1. Jehovaba tae-e mā ǀguiǀguibe i hoa-e ge dība?

JEHOVAB ge mâ ǀguiǀguibe i hoa-e ǁîb ǃoa ge ǂgae. (Jhn. 6:44) ǂÂi re tae i ǁnā-e ra ǂâibasensa. Jehovab ta ǃgaise ôaǃnâ biliun di khoena nē ǃhūbaib ǃnâ. Ob ge sadu ǃnâ ǃgai xū-e ge mû. Māsenxa ǀoms hîna ǁîba nî ǀnam-e. (1Kro. 28:9) Jehovab ge a ǂan du, ǁnâuǃā du, tsî a ǀnam du. ǁNā i ge amabes ǃnâ kaise ra omkhâi da xū-e.

2. Jesuba mati go hui du îdu ǁnâuǃā matikōseb Jehovaba ra tsâba du sa?

² Jehovab ge amabes ǃnâ ra tsâba du. Tsîb ge sida di Xristeǁî ǃgâsan hoan tsîna ra tsâba. Nēsa ǃgāsa kais ǃaroma. Jesub ge Jehovaba gū ǃûi-ao i ǀkha ge ǀgopeǀnō. ǀGui gū i ga ǀguikaidisi gūde xū kā o. Gū ǃûi-aoba tae-e nî dī? ǁÎb ga “ǀgui-i ân xa kāheo. Khoesedisikhoeseǀana i ǁnāxū tsî ǃgû tsî kā hâ-e ǃhomgu ai ôa tide?” Tsî ǁî-eb ga hō o, ob ge gū ǃûi-aoba ǁnā gū-e mî ǁgaiǁgai tide. Xawe ra ǃgâiaǂgao. Tae-e da nēpa xu ra ǁkhāǁkhāsen? Mā ǀguiǀguibe khoe i hoa i ge Jehovab tawa a ǀō-aisa. Jesub ge ra mî: “ǁNās ǁkhās xases ge sago Îb ǀhommi ǃnâ hâb di ǂâi tama hâ. ǀGui-i nē ǂkhariron di-i nî kā ǃkhaisa.”—Mat. 18:12-14.

3. Tae-e da nē ǁkhāǁkhāǃâs ǃnâ nî ǃhoaǃgao?

³ Sida ǃgâsana da ge ǂkhabu kai ǂgao tama hâ. Mati da nî ǁkhae îda tā nauna ǃnôa kai? Tae-e da nî dī nau khoe-i ga tsûtsû da o? ǁNā dîde da ge nē ǁkhāǁkhāǃâs ǃnâ nî ǃeream. Xawe ǂguirose ǀkhī da “nē ǂkhariron” xa ǁkhāǁkhāsen. Hîna Mateub 18ǁî danaǃās ǃnâ ra ǃhoaǃgaohe na.

4. Hamna “nē ǂkharirona”?

⁴ “Nē ǂkhariron” ge Jesub di ǁkhāǁkhāsabena. ǃKharagagu kurina ūhâna. Mati go kurixan ga xawes tsînan.  Ge ‘ǂkhariro ǀgôaro i’ khami i. ǁÎn ra māsenxase Jesub xa ǁkhāǁkhāhe ǂgao amaga. (Mat. 18:3) Tamas ka io ǃkharagagu khaoǃhūga xun ga ǀkhī o. Tsîn ga ǃkharagaguse xūna a mûs. Tsî ǃkharagagu ǃnâ khoesi ǀgauga ūhâs. Xawen ge hoana Jesub ǃnâ ǂgomsa ūhâ. Tsî Xristub tsîn ge ǁîna kaise a ǀnam.—Mat. 18:6; Jhn. 1:12.

5. Jehovaba mati ra tsâ nau khoe-i ga ǁîb di khoena tsûtsû o?

⁵ “Nē ǂkhariron hoan” ge Jehovab di mûdi ǃnâ a ǀō-aisa. Jehovaba sada xa ra tsâ ǀgauba da ga ǁnâuǃā ǂgao o. ǀKhī da kō re. Sida mati ǀgôaron xa ra tsâsa. ǁÎn ge sida ǃoagu a ǀō-aisa. ǁÎna da ge ra ǁkhauba ǂgao. ǁÎn ǁkhasib, ǂans tsî gā-aisib tsîna ūhâ tama amaga. Sida ge nau khoe-i ga ǁî-i di ǀgū khoe-e tsûtsû o ǃgâibahe tama hâ. Xawe i ga ǂkhari ǀgôa-e tsûtsû o. O i ge ǁnā-e kaise ra ǁaixa kai da. ǁKhā ǀgaub ǃnâb ge Jehovaba sida ra ǁkhauba ǂgao. Tsîb ge ǁîba ra ǁaixa nau khoe-i ga ǁîb di khoe-e tsûtsû o.—Jes. 63:9; Markub 9:42.

6. 1 Korinteǁîn 1:26-29 ǃoagu khoena mati Jesub di saosabena ra mû?

⁶ Mā ǀnîhâ ǀgaub ǃnân Jesub di ǁkhāǁkhāsabena “ǂkhariro” ǀgôaron khami ī? Nē ǃhūbaiba hamna ǂhâǂhâsase ra mû? ǃKhūhân ǂanǂansan, tsî ǀgaisan. Xawe Jesub di ǁkhāǁkhāsabegu ge. ǁNāti ge i tama hâ i. ǁNā-amagan ge khoena ge ǂâi hâ i ǁîgu ǂhâǂhâsa tama di. Tsî ‘ǂkhariro’ ǀgôan khami ī di (Khomai re 1 Korinteǁîn 1:26-29 sa.) Xaweb ge Jehovaba ǁîna ǁnāti mû tama hâ.

7. Jehovaba mati ra ǂhâba î da sida ǃgâsan ǃoagu tsâ?

⁷ Jehovab ge ǁîb di khoena a ǀnam. Nēsin ga amab ǃnâ ǂgui kurina hâ. Tamas ka io amabab ǃnâ ǀasase hâ xawes tsîna. Hoa ǃgâsan ge Jehovab di ais aiǃâ a ǀō-aisa. ǁNā-amagan ge sida tawas tsîna nî ǀō-aisas ge. Sida ge “Mâ khoe-i hoa-e ǃgôa”. Tsî da ge hoa ǃgâsana nî ǀnam.” ǀNîn ǀguin ose. (1Pet. 2:17) Māsenxase da ge ǁîna nî ǁkhauba. Tsî ǁîna nî kōǃgâ. Mû da ga o sida di ǀgū khoe-e da go tsûtsûsa. O da ge tā nî ǂâi xū-i ī tama di. Tamas ka io nî ǂâi ǁnā khoe-i ge sida nî ǀûba. Tsî ǁnā i xa nî ǀuru. Tae-i ǃaroman ǀnîna nēs xa nî ǁaixa kaihe? ǁÎn khaoǃhūb xa ǃaromahe hâsen ge ǀnîna nî ǂâi. Nau khoen di mûn ǃnân ǀō-aisa tama hâ di. ǀNîn ge ǀasase amab ǃnâ hâ. Tsîn ge ǁîna noxoba ǁkhāǁkhāsen tama hâ. Matin khoen hîna ra dīsana nî ǀûbasa. Nēsi sa i ga dā-e xawes tsîna. Da ge ǀūni ǁaeb ai xūna ǃgâi ǀgaub ǃnâ ra dī ǂgao. Tsî khoe i hîna ǃhaese ra nau i xa ǁaixa i ge. ǁÎ i di ǀgauga nî dawa. O i ge ǂkhîba nî ūhâ. Tsî ǃgâi ǀhōsagusisa ǁî i di ǃgâsa i ǀkha nî ūhâ.

8. Mā ǂâi ǀgauban Jesub di ǁaeb di khoena ge ūhâ i ǁîb di ǁkhāǁkhāsabena gere ǃnôa kai na?

⁸ Tae i ǃaromab ge Jesuba nē ‘ǂkhariron’ xa ǃhoa? ǁÎb di saosabegu ge ǁîba dī-e ge dī: “Tari-e nî hoan ǂamai kai gaosib ǀhommi dib ǃnâ?” (Mateub 18:1) ǂGui Jodeǁîn ge gere ǂhaba în nauna ǂâi. ǁÎn kaise a ǂhâǂhâsa ǃkhaisa. ǀGui xoa-aob ge ra mî: “Aogu ge ǃgôasib tsî ǃkhūsis, tsîna ǂhâǂhâsa xu i ase ǁîgu di ûib ǃnâ gere mû.”

9. Jesub di ǁkhāǁkhāsabe ga tae-e nî dīsa ge i?

⁹ Jesub ge ge ǂan i. ǂGui Jodeǁîn ge ǂhâǂhâsase gere mûhe ǂgao. Tsî ǁîb di ǁkhāǁkhāsabegu ge ǃkharise nî sîsen. Îgu ǁnā ǂâi ǀgauba ǁîgu ǂgaoga xu dawa. ǁÎb ge ǁîga ge mîba: “Ab sago ǃnâ hoagu xa kaiba hoagu xa ǂkharib ase ī, îb ai-aiba  raba ǃoabasabese ī” (Lukab 22:26) Sida ge ‘ǂkhariron’ khami ī. ‘Nau-e da ga ǀgapise ǃgôa’o sida xa. (Fi 2:3) Nē ǂâi ǀgauba da ga ūhâ o. O da ge nauna ǃnôa kai ǁkhā tide.

10.  Mā ǀapemās hînab ge Pauluba māsa da nî ǂâiho?

¹⁰ Sida ǃgâsan haon ge. ǃKharagagu ǀgaugu ǃnâ sida xa a ǀgapi. Nē di i xūna mûs ge kaise a ǃgom. ǁÎn di ǃgâi ǀgaugu ai da ga kō o. Apostel Paulub ge Korinteǁîna a mā ǀapemâsa da ge sada tsîna nî sao: “Tari-e satsa aiǂhanuba ra mā? Tsî tare-ets ūhâ, ǃkhōǃoa tamats hâ-e? Tsîts ga ǁî-e ǃkhōǃoa hâo, matits kha ǁnâi ra koasen, ǃkhōǃoa tamats hâs ǁkhās khami?” (1Kor. 4:7) ǁNā amaga da ge nî ǂanbasen. Î da tā khoen xa goahe ǂgao. Tsî aitsamas tsîna ǀgapi ǃgôasensa nî ǂanbasen. ǃGâsab ga omkhâi ra ǃhoasa ga ra mâ o. Tamas ka ios ga ǃgâsasa ǂgui khoen hînas Elobmîsa ra ǁkhāǁkhāna ūhâ o. O i ge ǁîs tamas kai i o ǁîba goasa Jehovab ǀguiba nî mā.

11. Jesuba tae-e ǁnā aiǁgaus hîna gaob tsî ǃgāb disa xū ra ǁkhāǁkhā da?

¹¹ Jesub ge ǁîb di saosabena mîba toas khaoǃâ. În da nau khoena ǃnôa kai. Ob ge aiǁgau-e gaob tsî ǃgāb xa ge mā. ǁNā gaob di ǃgāb ge surude bi hâ i o. Ob ge gaoba ǁnā kai surudeba ge ǀari. ǁKhā ǃgāb ge ǀōro marisa ǁîba ge surude hâ i. Khoeba ge ǀûba ǂgao tama ge hâ i. Tamas ka io ǁîb di surudeba ge ǀari ǂgao tama hâ i. ǀAms aib ge ǁnā gaoba. ǀHomxaǂgao tama hâ ǃgāba tronkhes ǃnâ ge ao ǂgā. Tae-e da ra ǁkhāǁkhāsen? Jesub ge ge mî: “ǁNās ǁkhās xaseb ge ti Îb ǀhommi diba sadu ona nîra dī, mâ-i hoa-i ga ǁî-i ǃgâsa-i di dāsāde ǂgaoba xu ǀûba tama io.”—Mat. 18:21-35.

12. ǀÛba ǂgao tama da ka io, o da mati nau khoena ra tsûtsû?

¹² ǁNā ǃgāb ge a dī i ge ǁîb ǀguiba ge tsûtsû tama hâ i. Xawe nau khoen tsîna gere tsûtsû. ǂGuroseb ge ǀhomxaǂgaosiba ge ǁgau tama hâ i. ǁÎb khami a ǃgā khoeba ‘ǃKho-oms ǃnâ sī ge ǂnûi, surudebab nî matare bis kōse.’ ǀGamǁîseb ge nau ǃgān hîna ge tae-eb da dīsa gere mûna ge tsûtsû. ǁNās khami i ge sida di dī ga nau khoena ra tsâǀkhā. Khoe-i ga tsûtsû da o. Tsî da ga ǁî-e ǀûba tama io, o i tae-e a īǁkhā? ǂGurose da ge ǁî-e ra tsûtsû. ǁÎ-e da ga ǀûba ǂgao tama io. Tsî da ga ǁî-e ǀnamma ǁgau ǂgao tama io. ǀGamǁîse da ge ǁnān hîna ǀhaohâb ǃnâ hâna. ǃGâi tamase ra tsâ kai. ǁÎn ga mû o sida ǂkhîba ǁnā khoe-i ǀkha ūhâ tamasa.

13. Tae-e du ǀgui aimâba-ao ǃgâsas di aiǁgausa xu ra ǁkhāǁkhāsen?

¹³ Sida ǃgâsana da ga ǀûba o. O da ge hoada ǃgâiba ra hō. Crystal di ǀon hâ aimaba-aos di aiǁgaus ge nē sa ra mîba da. ǁÎs ge ǀhaohâb ǃnâ hâ ǃgâsas xa ge tsûtsûhe. Crystal ge ǂâihō tsî ra mî: “ǁÎs di mîdi ge ǀnî ǁaega gôab khami gere ǃkhā. ǁÎs ǀkha ta ge aoǁna sîsenni ǃnâs tsîna ge ǂoa ǂgao tama hâ i. Tsî da ge di ǀnammi tsî ǂkhîb tsina ge ǂgoa ǃnâ tsaotsao.” Crystal ge ra mî ǁîs ge ǃgâi ǃaromasa ge ūhâ i ǁaixasa. ǁÎs ge ǁaixa hâse ǁîs di ǃgâsas ǀkha ge hâ tama hâ i. Tamas ka io ǁîs di tsâsib ai ǂâisa ge ǂnûi tama ge hâ i. Xawes ge ǃgamǃgamsenxase Elobmîs ai ǃgaoǃgao sa ǀapemās. Hîna “Forgive From Your Heart” di hâ ǁkhāǁkhāǃâsa The Watchtower ǂhanib Oktoberi di 15, 1999 nî dīsa ge khomai. ǁÎs ge ǁîs di ǃgâsasa ge ǀûba. Crystal ge ra mî: “Nēsisa ta ge ra ǁnâuǃā. Hoa da  ra ǁgūtsâ i da ǀasa khoe si ǀgauga ǂgaeǂgā. Tsî Jehovab ge māsenxase ra ǀûba da mâtsēs hoasa. ǃHūbaib di ǃgomgu ge ti ǃhōde xū a ūǁnâhe khami ta ge gere tsâ. Ti ǂkhîba ta ge ge hō oa.”

14. Mateub 18:21,22 ǃoagub ge apostel Petruba tae ǃgomsiba ūhâ i, tsî tae-e du Jesub di ǃereamsa xū ra ǁkhāǁkhāsen?

¹⁴ ǂAn da ge a ǀûba da nî sa. Tsî ǁnā i ge ǂhanu xū-i hîna da a dī ǁkha-e. Xawe ǁnāsa dīs ge a ǃgom ǁkhā. Apostel Petrub tsîn ge ǀnî ǁaega ǁnā di gere tsâ (Khomai re Mateub 18:21,22 sa.) Tae-e a hui ǁkhā? ǂGurose ǂâiǃgâ re matikōseb Jehovaba ǀûba du hâ sa. (Mat. 18:32, 33) ǁÎb xa ǀûbahe sa da ge anu tama hâ. Xaweb ge māsenxase sida ra ǀûba. (Psa. 103:8-10) ǁKhā ǁaeb ai, ‘da ge sada ona surude hâ, ǀnamgu da nîsa’. ǀÛbas ge dī da nî xū i ǀgui. Sida ǃgâsana da ge ǀûbasa surude hâ. (1Jhn. 4:11) ǀGamǁîse ǂâiǃgâ re tae-i nî īsa ǀûba du ga o. Tsûtsû da hâ khoe-e da ge a hui ǁkhā. O da ge ǀhaohâba ra ǀgaiǀgai. Tsî da ge Jehovab ǀkha da ūhâ ǀhōsagusisa ra ǁkhauba. Tsî da ge ǃgomsina sida di ǃhōde xū ra ūǁnā. Tsî ǁnās ǀkha khoakhoahe hâse ra tsâ. (2Kor. 2:7; Kol. 3:14) ǀAms ai da ge ǁnāb hîna sida ra mîbaba î da ǀûbaba ǃoa nî ǀgore. Tā ǁGâuaba mā-am re îb sadu ūhâ ǃgâi ǀhōsagusisa. Sadu ǃGâsan ǀkha ǀgora. (Efe. 4:26, 27) Jehovab di huiba da ge ǂhâ hâ. Î da ǂkhîba ǀhaohâb ǃnâ ūhâ.

15. Koloseǁîn 3:13 sa tae-e ra mî, dī da nî-e sida di ǃgâsa-i ga ǃgâi tama xū-e mî tsî dī o?

¹⁵ Tae-e du nî dī ǀnîsi i ga ǀnî ǃgâsa-e ǃgâi tama ǀgaub ǃnâ tanisen o. Sado ǃgâiba tama-e? Sado tae-e a di ǁkhā? Dī ǁkhā du a e dī re î du ǂkhîba ūhâ ǀkhara. Jehovaba du mîba re mati du ra tsâsa. ǁÎba du ǂgan re îb nē go tsûtsû du khoe-e hui. Tsî sadu tsîna hui î du ǁnā khoe i di ǃgâi  ǀgauga mû. ǁNā ǀgaugu hînab Jehovaba ǁnā khoe i ǃnâ ra mû ga (Lukab 6:28) Tsî du ga ǀuru ǁoa o. Sadu ǃgâsa i ge dī du xū-e. O ǃgâi ǀgauba ôa re mati du ǁî i ǀkha si nî ǃhoa ǀgauba. Kaise i ge a ǃgâi ǂâisa. Sadu ǃgâsa i ge ǂanabega tsûtsû du ǂgao tama isa. (Mat. 5:23, 24; 1Kor. 13:7) ǁÎ i ǀkha du ga ǃhoa o. ǁÎ i di ǃgâi ǃaromasa mû re. O ǀnîsi i ga ǂkhîba di ǂgao tama i os? Î du tanibagu ǁnā khoe i ǀkha. Aiǃgû re sadu ǃgâsan ǀkha ǃnūǃnâxasa. (Khomai re Koloseǁîn 3:13 sa.) Tā ǁî i ǀkha ǁaixa hâse hâ re. Nēs nî sadu ǀhōsagus Jehovab ǀkha du ūhâsa nî ǁgaiǁgai xū ge. Tā xū-e mâ-am re î i ǃnôa kai du. ǁNāsa du ga ra di o. O du ge Jehovaba ra ǁgau ǀnambi du hâsa ǀnî hâ xū-i ǂamai.—Psa. 119:165.

16. Tae-i ǃereamsa-i mā khoe-i hoa-e ūhâ?

¹⁶ Kaise da ge ra ǂkhî Jehovaba sida ǃgâsan ǀkha ǀguiba ǃoabasa. ‘ǀGui gūn ase ǀgui ǃûi-aob ǃnâga’. (Johaneb 10:16) Organized to Do Jehovah’s Will di hâ ǂkhanis di 165ǁî ǂhaweb ge nēti ra mî: “Sadu ǀguiǃnâxasib xa du ǃgâibahe amaga du ge. Sadu ǃâ-e nî ǀhuru nē ǀguiǃnâxasiba ūhâ ǀgaras ǃnâ.” ǁNās ǃaroma da ge nî “ǁkhāǁkhāsen î da. Sida ǃgâsana Jehovab ǁîna ra mû khami mû”. Hoa da ge Jehovab mûǁae a ǀo-aisa ‘ǂkhariron khami’. Sadu tsîna ǃgâsan sadu di na ǁnāti ra mû? Jehovab ge ra mû ma xū i hoa i hîna du ra dī-e. ǁÎna hui ǂgaos ǃaroma.—Mat. 10:42.

17. Sada tae-e ra dī ǂgao?

¹⁷ Sida ǃgâsana da ge a ǀnam. Tsî da ge “ǀgui-i xare-i ǁî-i ǃgâsa-e ǃnôa-i tsî ǁgonǁgonǂgao-e mâiba tide ǃkhaisa.” (Rom. 14:13) Sida ǃgâsana da ge sida xa ǀgapise ra ǃgôa. Tsî da ge ǁîna ǂgaoba xu ra ǀûba. Tā da ge nî mā-am îda nau khoen xa ǃnôa kaihe. Xawe ‘ada ǁnâi ǂkhîb dina sauruǃgon, tsî omkhâigus ǃoa hân tsîna.’—Rom. 14:19.