Nē kurib di ǃKhē xu ǂgō-ommi ǂkhaniga khomai i du ge? Nē dîde du mati nî ǃereamsa kō re:

ǂKhauhesa ǃgâsana da mati nî hâ-ū?

ǁÎn di ǂgomsa da ge ra ǃgôaǃgâ: xawe da ge ǁîna ǃoa kaise kō ǂgao tama hâ. ǁÎn di ǀgauga ‘turasa’ xū da ge ra ǂgōsen ǂgao. (Judab 16) ǀHommi ǃâubasens xa da ge ǁîna dî ǂgao tama hâ.—w20.01, p. 29.

Tae-e nî ǁgau du Jehovab sado ra mûsa?

Elobmîs ge ra ǁgau Jehovab, ǃnae da nîs aiǃâsa xu a ǂan dasa. Sada ǀgoredeb ge ra ǁnâu. Tsîb ge sada di ǂâidi tsî ǂgaogu ǃnâ i taena hâsa a ǂan, tsî nēs ge ǁîba ra tsâǀkhā. (1Kro. 28:9; ǂKhm. 27:11) ǁÎb ge sado ge ǂgae.—w20.02, p. 12.

Mâba a ǂhanu ǁae ǃhoas diba? Aiǁgauna kō re.

Jehovab xa da ga ǃhoa o, da ge kaise ra ǂkhî. Khoe-i ga ǃgâi tama daob ai ga ra hâ o, o da ge ra ǃhoa. ǀHaohâb ǃûi-aogu ge xū-e mîs tamas ka io ǁnamasa xu ǂgae-oasen tama. Sida aoǁnâ sîsenni xa da ge ǃhoa ǂgao tama hâ, sida sîsenni mā-amhe tama hâ ǃhūgu xa. Nau khoen ǂan ǁoa xūn xa da ge ǃhoa ǂgao tama.—w20.03, pp. 20-21.

Joeli 2ǁî danaǃâs ǃnâ hâ ǂhomga mati ǂHaiǂhais 9ǁî danaǃâs ǃnâ hâ ǂhomga xu ra ǃkharaga?

Joeli 2:20-29 ǃnâb ge Jehovaba ra mî, ǂhoms dī hâ tsūb ǃaromab ge mādawa-amsa nî mā di. ǁNās khaoǃgâb ge ǃanu gagaba nîra ǁhōǂui. ǁNās ge Babilons di ǁnāǂams Israelǁaes kaoǃgâ ge dīǀoaǀoahe. ǂHaiǂhais 9:1-11 ge amabes ǃnâ Jehovab ǂkhauhesa ǃoaba-aona ǃoa ra ǁnaeǁgau. ǁÎn ge Elob di ǀgoraǃgâs haisi amsa nē ǃhūbaib ǂama nî hāse īsa ra aoǁnâ tsî nēsa ǂkhâǃnâ tama hâna ra ǁaiǁai.—w20.04, pp. 3-6.

ǀApas di gaoba a ham nētsē?

Russiab tsî ǁîba ra ǂkhâǃnâ ǃhūgu. ǁÎn ge Eloba ra ǃoaba khoena ra ǁgâiǀā tsî aoǁnân nî ǃkhaisa ǂgao tama hâ-i. Tsî ǁînan ǃhuihâsa gere ǁgau. Noordes tsî suides gaoga ge gere ǀnûgu.—w20.05, p. 13.

Galateǁîn 5:22, 23 tawa ra ǂgaihe khoese ǀgaugu ǀguiga a ‘gagab di ǂû’?

Hî-i. ǃAnu gagab ge ra huida î da ǃgâi ǀgauga ūhâ. ǂHanu-aisib khami. (Efe. 5:8, 9)—w20.06, p. 17.

Mâ ǀgauba hâ internets ai sadu xa xūna ǃnaos diba?

Internets ai du ga vidion tsî foton tsîna a ǃnao o, o i ge tsâsen du ra khami ra mûsen, tsî ǃgamǃgamsenxasiba du ūhâ tama khama ra ǁgau.—w20.07, pp. 6-7.

Xristeǁî aoǁnâ-aona ǂansa ūhâ ǁauǃkhō-aogu di aiǁgausa xu tae-e ra ǁkhāǁkhāsen?

ǁAuna gu nî hō ǃkhaigu tsî ǁaegu ai gu ge gere sîsen. ǁAuǃkhō-aob ge a ǂan mâ xūnab nî sîsen-ūsa. ǂOab tsî ǀnanub mâsigu ra dawa xawe gu ge ǁkhoaǂgaosib ǀkha gere sîsen. Sida tsîn ge ǁkhā ǁkhoaǂgaosiba sida aoǁnâ sîsen-i ǃnâ nî ūhâ.—w20.09, p. 5.

Mâ ǀgaugu ǃnâ da Elobmîsa ra ǁkhāǁkhāsen khoena nî hui în Eloba ǀnama omkhâiba?

Sadu ǀkha Elobmîsa ra ǁkhāǁkhāsen khoe-e hui re i i tsēs hoasa Elobmîsa khomai tsî ǂâiǃgâ. ǀGoresa da ge nî ǁkhāǁkhā nî.—w20.11, p. 4.

Ham na i ǃkhōǂgā hâ: “Hoana Xristub ǃnâ nîra ûi-ûihe” di i ga mîhe o?—1Kor. 15:22.

Apostel Paulub ge ge mî tama hâ i, hoa khoen khâisa nî hōsa. Xaweb ge ǂkhauhesa Xristeǁîn hîna “Xristub Jesub ǃnâ ǃanuǃanuhe hân” xa gere ǃhoa. (1Kor. 1:2; 15:18)—w20.12, pp. 5-6.

ǂKhauhesana tae-e “ǀgui mûsǀapirob ǃnâ, ǀuni ǀgapadas ra ǀō hîa” nî dī?—1Kor. 15:51-53.

ǁÎn ge Xristub ǃgâsana ǀuri haib ǀkha nî ǃûi. (J.ǂHa. 2:26, 27)—w20.12, pp. 12-13.