ǂÂi re sao ra i xa: Davib ge xūn hoan ǀkharadi ra mûsenba ra ǃnari. ǃGanni saodi tsî ǁîb ǂnamipe hâ ǁgauǂuis ge ra ǁgau ǁîb hâb nîba hâ tama hâsa. Davib ge go mûǂan ǁîb kā hâsa. ǁÎb ge ǀnîsi ǂhanu tama hâ daob ai gere ǃnari.

Sats ga Davib ǁharodi ǃnâ hâhâ o, tare-ets ga dī hâ?

Sats ge ǂgui ǀgauga ūhâ:

1. Daoǁgauhesa ǂgan re.

2. ǃHūǂhaweb tamas ka io GPS sa sîsenū re.

3. ǃNari ǀgara re sa daobats nî hōs kōse.

ǁNâuǃāxa as ge C di hâ ǃâb sîsenǂuiba ūhâ tidesa.

Tsî B di hâ ǃâb ge ǂgurob xa a ǃgâi. Hoan ǂamais ge ǃhūǂhaweb tamas ka io GPS sa a hui tsi ǁkhā daoǁgau tsis ǀkha.

Elobmîs tsîn ge nēti ī ǀgaub ai a hui tsi ǁkhā!

Nē ǂkhanis ge hoa ǂkhanidi xa ra mâǂoa tsî a

• daoǁgau tsi ǁkhā ûib ǃgomsin ǀkha

• hui tsi ǁkhā îts ǂansen tsî ǃgâi khoe kai ǁkhā

• tsî a ǁgau tsi ǁkhā îts ǃgâi ûi ǀgauba ūhâ

ǃHoa tsoatsoa da ra sa xu ta ge dîde ra dî.

• Tae-i ǃaromab ǀhomma a ǂhoa?

• Tsî ǀgamirode tae-e xu a kurusa?

Tsî da ge ǁnāpaxū dîde ǃhūbaib mâsib xa ra dî tsoatsoa.

• Mati i io on ǁgai xūna ra ī?

• Mati i io on khoena ra ǁō?

ǃEreamde Elobmîs ǃnâ nē ǁaeb hoaba hâ tama i hâ?

ǂGui khoen ge ra mî Elobmîs ge ǀgaruben xa ǀoa hâ ti! ǁÎs ge a ǀoro ǂkhani, ǃgomse ra ǁnâuǃāhesa. Xawe Elobmîsa amabes ǃnâ a ǃgomsi tamas ka io khoen hîna Elobmîsan a ǂan ti ra mîna? ǁÎna ge ǁnâuǃā sā?

Aiǁgause khoen ge ra ǂâi Elobmîs ta mîsa Elob nē ǃhūbaiba ra ǂgaeǂgui ti, xawe ǁnāsa mati a ī ǁkhā? Nē ǃhūbaib ge ǁgaiǂoa hâǃ Tsûb tsî ǃgomsin xa ǀoa hâ, ǀaeb tsî ǁōb, ǀgâsib tsî tsūkēǃgâgu. Matib ǀnamxaǃnâ Eloba nē xūn hoana nî ǃaroma?

Satsa ǃereamsa ra ǂan ǂgao? Ham-i nē ǃhūbaiba ra ǂgaeǂguisats ga ra Elobmîs ǃnâ khomai o, ots ge kaise nî buru!

Sats ge ǀnîsi go mûǂan nē ǂkhanib ǃnâts go khomai ǀapemādi ge Elobmîs ai a ǃgaoǃgaosa. Jehovab di ǀHûǀguitimî-aon ge ra ǂgom Elobmîs a ǂgomǃgâhe ǁkhāsa tsî a ǃgâi daoǁgausa. Elobmîs ge “Elob xa ǃgomǂgāǃnâhe hâ, tsî a harebe ǁkhāǁkhās ǃoa, tsî ǂgōǀaus ǃoa, tsî ǀkharaǀkharas ǃoa.” (2 Timoteub 3:16, 17) Dītsâ re nē ǂkhanisa ǂgaob hoab ǀkha ôaǃnâsaǃ