ǂÂi-oa îts ra ǃgâi ǁaegu hînats ge Jehovab ǁaes ǀkha ūhâ îga—om khâi ra ǀhaodi, kaise ge ǁkhoaxa i ǀkharib kai ǀhaodi, ǃgomǀgausa ǁgamǁaes khoen ǀkha omsa xu oms ǀkha aoǁnâ sîseni ǃnâ, tamas ka io ǁkhoaxa ǁgamǁaesa ǃgâsa-i ǀkha? Sats ge Jehovaba ǀuru tama; ǁÎb tsîn ge tātsē ǀuru tsi tide. ǁÎb ge kaise ǃgâi ǀgaub ai sa ǂgomǂgomsa ǃoabas hînats gere dīs xa ra ǂâi. Tsîb ge kai ǁkhoreb ǀkha ra mûǂui huitsi sa îts oa hā.

“Tita ge ti gūna nîra . . . ôa.” Dib ge Jehovaba ra mî, “ǃÛi-aob ra gūn âba ôa khami, ǀgaruǀgaruhe hâ gūn âb ǃnâb hâ tsēs ai, ǁnās ǁkhās khami ta ge tita ti gūna nîra ôa; tsî tita ge ǁîna nîra ore, ǁîn ge ǀgaruǀgaruhe hâ i ǃkhaidi hoade xu.”—Esegieli 34:11, 12.