1. Tae-i ǃaroman Jehovab di ǃoaba-aona ǀnî ǁaegu ai ra ǀguritsâsen?

ǂGUI da ge ǀnî ǁaegu ai ra ǀguritsâsen. Xawe ǀnîn ǃaroma i ge nē tsâsiga kaxuse hâ tama hâ. Tsî ǀnîn ǃaroma i ge nē tsâsiga kaise kaxuse ra hâ. ǀGuritsâsen ǁkha da ge a ǂgui khoen ǀkha da ga hâ xawes tsîna. ǀNîn ǃaroma i ge kaise a ǃgom ǀasa ǀhaohâb tawa ǀhōsana kurusa. Tsî ǀnîn ge omaridi hîna ge ǂgui xūna ǀguiba gere dīna xu ra ǀkhī. Xawen ge ra ǀguritsâsen. ǁÎn di omaris di ǁanina xun ga ra doebe o. Tsîn ge ǀnîna kaise ra ǁkhōre ǁō ge ǀnamǀnamsaben ǀkha ǃhoasa. Tsî ǀnî Xristeǁîn ǃnāsase ǁnān hîna ge ǀasase. Amaba ǁkhāǁkhāsenan ge ūǃoahe taman ka io ra ǀguritsâsen. Tamas ka ion ga amab ǃnâ hâ tama. Omaris ǁanina xu mâǃoasa ga ra hō o. Tamas ka io ǀnain ge ūhâ i ǀhōsana xu.

2. Mā dîde da nî ǃeream?

² Jehovab ge a ǂan tsî ra ǁnâuǃā. Hoa xūn hîna sida ǀkha ra în na. ǀGuritsâsen da ga o ob ge ǁîba ǁnāsa a ǂan. Tsîb ge ra hui da ǂgao îda ǁnā tsâsiga ǃkhamǃoa. Xawe matib Jehovaba ra hui da? Tae-e da a dī ǁkha îda aitsama huisen? Tsî mati da ǁnān hîna ǀhaohâb ǃnâ hân. Tsîna ǀguritsâsensa xu hui ǁkhā? Hāre îda ǁnā ǃereamde ǃhoaǃgao.

3. Matib ge Jehovaba ǁgau Eliabab ra tsâba ǃkhaisa?

³ Jehovab ge ǁîb di ǃoaba-aon hoan nî ǂkhîsa ǂhâba hâ. ǁÎb ge māǀguiǀguibe i hoa-i ǀgūse hâ. Tsîb ge ra mû ǂkhabuǂâi da ga o. Sida tsâsigu xa ǃaromahe hâse. (Psa. 145:18, 19) Kō re Jehovab ge matikōse ǁae hâ isa. Kēbo-aob Eliab di  tsâsigu xa. ǁNā ǂgomǂgomsa aob ge kaise ǃgom ǁaegu ǃnâ ge ûi hâ i. Israelǁaes di tsēdi ǃnâ. Jehovab di ǃoaba-aon ge ǀgaisase gere ǁgâiǀāhe. Xawen ge ǃnāsase Eliaba gere ǃkham ǂgao. (1Gao. 19:1, 2) Eliab ge ge ǂâi hâ i ǁîb ǀguib hâsa. Kēbo-aose tsî Jehovaba ra ǃoabase. Tsî nēti i xūn ge ǁîba kaise gere ǂkhabuǂâi kai. (1Gao. 19:10) Xaweb ge Jehovaba ǃhaese xū-e ge dī îb Eliaba hui. Jehovab ge ǀhomǃāba ge sî îb sī Eliaba mîba ǁîb ǀguri hâ tamasa. Nē ǀhomǃāb ge Eliaba ge mîba ǂgui khoen ge noxoba hâ isa. Jehovaba ge ǂgomǂgomsase gere ǃoabana.—1Gao. 19:5, 18.

4. Matis Markub 10:29, 30 sa ra ǁgau Jehovab ǁÎb di ǃoaba-aona ra tsâbasa?

⁴ Jehovab ge ra ǁnâuǃā sida ga mîǁgui tsî ǁîba ǃoaba o. O da ǀnî khoe da ǂgui ǀkharaǀkharana nî dīsa. ǀNî xūn hîna da a ǂoaǃnâ ǁkhān ge . Sida di omaris ǁanin tsî ǀhōsan. Hîna Jehovaba ǃoaba tamana xu huiba hōsa. ǀNîsib gere ǂâiǂhansen amagab ge Petruba Jesuba nēti ge dî: “Mû, sige ge hoana xū, tsî satsa ge sao. Tare xū-e ge ǁnâi sige nî hōbasen?” (Mat. 19:27) Jesub ge ǁîb di ǁkhāǁkhāsabega ge mîba. ǁÎgu nî ǀhaohâb ǃnâ hâ ǃgâsana gagasi omaris ase ūhâsa. (Khomai re Markub 10:29, 30 sa.) Tsî Jehovab hîna a gagasi omaris di danab ge ra mî mâi. ǁÎb nî māxōǀkhasa ǁnān hîna ra mîǁguina în ǁîba ǃoaba. (Psa. 9:10) Hā re îda kō xūn hîna da a dī ǁkhana. Îda Jehovab di huiba ǃkhōǃoa. ǀGuritsâsensa da ga ǃkhamǃoa ǁaeb ai.   

5. Tae-i ǃaroma i a ǂhâǂhâsa ǂâiǃgâsa matib ge Jehovaba sado a huisa?

⁵ ǂÂi re matib Jehovaba nēsi ra hui du ǀgaus xa. (Psa. 55:22) Nēs ge nî hui du îdu mûǃā ǀguri du hâ tama ǃkhaisa. ǃGamme tama ǃgâsas Carol, di ǀon hâs. * Tsî omaris ǁani-i hîna amab ǃnâ hâ-e ūhâ tamas ge nēti ra mî: “Kō oa tsî ta ga ǂâi o matikōseb Jehovaba ti ǃgomsin ǃnâ hui te hâsa î ta māǀgai. O i ge ra hui te î ta mûǂan ǀguri ta hâ tamasa. Tsî i ge ra ǂâiǂâiǃnâ te î ta hoaǁae ǂan Jehovab hānîǁaeb ǃnâs tsîna tita ǀkha nî hâsa.”

6. Matis 1 Petrub 5:9, 10 ǁnān hîna ra ǀguritsâsen na a hui ǁkhā?

 ⁶ ǂÂi re matib Jehovaba nau ǃoaba-aona ra. Hui ǀgausa hîna ra ǀguritsâsen na. (Khomai re 1 Petrub 5:9, 10 sa.) Hiroshi di ǀon hâ ǃgâsab hîna ge ǂgui kurina. ǀGuri ǀgui Jehovaba ǁîb omaris ǃnâ gere ǃoabab ge nēti ra mî: “ǀHaohâb ǃnâ i ge kaise a supu mûsa hoa da ǃgomsina ūhâ sa. Hoa da ge a ǂan ǁkhā da a xū-i hoa-e da ra dītsâsa. Tsî Jehovaba ra ǃoabasa. Tsî nēs ge ǁnān hîna Jehovaba ǀguri ra ǃoabana a ǂhâǃnâ ǁkha.”

7. ǀGoresa satsa mati ra hui?

⁷ Gagasi xūna ǃnāsase dī ǀkhara re. Nēs ge hoaraga tsâsigu. Sadu ra tsâga Jehovaba mîba sa ǃkhōǂgā hâ. (1Pet. 5:7) “ǀGui ǂhâǂhâsa xū-i hîna ge ǀguritsâsen ta gere o a hui te i ge Jehovaba ǃoa hoaǁae ǀgoresa.” Dis ge Massielasa ra mî. Nē ǂkham ǃgâsas ge mîǁgui o is Jehovaba ǃoaba. Os ge kaise gere ǀguritsâsen. ǁÎs di omaris di ǁanin ge Jehovaba ǃoa tama hâ i amaga. “ǁÎb ge ge ama dada i tita ǃoagu. Tsî ta ge ǁîba ǃoa tsēs hoasa gere ǀgore. Tsēs ǃnâ ǂgui ǃnāde tsî gere mîbabi mati ta ra tsâsa.”

8. Matis Elobmîsa khomais tsî ǂâiǃgâsa satsa ra hui?

⁸ Tsēs hoasa Elobmîsa khomai re. Tsî ǁnāpaxu ǂâiǃgâ re. ǃÂgu hîna Jehovab sado ǀnamsa ra ǁgauga. Bianca di ǀon hâ ǃgâsas hîna omarisa xu ǁgâiǀāba ra hōs ge nēti ra ǁguiǃā: “Elobmîsa khomai tsî ta ga ǂâiǃgâ o. O ta ge tita ūhâ khami i, ǃgomsina ge ūhâ i. Khoen di aiǁgaudi xa ra ǀgaiǀgaihe.” ǀNî ǃgâsan ge Elobmîs di xoade ra ǃkhō mâi. Hîna ǁîna a ǁkhaeǂgao ǁkhāna. Aiǁgause Psalmdi 27:10 tsî Jesajab 41:10 tsîna. ǀNîn ge ra tsâ ǃkhōǁnâsa ǀōb di ǁkhāǁkhāǃâden ga ǃgâ o. On ra ǀguritsâsensa xu ǀgaiǀgaihe sa. Nēsin ga ǀhaodi ǃaroma ga ra aiǂhomisens. Tamas ka io Elobmîsa ga ra khomai o.

9. Matis ǀhaode hâǃnâsa sado ra hui?

⁹ ǁKhā du a e dī re îdu ǀhaode hoaǁae hâǃnâ. ǁNā ǀhaode xu du ge ǀgaisa xūna nî hō. Tsî du ge ǁnās ǃnâ ūs tsîna. Sadu di ǃgâsana ǃgâise a ǂan ǁkha. (Heb. 10:24, 25) Massiels hîna da go ǀnai ǂgai hâ is ge ra mî: “Taoxa ta ge i xawe ta ge ge mîǁgui. Îta hoa ǀhaode hâǃnâ tsî ǁîdi tawa ǃeream. Nēs ge ge hui te î ta ti ǃgâsan ǀgūse hâ ǁkhā.”

10. Tae-i ǃaroma i a ǂhâǂhâsa ǂgomǂgomsa Xristeǁîn ǀkha ǀhōsagusisa omsa?

¹⁰ ǂGomǂgomsa Xristeǁîn ǀkha ǀhōsagusisa omkhâi re. ǀHaohâb ǃnâ ǀhōsana ôa re ǁîna xu du a ǁkhāǁkhāsen ǁkhana. Nēsin ga sats xa kai tamas ka io. ǂKham tsî ǀnî hâ khaoǃhūba ūhâ xawes tsîna. Elobmîs  ge ra ǂâiǂâiǃnâ da “kairan ǃnâb ge gā-aisiba hâ.” (Job. 12:12) Kaira hân tsîn ge ǂgomǂgomsa ǂkham khoena xu ǂgui xūna a ǁkhāǁkhāsen ǁkhā. Davib ge kaise Jonatanni xa ge ǂkham i. Xawe i ge ǁnā-e ge ǁkhae tama hâ i. ǁÎkha ǀgū ǀhōsagusisa ūhâsa. (1Sam. 18:1) Davib tsî Jonatanni tsîn ge ge huigu. Îkha Jehovaba ǃgomsin hoan ǃnâ ǀguiba ǃoaba. (1Sam. 23:16-18) “Sida di ǃgâsan ge amabes ǃnâ a sida di gagasi. Papa tsî mama tsî a ǀhōsa kai ǁkhā.” Dis ge Irinasa ra mî. Hîna ǀguri ǀgui a Jehovab di ǃoaba-aosa, ǁîs di omaris ǃnâ. “Jehovab ge ǁîna a sîsenū ǁkhā. Îda ǁîn di omaris di ǃâ kai.”

11. Tae-e da a dī ǁkhā î da ǀgaisa ǀhōsagusisa omkhâi?

¹¹ ǀAsa ǀhōsana kurus ge hoaǁae supu tama hâ. Tsî ǃnāsase taoxa da ga o i ge ǁnāsa a î ǁoa. Ratna di ǀon hâ ǃgâsas tsî a taoxas ge. Mâǃoadi ǃnâ amaba ge ǁkhāǁkhāsen. Tsî nēti ra ǂanǃgâ. “Mûǂan ta ge ge ti gagasi ǃgâsan. Di huiba ta ge amabes ǃnâ ǂhâ hâ i ǃkhaisa.” Kaise i ge a ǃgom ǁkhā sa tsâsiba nau khoe-i ǀkha ǀgoragusa. Xawets ga sa tsâsiba ǀgoragu o nau khoe-i ǀkha. Ots ge ǁnā khoe-i ǀkha ǀgū ǀhōsagusa ra omkhâi. Sa ǀhōsan ge ra ǀgaiǀgai tsi tsî ra ǂkhâǃnâ tsi ǂgao. Xawen ge ǁîna ǂhâba hâ îdu sadu ra tsâ ǀgauba ǁîn ǀkha ǀgoragu.   

12. Mati i aoǁnâ sîsen-e a hui du ǁkhā, îdu ǃgâi ǀhōsana kuru?

¹² ǀGui ǀgaub hîna da ǀhōsana a kuru ǁkhab ge. Aoǁnâ sîsen-i ǃnâ nau Xristeǁîn ǀkha ǀguiba sîsens ǃnâ. Carols hîna go ǀnai mîhe hâ is ge. Sao ra se nēti ra mî: “Tita ge ǃnāsa ǀhōsana ra kuru. ǃGâsadi ǀkha ta ga aoǁnâ sîsen-i ǃnâ ga ra sîsen o. Tsî gagasi xūn ǃnâ gara ǁgao o.” Jehovab ge nē kurin hoana ǂkhâǃnâ te hâ ǁnā ǀhōsan ǃnâ u. Kaise i ge hoaǁaegu ai a ǃgâi. ǂGomǂgomsa Xristeǁîn ǀkha ǀhōsagusisa kurusa. Jehovab ge ǁnāti-i ǀhōsana ra sîsenū. În ǂkhâǃnâ du ǂkhabuǂâi du ga o. Aiǁgause ǀguritsâsen du ga o.—ǂKhm. 17:17.

13. Tae-i di ǃereamsab hoa ǀhaohâba tani hâ?

¹³ Hoa khoen hîna ǀhaohâb ǃnâ hân ge ǃereamsa ūhâ. În ǀnamxaǃnâ tsî ǂkhî ǃkhaiba ǁnāpa kuru. Î tā khoe-e ǁnāpa ǀguritsâsen. (Jhn. 13:35) Tsî dī da ran tsî mî da ran ge nau khoena a ǂkhâǃnâ ǁkhā. Kō re ǀgui ǃgâsas ge mî xū-e: “Amaba ta ge ǁkhāǁkhasen o. Ob ge ǀhaohâba ge ti omaris di ǁani kai. Jehovab di ǃoaba-aon di ǀgui tama ta ge ga hâ. Ti ǃgâsan ga hui te tama hâ o.” Mati du ǁnān hîna Jehovaba ǀguri ra ǃoabana a hui ǁkha. În ǀhaohâb di ǃâse tsâsen?

14. Tae-e du a dī ǁkhā îdu ǀasa khoen ǀkha ǀhōsagusa kuru?

¹⁴ ǀAsa khoen ǀkha ǀhōsagusa kuru re. Tsoatsoas ai da ge ǀnamxaǃnâ ǀgaub ai. ǀAsase ǀkhī hâna a ǁkhōreǁkhare ǁkhā. (Rom. 15:7) Xawe da ge ǃnāsa-e nî dī khoe-e ǁkhōreǁkhares xa. ǃGâi ǀhōsagusa da ge ǁaeb ǀkha ra omkhâi ǂgao. ǁNā-amaga ǃgâi tsî ǀnamxaǃnâ ǀgaub ǃnâ ǁgau re. ǀAsase ǀkhī hâ khoena du ra tsâba ǃkhaisa. Khoe-e nî tao kai dîde dî tama i. Tsî da ge khoe-i di ǃgomsiba ra ǁnâuǃā ǂgao. ǀNîn ge ǀnîsi ǃgomsiba ūhâ ǁîn di tsâsiga ǁguiǃās xa. ǁNā-amaga tā khoena ǁgari re, în ǃhoa u du. ǁNā-amaga ǁîna ǃgâi tsî ǃgôasiba ra ǁgau dîna dî re. Tsî ǁnāpaxu ǁîna ǃnūǃnâxase ǃgâ re. Aiǁgause du ge a dî nî ǁkhā matin ge amaba a ǁkhāǁkhāsensa.

15. Matin ǀgaisa ǂgomsa ūhâ khoena nauna nî hui ǀhaohâb ǃnâ?

¹⁵ ǀHaohâb ǃnâ i ge mā khoe-i hoa-i di  ǂgomsa nî ǀgaiǀgaihe. ǁGau da ga ra o nau khoena da ra tsâba ǃkhaisa. Nēs ge a ǃgâi ǀhaohâb ǃûi-aogu tsî naun. Hîna ǀgaisa ǂgomsa ūhân ga nē a dī o. Melissas hîna ge amab ǃnâ mamasas xa kai kaihes ge nēti ra mî: “Kaise ta ge ra gangan ǃgâsagu. Hîna ge ti pa-i ase gere tanisen ga. Tsî ǁaeba ǁamaǂui tsî tita ǀkha gere hâ ga. ǃHoa ǂgao ta ga o, o ta ge khoe-e ūhâ tita ra ǃgâ-e.” ǂKham ǃgâsab Mauricios di ǀon hâb ge gere ǀguritsâsen. ǁÎba ge Elobmîsa gere ǁkhāǁkhā khoe-i ge amaba a xū-o. Mauriciob ge ra mî: “ǀHaohâb ǃûi-aogu ge ge ǁgau te ǁîgu tita ra tsâbasa. Tsî ǁnās ge tita kaise ge hui. ǁÎgu ge tita ǀkha ǃnāsa ǁaeba gere ǃhoa. Tsîgu ge tita ǀkhas tsîna aoǁnâ sîsen-i ǃnâ gere sîsen. Tsîgu ge Elobmîs ǃnâ gu gere khomai. Gagasi xūna tita ǀkha gere ǀgoragu. Tsî sportsa tita ǀkhas tsîna gere ǀhūru.” Melissas tsî Mauriciob tsîn ge ǀoasase aoǁnâ sîsen-i ǃnâ ge ǃoaba tsoatsoa.

16-17. Mā ǃgâiǀgaugu ǃnâ da nauna a hui ǁkha?

¹⁶ ǃGâiǀgaub ǃnâ hui re. (Gal. 6:10) “ǃNāsa ǁaeba ǂkhari ǃgâidīb ge ǃgâi ǁaeb ai a ǂhâbasa.” Dib ge Leob hîna sîsabese ǃnūse ǁîb di omarisa xu ra ǃoababa ra mî: “ǂÂihō ta ge ra ǀgui tsē i hîna ta ge audo tsūgeǃgâ-i ǃnâ hâ isa. Oms ai ta ge sī ǁaeb ai ta ge kaise gere ǂâiǂhansen. Xawe ta ge ǃgamme hâ khoe ra xa ǁîra omsa ǃoa ge ǁkhauhe. ǂÂihō tama ta ge hâ tae-e da gere ǂûsa. Xawe ta ge ra ǂâihō ǃgâiǀgaub ǃnâ ra gere tita ǃgâ ǃkhaisa. Tsî ta ge kaise ǀams ai ǃgâise gere tsâ.”

¹⁷ Hoada ge gagasi xūn xa a ǃgâibahe. Aiǁgause ǂharis kai ǀhaos tsî ǀkharib di kai ǀhao hâ di khami. ǁNāpa da ge ǃnāsa ǁaeba nau khoen ǀkha ra hâ. Tsî ta ge ǁnāpa da go ǁnâu ǃhoade ra ǀgoragu. Xawe Carols hîna da go ǀnai ǂgai hâ is ge nēti ra mî: “Kaise ta ge ra ǀguritsâsen ǂharis kai ǀhaos tsî ǀkharib kai ǀhaos tawa.” Tae-i ǃaroma? “Nēsi ta ga ǂgui khoen ǀkha hâ xawes tsîna. Dis ge ra mî. “Tsî ǃnāsa ǁaeban ge ǀguiba hâ tsî ǀguiba ra ǂnû omaris ase. Xawe tita ga ǁîna ga ra mû o, o ta ge ra ǀguritsâsen.” ǀNîn ge kaise ǃgomsiba ra hōǃâ ǂharis kai ǀhaos. Tsî ǀkharib di ǀhaosa hâǃnâsa. ǂGuro ǃnāsa khoe-en ga ǁōb ǃnâ ga ra ǂoaǃnâ o. ǂAn i du a khoe-i hîna nēti ǃgomsiga ra hōǃâ-e? Toxoba du sao ra gagasi  xūn tawa. Khoe-e ǁkhau re î sadu di omaris ǀkha ǀguiba si ǂnû.

18. Mati da 2 Korinteǁîn 6:11-13 sa a sîsenū ǁkha ǃgâiba da ga ǁgau ǂgao o?

¹⁸ ǁÎn ǀkha hâǁae re. Dītsâ re î ǃkharagagu ǃgâsan ǀkha ǀguiba hâǁae. ǃNāsase ǁnān hîna ra ǀguritsâsenan ǀkha. Tsî ta ge ǃnāsase sida di “ǂgaoba ra. Harahara” ǂgao ǁnā khoen ǃoagu. (Khomai re 2 Korinteǁîn 6:11-13 sa.) “Kaise da ge ge ǂkhî hâ i ǃgâsan ge sida ǁîn di omde ǃoa ǁkhau hâ io. Tamas ka io ǀguiba ǁîn ǀkha ǀnî hâ ǃkhaiba ǃoa gere ǃnari o.” Dis ge Melissasa ra mî ǀnai da go ǂgai hâ isa. Khoe-e sadu ǀhaohâb ǃnâ hâ ǃgâiba du ra ǁgau ǂgao-e?

19. Māǁaeb ai i kaise nî ǂhâǂhâsa Xristeǁîn ǀkha ǀguiba hâǁaesa?

¹⁹ ǁAeb ge nî hā Xristeǁîn kaise nî ǃgôaǃgâsa. Sadu ga ǁîn ǀkha ǀguiba ga ra hâ ǁae o. ǀNîn ge ǃgomsiba a hōǃâ ǁkhā Jehovaba ǃoaba tama khoen ga sâtsēde ga ra tsēdi o. ǀNîn ge ǀnîsi ǀnî tsēdi ai ǃgâi tamase a tsâ ǁkhā. Aiǁgause ǁî-i ge nau khoe-i ǀkha ǃgamme hâ i tsēs gara ǀkhī o. ǁAeba ǁamaǂui tsî da ga ǁnāti i ǃgomsiga ra. Hōǃâ khoen ǀkha ga ra hâǀhao o. O da ge ra ǁgau ama ‘ǃgâiba da ra ôasa’.—Fil. 2:20.

20. Mati di Jesub di mîdi hîna Mateub 12:48-50 ǃnâ hâ de nî hui da ǀguritsâsen da ga o?

²⁰ ǂGui ǃaromadi ge hâ Xristeǁî i a ǀguritsâsen ǁkhasa. Xawe da ge tā nî ǀuru Jehovab ǁnāti i tsâsiga ra mûsa. ǁÎb ge sida ǃgâsana ra sîsenū, îb ǂhâ da hâ xūna māda. (Khomai re Mateub 12:48-50 sa.) ǁNās ǀkha da ge Jehovaba ra ǁgau matikōse da ra gangansa. ǁÎb di ǀnamxaǃnâ ǀhaohâb ǃaroma. Sida di ǃgâsana da ga ǂkhâǃnâ tsî ga ra hui o. Mati ǀgui da ga tsâ xawe ta ge tātsēs tsîna ǀguri hâ tama hâ. Jehovab sida ǀkha hoaǁae hâ amaga.