“ǂKhanis nē ǂhanub disa as tā sa amsa xu bē, îts ǁîs xa ǂâiǂâisen tsēa tsî tsuxuba, ǂan tsîts nî dīse ǁîs ǃnâ xoahe hân hoan ǃoa; ǁnāǃnubaits ge sa daoga nî ǃgâiǃgâ kai, tsîts ge ǁnâuǃāxase nî sîsen xuige.”

Josuab 1:8

“Tsî gu ge ǂkhanis ǃnâ ǃgāsase ge khomai Elob di ǂhanub ǃnâ, tsî gu ge ǂâibasens, khomai gu ra ǃkhais disa ǁguiǃā tsî ge dī, khomai gu ra hîas ra ǁnâuǃāhese.”

Nehemiab 8:8

“ǃGâiǃōb ge ǁnā khoeb, eloxoresan di ǀapeǀapes ǃnâ ǃgû tamab . . . , ǁîb di turaba ǃKhūb di ǂhanub ǃnâ ūhâb tsî ǁîb di ǂhanub xa ra ǂâiǂâisenna, tsēs tsî tsuxub tsîra. . . . Tsî dīb ra xū-i hoa-i ge nîra ǃgâiǃgâ.”

Psalmdi 1:1-3

“Ob ge Filipuba ǃgûsī tsî ge ǁnâu, kēbo-aob Jesajabab ra khomai ǃkhaisa, ob ge ge mî: ‘ǁNâuǃāts ra xare khomaits ra-e?’ ‘Ob ge ge mî: Mati ta kha ga ǁkhā, khoe-i ga ǁguiǃāba te tama io?’”

ǃNaeǃkhaidi 8:30, 31

 “ǁÎb di mûǁoasa īsib, ǁnāb ge ǁîb di ǀamo ǀgaib tsî elosib tsîkha ge ǃhūbaib di kurusa xu sîsengu âb tawa ra mûǂanhe amaga; ǀhapiokaisen-i xare-en ūhâ tidese.”

Romeǁîn 1:20

“Nēn xa ǂâiǂâisen, î ǁîn ǃnâ hâ, îs aiǃâ ǃgûs âtsa ǂhaisa hoa xūn ǃnâ.”

1 Timoteub 4:15

“Î da kōǃgâ ǀnammi tsî ǃgâi sîsengu hōhōǃnâgu ǃoa; î da tā sada ǀhûsa ǀûǀkhā.”

Hebre||în 10:24, 25

“Tsî ǀgui-i â du ga gā-aisiba tôasio, a-i Elob tawa ǂganbasen, mâ-i hoa-e ǀguiǃnâxase ra māb tsî ǂgōǀau tamaba, o i ge nîra māhe.”

Jakobub 1:5