ǁKHĀǁKHĀǃÂS 35
Jehovab ge ǁîb ǃgamǃgamsenxa ǃoaba-aona ra ǃgôaǃgâ
‘Jehovab ge. . . ǃgamǃgamsen hâ-e ra kōǀî xui-ao.’—PSA. 138:6.
48ǁÎ ǁNAETSANAS Jehovab ǀkha tsēs hoasa ǃgû re
ǃKHŌǀHAOS *
1. Jehovaba mati ǃgamǃgamsenxa khoen xa ra tsâ? ǁGuiǃā re.
JEHOVAB ge ǃgamǃgamsenxa khoena a ǀnam. ǃGamǃgamsenxasiba da ga ūhâ o, o da ge ǃgâi ǀhōsagusisa Jehovab ǀkha a ūhâ ǁkhā. Xaweb ge Jehovaba ‘ǀgapiǀgapisen ra-e ǃnūseba xu a ǂan.’ (Psa. 138:6) Hoa da ge Jehovaba ǂkhîǂkhî tsî ǁîb di ǀnamma ra hōǃâ ǂgao, nēs ǃaroma da ge ǃgamǃgamsenxasiba nî omkhâi.
2. Tae-e da nē ǁkhāǁkhāǃâs ǃnâ nî ǃhoaǃgao?
2 Nē ǁkhāǁkhāǃâs ǃnâ da ge nē ǃnona dîdi di ǃereamde nî ǃhoaǃgao: (1) ǃGamǃgamsenxasiba a tae ? (2) Tae-i ǃaroma da nē ǀgauba nî omkhâi? (3) Mâ mâsiga a ǃgom kai ǁkhā nē ǀgauba ǁgausa? Mû da nî khami da ge ǃgamǃgamsenxasiba da ga ūhâ o, o Jehovab ǂgaoba ra ǂkhî kai tsî sada tsîna nēsa xu ra ǀama.—ǂKhm. 27:11; Jes. 48:17.
ǃGAMǃGAMSENXASIBA A TAE?
3. ǃGamǃgamsenxasiba a tae?
3 ǃGamǃgamsenxa khoe-i ge nau khoen xa i ǀgapi ti ǂâi tama hâ tsî ǀnōsa ǂâiǀgaub tsîna nau ǃgâsan xa ūhâ. ǃGamǃgamsenxa khoe-i ge ra mûǂan Jehovab ǁî-i xa a ǀgapisa tsî nau khoen di ǃharodi tsîna ra mûǂan. Tsî ra ǁnâuǃā nau khoen ǁîn xa ǀnî xūn ǃnâ ǃgâisa.—Fil. 2:3, 4.
4-5. Tae-i ǃaroma da a mî ǁkhā ǃgamǃgamsenxasib ge ai-īsiba xu ǀgui hâ tama hâ di?
4 ǀNî khoen ge ǃgamǃgamsenxasiba ūhâ khami ǀgui a ǁgausen ǁkhā. ǀNîn ge taoxan a ǃkhais ǃaroma ǀgui nēti ra Luk. 6:45.
tanisen. Tamas ka ion ge ǃgôaǃgâsiba ra ǁgau din ge ǁîn ǁgûn xa kaikaihe amaga. Xawe ǃgamse a ǀgapi ǃgôasenxa. Tsî ǀgūǁae ǁîn ǂgaogu ǃnâ hâ xūna nî ǁgau.—5 ǀNî khoen ge ǂgomǃgâsiba ǁîn ǃnâ ūhâ tsî mî ǂgaon ra xū-e ra mî xawes ge nēsa ǂâibasen tama hâ ǁîn ǃgamǃgamsenxasiba ūhâ tama hâ di. (Jhn. 1:46, 47) Xawen ge taoxa tama hâ khoena tā ǁîn ǀgaugu ai nî ǂgomǃgâsen. Nēsi da ga ǂgomǃgâsiba sada ǃnâ ūhâ tamas ka io ūhâ tama i xawe da ge nî dītsâ ǃgamǃgamsenxasiba omkhâisa.
Apostel Paulub ge ǃgamǃgamsenxa mûǂuiba ǁîb xa ge ūhâ i (6ǁÎ xoaǀgorasa mû re) *
6. 1 Korinteǁîn 15:10 ǃnâ i ra ǁgauhe khami da tae-e apostel Paulub aiǁgausa xu a ǁkhāǁkhāsen ǁkhā?
6 Apostel Paulub di aiǁgausa ǃoa kō re. ǁÎb ge Jehovab xa kaise gere sîsen-ūhe ǀhaohâga oms ǃaroma. Īǁkhā i ge a ǁîb ge ǃnāsa-e aoǁnâ sîsenni ǃnâ a dīsa, nau apostelgu Jesub Xristub digu xa. Xaweb ge Pauluba ge ǂâi tama hâ i ǁîb, ǁîb ǃgâsagu xa a ǂhâǂhâsa di. Xaweb ge ǃgamǃgamsenxasib ǀkha ge mî: “Tita ge apostelgu hoagu xa ǂkharita, tita apostelse ǂgaihesa anu tama ta, Elob di ǀhaohâba ta gere ǃgôaǃgon amaga.” (1Kor. 15:9) Tsîb ge Pauluba ge mûǂan ǁîb Jehovab ǀkha ūhâ ǀhōsagusis Jehovab ǀkhomxaǂgaosib xa īǁkhā kai-e hâsa tsîb ǁîba ǂhâǂhâsa tama hâ ǃkhaisa. (Khomai re 1 Korinteǁîn 15:10.) Paulub ge a ǃgâi aiǁgau ǃgamǃgamsenxa khoe-i diba. ǁÎb sîǂkhanisab ge Korintes ǃnâ hâ Xristeǁîna ǃoa a xoa o, ob ge ǂhâǂhâsa khoe-i ase ge ǁgausen tama hâ i ǀnîn ǀhaohâb ǃnâ ǁîb xa ǁgaise gere ǃhoa xawe.—2Kor. 10:10.
Karl Frederick Klein ǃgamǃgamsenxa ǃgâsab hîna ge ǂgaeǂguira soros di ǁani īb (7ǁÎ xoaǀgorasa mû re)
7. Mati gu ge ǂanǂansa ǃgâsaga ǃgamǃgamsenxasiba gu ūhâ ǃkhaisa ǁgau? Aiǁgau-e mā re.
7 Jehovab ǃoaba-aon ǂguin ge ǃgâsab *
Karl Frederick Kleini hîna ge ǂGaeǂguira soros di ǁani îb aiǁgaus xa ge ǂkhâǃnâ-e. ǁÎb ûib xab ge xoa o, ob ge ǃgâsab Kleina ǂhauǃnâse ǁîb dīsādi tsî hōǃâb gere ǃgomsin tsîn xa ge xoa. Aiǁgauseb ge omsa xu oms ǀkha aoǁnâ sîsena 1922ǁî kurib ǃnâ ǂguro ǃnās ase ge dī. Xawes ge nēsa kaise ge ǃgomba bi i tsîb ge nēsa ǀgam kurikha ge dī tama hâ i. Ega Betels tawab ta sîsen hînab ge ǀnî hâ ǃgâsab xa ge daoǁgau-e tsîb ge nē ǃgâsab ǀkha ǁaixa tsî ǁîb ǀkha gaxuse ge ǃhoa tama hâ i. ǁÎb ge ǁaeroba ge danaǀgaru hâ i xawe ǁnās khaoǃgâ ge a ǂguru. Xaweb ge kaise ǂhâǂhâsa tsî ǃgâi ǁgaumâidi tsîna ge ūhâ i. ǂÂi re matikō ǃgamǃgamsenxasiba i ge a ūsa nēti ī ǂanǂansa ǃgâsaba ǁîb di dīsāde ǂanǃgâs ǃnâ. ǂGui ǃgâsan ge ǃgâsab Kleini di ûib ǂhôasa ra ǂâihō tsî ǁîb di ǂhauǃnâsib tsîna.TAE-I ǃAROMA DA ǃGAMǃGAMSENXASIBA NÎ OMKHÂI?
8. 1 Petrub 5:6 sa mati ra mûǂan kai da ǃgamǃgamsenxasib Jehovaba ra ǂkhî kai ǃkhaisa?
8 ǂHâǂhâsa ǃaromas hîna da ǃgamǃgamsenxasiba ra ūhâ ǂgaos ge Jehovaba i ra ǂkhî kai amaga. Apostel Petrub ge nēsa ge ǃgāsa kai. (Khomai re 1 Petrub 5:6.) Petrub mîdi ai ra ǀaroses ge ǂkhanis “Come Be My Follower” sa ra mî: “ǀGapiǀgapisens ge ǃgāb khami ī. Nēs ǀamǂoas ge kaise a tsū ǁkhā. ǁÎǃgôasen hâ tsî ǃgâi ǀgauga ūhâ khoe-i tsîn ge nēs xa ǃaroma-e hâse Jehovab ǃoa-ai a ǁgai. ǃGamǃgamsenxasib ge ǃgâi ǀgauga ūhâ tama hâ khoe-i tsîna Jehovab ǃoa-ai ǃgâi khoe-i ase ra mûsen kai. . . . ǁÎb ge ǃgâiǃgâibasensa ūhâ sa ǃgamǃgamsenxasib amsi ǀkhaetsisa.” * ǂHâǂhâsa xū-i hîna da a dī ǁkhā i ge Jehovab di ǂgaoba ǂkhîǂkhîsa.—ǂKhm. 23:15.
9. ǃGamǃgamsenxasiba mati nau khoena sida ǃoa ra ǂgae?
9 Jehovaba da ra ǂkhîǂkhî xawe da ga ǃgamǃgamsenxasiba ūhâ o,o da ge ǂgui ǃgâi xūn tsîna ra ǃkhōǃoa. ǃGamǃgamsenxasib ge nau khoena sada ǃoa ra ǂgae. Nēsa tae-i ǃaroma nēti ī? ǂÂi re tae ǃnôa khoen ǀkha du ra hâǀhao ǂgaosa. (Mat. 7:12) Khoen hîna ǁîn ǂhâba hâ xūn ǀguin nî dī-es tsî nau khoen di ǂâide ǃgâ ǂgao tama hân ǀkha da ge hâǀhao ǂgao tama hâ. Xawe da ge kaise a ǃgâibahe sada ǃgâsan ǀkha hâsa ǁîn ‘ǀkhomxa, ǃgâsaǀnamxa, ǀkhomxaǃnâ tsî a ǃgamǃgamsenxa’ amaga. (1Pet. 3:8) Nēti i khoen ǀgūse da ga hâ ǂgao o, on ge ǁîn tsîna sada ǀgūse nî hâ ǂgao ǃgamǃgamsenxasiba da ga ūhâ o.
10. Tae-i ǃaroma i ǃgamǃgamsenxa khoena a supuba ǃgomsin ǃnâ mâǀgaisa?
10 ǃGamǃgamsenxasib ge sada ûiga ra supu kai. ǁAen ai da ge xūna mû tamas ka io a ǃkharu ǃnâ ǁkhā hîna ǂhanu tama hâna. Gā-ai Gaob Salomob ge ge ǂanǃgâ: “Tita ge ǃgāga ge mû hān ai ra ǃgapise, tsî gaoga, ǃgāgu khami ǃhūb ai ra ǃgûse.” (Aoǁn. 10:7) Khoen hîna ǀgapi ǂansa ūhân ge hoaǁae koahe tama hâ. Tsî ǁnān hîna ǀoro ǂansa ūhân ge ǁaen ai ǃnāsase ra koahe. Xaweb ge Salomoba ge mûǂan ûiba da īb a khami nî ūǃoa tsî tā ǂhanuǂhanu ǁoa da a xūn xa nî tsûa danasa. (Aoǁn. 6:9) ǃGamǃgamsenxasiba da ga ūhâ o, o da ge ûiba hāb ra khami ūǃoa tsî ǃnāsa-e ǃâubasen tide.
MÂ ǃGOMSINA SADA DI ǃGAMǃGAMSENXASIBA A ǃÂITSÂ ǁKHĀ?
Tae-i ǃaroma i a ǃgom ǁkhā nē mâsigu ǃnâ ǃgamǃgamsenxasiba ǁgausa? (11ǁÎ tsî 12ǁî xoaǀgora ra mû re) *
11. Tae-e da nî dī ǁnama-e da ga o?
11 Tsēs hoasa da ge ǃēsa ūhâ ǂgui mâsigu ǃnâ ǃgamǃgamsenxasiba ǁgausa. Nē māsa aiǁgaudi xa ǂâi re. ǁNama-e da ra ǁaeb. ǂAn da ge nî ǃgâsa i ga ǁnama da o, o da tsū xū-e dī hâ ǃkhaisa. ǃGâsa i ga ǁnama da os ge nēsa a ǃgomba da ǁkhā ǁnā ǁnamasa ūǃoasa. ǁNamasa ra mā da khoe-e da ge a mîǁgaiǁgai ǁkhā ǁnamasa i ra mā da ǃkhais ǃaroma tamas ka io ǁnamasa i ra mā ǀgaub xa ǃaroma-e hâse. Xawe da ga ǃgamǃgamsenxasiba ūhâ o, o da ge nē mâsib ǃnâ nî dītsâ ǃgâise tanisensa.
12. ǂKhoamîdi 27:5, 6 ǃoagu da tae-i ǃaroma ǁnama da ra ǃgâsa-e nî ǃgôaǃgâ? Aiǁgau-e mā re.
12 ǃGamǃgamsenxa khoe-i ge ǁnamasa ra ǃgôaǃgâ. Aiǁgause, ǂâi re Xristeǁî ǀhao-i tawa du hâsa. ǃKharagagu ǃgâsan ǀkha du ǃhoa hâ hîna i ge ǀgui ǃgâsa-e ra mîba du ǂû-i sadu di ǁgûgu ǃnâ hâsa. Nēs xa du ge kaise nî tao. Xawe du ge kaise nî gangan nē ǃgâsa i go ǁnāsa a mîba du ǃkhais ǃaroma. ǂÂis tsîna du ge a hî ǁkhā tae-i xa i go ǀnîhâ ǃgâsa-e nēsa ǀnai mîba te tama hâ i di. ǁKhā ǀgaub ǃnâ da ge ǃgamǃgamsenxasib ǀkha ǃgâsa i ga ǁnama da o, o nēsa nî ūǃoa ǁkhā. Nē ǃgâsana da ge sada ǀhōsan ase ra mû ǂgao tsî sada mâǃoa-aon ose.—Khomai re ǂKhoamîdi 27:5, 6; Gal. 4:16.
Tae-i ǃaroma da ǃgamǃgamsenxasiba nî ūhâ nau ǃgâsan ga aiǂhanuga a hō o? (13ǁÎ tsî 14ǁî xoaǀgora ra mû re) *
13. Nau ǃgâsan ga ǀhaohâb ǃnâ aiǂhanuga hō o, o da mati ǃgamǃgamsenxasiba nî ǁgau?
13 Nau ǃgâsan ga aiǂhanuga hō os. ǀHaohâb ǃûi-aob Jasoni ge ra ǂanǃgâ “ǁaen ain ga ǃgâsana aiǂhanuga hō o, ob 1Tim. 3:1) Xawe da ge ǂâi da ra xūna nî ǂanbasen. ǂAnbasen tama da ga io, o da ge nau ǃgâsana ǃgôaǁnâs tsâsiba a omkhâi ǁkhā. Aiǁgauseb, ge Xristeǁî ǃgâsaba a ǂâi tsoatsoa ǁkhā ǁîb ǀguib ǀnî hâ xūna ǀhaohâb ǃnâ a dī ǁkhā di. Tamas ka ios ge Xristeǁî ǃgâsasa a ǂâi tsoatsoa ǁkhā ǁîs kaikhoeb ǀguib ǁnā xūna ǃgâise a dī ǁkhā di. Xawe da ga ǃgamǃgamsenxasiba ūhâ o, o da ge nē ǃnôa xūn xa ǂâis tsîna hî tide.
ge ra ǂâi tae-i ǃaroma ta tita nē aiǂhanuga hō tama hâ ti.” Sadu tsîna nēti ra tsâ? Tsū tama i ge hâ aiǂhanuga da ga “hō ǂgao o.” (14. Moseb ge nau khoen ge aiǂhanuga a māhe o, o a tanisen ǀgauba xu da tae-e a ǁkhāǁkhāsen ǁkhā?
14 Moseb ge nau khoen ge aiǂhanuga a māhe o, o tanisen ǀgauba xu da ge a ǁkhāǁkhāsen ǁkhā. Moseb ge ǁîb aiǂhanub Israelǁaesa ǂgaeǂguis tiba kaise gere ǃgôaǃgâ. Xaweb ge Jehovaba ǀnîhâ aiǂhanugu Moseb diga nau khoena a mā o, ob ge mati tanisen? ǁÎb ge ge surixa tama hâ i. (Num. 11:24-29) ǁîb ge ge ǃgamǃgamsenxa i tsî nau khoena ge mā-am îb nē ǁaesa ǂgaeǂguis ǀkha hui-e. (Eks. 18:13-24) Nēs ge ǃgâi sîsenǂuiba Israelǁaes ai ge ūhâ i hînab ge ǂgaeǂgui kaihesa. Nēs ge ra ǁgau Moseb ge nau khoena gere hui ǂgaosa tsî ǂgui aiǂhanuga ge ǂhâba tama hâ isa nau khoen di ǃgâib xab gere ǂâi amaga. Nēs ge a ǃgâi aiǁgau sada ǃaroma. Jehovab xa da ga sîsen-ūhe ǂgao o, o da ge tā sada di ǁkhāsigu ai nî kō xawe ǃgamǃgamsenxasiba nî ūhâ. ‘Jehovab ge a ǀgapi, xaweb ge ǃgamǃgamsen hâ-e ra kōǀî.’—Psa. 138:6.
15. Mâ ǃgomsinan ǂgui ǃgâsana ge ǃkharu ǃnâ?
15 ǀAsa mâsiga da ga hōǃâ os. ǃGâsan hîna Jehovaba ǂgui kuriga ǃoaba hân ge ǀasa ǁgaumâide ge hō. Aiǁgause gu ge ǂHaris mûǂam-aogu tsî ǁîgu taradi tsîna
2014ǁî kurib ǃnâ ǀasa ǁgaumâide ge hō. ǁNā kurib ǃnâs tsîna gu ge ǃnarimâra mûǂam-aoga 70 kurixa gu gere o, ǁîgu di ǁgaumâide gere ǀamǀam. Tsî 80 kurixa gere ǃgâsagu ge ǀhaohâb ǃûi-aogu di ǂnûǁkhaeba-aosisa xu gere ǁgôa. Tsî kurin ǃkharu hâsen ge Betels omaris khoen ǀnîna aoǁnâ sîsena ǃoa ge a sî oahe. Tsî ǀnîn ge ǁîn ǁgaumâide ge ǀam kai, ǀaeb mâsib, ǁîn ǀaokhoen amsi tamas ka io ǀnî hâ ǃgomsin xa ǃaroma-e hâse.16. Sada ǃgâsana mati ǃgamǃgamsenxasiba ǁîn di ǀasa ǁgaumâidi ǃnâ ge ǁgau?
16 ǃNāsa ǃgâsan sada din ge nē ǀkharaǀkharana ūǃoas xa kaise ge ǃgombahe i. ǁÎn di ǀoro ǁgaumâidi hînan ge ǂgui kuriga a dīden ge ge ǀnam i. ǀNîn ge ‘ǃoab’ ǃnâ ge hâ i ǁîn di ǀasa ǁgaumâidi ǀkhan gere aiǃgû hîna. Xawen ge ǁaeb ra ī khami ra ǃgâi. Tae-i ǃaromasa nēsa? Nēs ge Jehovaban ūba hâ ǀnammi xa ra īǁkhā kai-e. ǁÎn ge ge mîmâi tama hâ i Jehovaban ǁîn ǂhâba hâ ǁgaumâiden ga hō o, o ǀgui nî ǃoaba di. (Kol. 3:23) ǁÎn ge a ǂkhî Jehovaba ǃoaba ǀgarasa mā-en ra ǁgaumâi-i hoa-i ǃnâ. “Sadu ǂhansendi hoade ǁîba ǁgui-ai” ǂan du a ǁîb sado ra ǂhansenba xuige.—1Pet. 5:6, 7.
17. Tae-i ǃaroma da Elobmîs ǂkhâǃnâs ǃgamǃgamsenxasiba ūhâs disa ra ǃgôaǃgâ?
17 Kaise da ge ra ǃgôaǃgâ Elobmîs ra ǂkhâǃnâ da o ǃgamǃgamsenxasiba ūhâsa. Nē ǀgauba da ga ūhâ o, on ge khoena a ǃgâiba-e sada ǀkha hâsa tsî da ge sada tsîna ǁîn ǀkha hâs xa ǃgâiba-e. Nēs ge ûib ǃgomsin ǃnâ mâǀgaibes ǀkhas tsîna ra huida. Tsî hoan ǂam-ai da ge Jehovab ǃoa ra ǀgū. Kaise da ge a ǂkhî ǂansa “ǀGapib, ǀamose ǁan hâb” sada ǀnam tsî sada ǃgamǃgamsenxasiba ra ǃgôaǃgâsa.—Jes. 57:15.
45ǁÎ ǁNAETSANAS Ti ǂgaob di ǂâiǂâisens
^ par. 5 Kaise i ge a ǂhâǂhâsa ǃgamǃgamsenxasiba ūhâsa. ǃGamǃgamsenxasiba a tae ? Tsî mati da nē ǀgauba a omkhâi ǁkhā? ǃGomsin hîna da ra hōǃâna mati nē ǀgauba a tsâǀkhā ǁkhā? Nē ǁkhāǁkhāǃâs ǃnâ da ge nē ǂhâǂhâsa dîde nî ǃhoaǃgao.
^ par. 7 Mû re The Watchtower Oktoberi 1, 1984ǁî kurib diba, “Jehovah Has Dealt Rewardingly With Me” di hâ ǃâba.
^ par. 8 Mû re 3ǁî ǁkhāǁkhāǃâs, 23ǁî xoaǀgorasa.
^ par. 53 AI-ĪSIBA ǁGUIǃĀS: ǃGâsab oms aib hâ hînab ge apostel Pauluba nau ǃgâsan ǀkha ra ǁgamǀhao, ǂkham ǀgôaron tsîna ǃkhōǂgā hâse.
^ par. 57 AI-ĪSIBA ǁGUIǃĀS: ǃGâsab ge Elobmîs ai ǃgaoǃgaosa daoǁgausa ǂkham ǃgâsaba xu ra ūǃoa.
^ par. 59 AI-ĪSIBA ǁGUIǃĀS: Kaira ǃgâsab ge ǂkham ǃgâsab ǀhaohâb ǃnâ ūhâ aiǂhanuga suri tama hâ.