃaroma?

Khoena tare-e sats xa a ǂâi ǁkhā sa dīsādets ga hoaǁae ga ra sâu o? ǁÎna mati nî tsâ sats ga sa dīsāde ga ra ǂanǃgâ o?—Lukab 16:10.