3ǁÎ ǁKHĀǁKHĀǃÂS
ǃGâiǂhôasa amabes ǃnâ Eloba xu hâ?
1. Elobmîsa ham-e xu hâ?
ǃGâiǂhôas khoen ǀamose ǃhūbaib ai nî ûis ge Elobmîs ǃnâ xoamâihe hâ. (Psalmti 37:29) Elobmîs ge 66 ǂkhari ǂkhanide xu hâ. Elob ge 40 ǂgomǂgomsa aoga ge sîsenū nē ǂkhanisa xoasa. ǂGuro koro ǂkhanidi ge Moseb xa 3 500 kurigu ǃkharu hâse ge xoahe. ǀUniga ǂkhanis ge apostel Johaneb xa 1 900 kurigu ǃkharu hâse ge a xoahe. Ham-i di ǂâide gu gere Elobmîs xoa-aoga xoa? Elob ge Elobmîs xoa-aogu ǀkha ǁÎb ǃanu gāgāb ǃnâ-ū gere ǃhoa. (2 Samueli 23:2) ǁÎgu ge Elob di ǂâide gere xoamâi, ǁîgu di ǂâidi ose. Nēs ge ra ǁgau Elobmîs Jehovaba xu hâ ǃkhaisa.—Khomai re 2 Timoteub 3:16; 2 Petrub 1:20, 21.
Vidioba kō re Ham-e Elobmîsa ge xoa?
2. Mati da a ǂan Elobmîs a ama ǃkhaisa?
ǂAn da a ǃkhais ge Elobmîs ǁîba xu hâsa amabas ta ǂōrisase mîba da hānîǁaeb xa amaga. Khoe-i ge ǁnāsa a dī ǁoa. (Josuab 23:14) Hoaǀgaixa Elob ǀguib ge ǃamkuse mîǁgui ǁkhā khoen ǀkha nî ī xūna hānîǁaeb ǃnâ.—Khomai re Jesajab 42:9; 46:10.
Nē ǂkhanis ge Eloba xu hâ tsî a ǀō-aisa. Biliuns xa ǃnāsa Baibeldi ge ge māǂuihe kaidisis xa ǃnāsa gowagu ǃnâ. Elobmîs ge a ǀoro, xawes ge a ǀguiǃnâxa kurusǂans ǀkha. ǁÎs di 40 xoa-aogu ge ǀgau tama hâ xūna ge xoa tama hâ-i. * ǃAruǀîs ge Elobmîsa Elob di ǀgopeǀnōhe ǁoa ǀnama ra ǁgauǂui. ǁNās ge ǀgaiba ūhâ khoen ûiga ǃgâib ǃoa ǀkharaǀkharasa. Nēs ge miliun di ǃnâ hâ khoena ge ǂanǃgâ kai Elobmîs Eloba xu hâsa.—Khomai re 1 Tesalonikaǁîn 2:13.y
Vidioba kō re Mati da a ǂgomǃgâ ǁkhā Elobmîs a ama ǃkhaisa?
3. Elobmîsa tae na ǃkhōǂgā hâ?
Elobmîs di mâǂoa ra ǃgâiǂhôas ge Elob ǀnamxaǃnâ ǂâibasensa khoena ūba hâsa. Xoas ge ra mîba da khoen ge mati tsoatsoas ǃnâ aiǂhanuba ǂaoǃnâ ǀgausa paradais ǃhūbaib ǃnâ ûis diba tsî matis paradaisa ǁkhapa nî hō oahe ǀgausa.—Khomai re ǂHaiǂhais 21:4, 5.
Elob di mîs ge ǂhanugu, tsoatsoadi tsî ǀapemādi tsîna ǃkhōǂgā hâ. Elobmîs ge ǃnaeǃkhaide ra ǁgau matib ge Eloba khoen ǀkha gere ǂharugu ǀgausa tsî Elob khoexaǃnâ ǀgauba ra ǁgauba. Elobmîs ge a huitsi ǁkhā Eloba ǂansa tsî ra mîǃgāǃgā matits ǁîb ti ǀhō kai ǁkhā ǀgausa.—Khomai re Psalmti 19:7, 11; Jakobub 2:23; 4:8.
4. Matits Elobmîsa a ǁnâuǃā ǁkhā?
Nē ǂkhanib ge nî huitsi Elobmîsa ǁnâuǃāsa Jesub gere sîsenū ǀgaubats ga sao o. ǁÎb ge Elobmîs di xoade sîsenū tsî nē xoasa xu nau xoas ǀkha saogu ra se gere ǁnaeǁgau tsî gere mîǃgāǃgā “xoaden nî ǁnâuǃāse.”—Khomai re Lukab 24:27, 45.
ǀOro xūn ge khoets ǂâisa ra ǂgae Elob di ǃgâiǂhôas khami. Xawe ǀnî khoen ge ǁnâu ǂgao tama hâ tsî ǀnîn ge ra ǁaixa kaihe. Tā ǂkhawuǂâi re sa ǂkhîb ǀamo ûiba hōs tib ge nēsa xu hâ Eloba ǂans ǃnâ.—Khomai re Johaneb 17:3.
^ par. 3 Mû re ǂkhanisa A Book for All People di ǀon hâsa.
